#CAIC_WZ10 Chinese ho CAIC WZ-10,W Z-10 tia hriat mai hi a chanchin ilo en leh mai teh ang. Rin ang ngawt a nep chu ani hauh lovang…. Chinese tawng chuan Wuzhuang Zhishengi/Armed Helicopter tih a ni a. People’s Republic of China kutchhuak a ni. A mission role ber chu anti-tank ani a, air to air capability pawh a nei bawk. Changhe Aircraft Industries Corporation (CAIC) company duan leh siam a ni. 1979 vel khan Chinese military chuan armour formations liantham khin nan chuan attack helicopter a tha ber tih ngaihdan an nei a. Aerospatiale Gazelle pariat, Euromissile HOT pai chu enchhin nan a lei a. 1980s laihawl vel chuan attack helicopter an mamawh tih chu an pawm . Chung hun lai chuan India ang deuhin civilian helicopters military hman atana lei te an hmang thin. Heng te hi attack role atan an tawk ta lova, scouts atan an tawk chauh a ni. China chuan Augusta A129 Mangusta chu a enchhin a, chubakah 1988 khan USA nen AH-1 Cobras leinaah leh BGM-71 TOW missiles siam phalna license nen chuan an inrem a. Mahse Tiananmen Square Protests of 1989 incident vang leh anghawng arms embargo vang chuan USA nen indawrna chu cancelled a ni a. 1990 ah lah ‘The colour revolutions’ khan 1990 leh 1091 atangin Eastern Europe atanga attack Helicopter lei a khap bawk si a. Bulgaria leh Russia atanga Mil Mi-24 lei a tum lah an reject sak bawk si ani. Gulf War lo thleng chuan attack helicopter an mamawh rang tih a tilang a. Mahni a mamawh ang tak siam chu a tul thar zual ta a ni. Hetih hun laia an military hman chu armed utility helicopter - Changhe Z-11 leh Harbin-9 mai an ni a, an helicopter thar chu helicopters dang leh thlawhna lakah mahni inveng thei anih a tul dawn bawk a ni. Chutiang taka athar an neih hunah chuan an neih sa te chu scouts helicopter ah an hmang mai dawn ani. 602nd leh 606th Research Institutes te chuan 6-ton class China Medium Helicopter (CHM) chu 1994 khan an tan a. A program atan hian Western technician puihna an hmuh theih nan civilian project angin an kalpui a. Eurocopter atangin (rotor installation design consultancy), Pratt & Whitney Canada (PT6C turboshaft engine) leh Augusta Westland (transmission) te an hmu thei ta reng ani,. A component/parts te a nep lo dawn khawp mai. Attack helicopter program 1995 chuan Komov company chuan Project 941 chu a tichhuak a, hei hi WZ-10 ruangam tur chu a ni. An tumah an lut tan ta a,1998 khan 602nd Research Institute chuan medium helicopter program hmang hian a hranpa, armed helicopter program chu tan a rel ta a ni. Resource an hmuh te kha armed helicopter program ah hian a kal ta a, Attack helicopter program hian he helicopter design hi WZ – 10 tiin a phhuah a ni WZ-10 program chu Special Armed Project, Special Use Armed Helicopter Project a tawi zawnga an sawina, tiin sawi a ni. Hmalakna hi Chengdu J-10 fighter ai pawhin a ruk thei ang berin an kalpui a ni. WZ-10 atan hian Yen 4 billion ruat ani a, WZ-10 hi an 9th 5 yr plan a program pawimawh ber ani ta ani. 602nd Research Institute chu chief designer ah dah an ni a, Harbin Aircraft Manufacturing Corporation (HAMC) of China Aviation Industry Corporation II (AVIC II) chu a siamtu bul berah ruat an ni. Pawl dang dozen 4 vel pawh an siamna ah hian an in rawlh ve a ni.1999 nipui lai chuan AVIC II chuan CAM Z-8 chu WZ-10 subsystems duan tharte test nan a hmang tan a. Chumi kum vek chuan Harbin Z-0 chu test aircraft zingah telh ve ani bawk. Heng test ah te hian sub-systems- fire control systems, HOTAS controls leh navigation systems te an thlur bing bik a ni. Kum 2000 khan China in Russian attack helicopter lei a tum leh a, mahse Kamov Ka-50 a inbiakna chu Mil Mi-24 nen a an inbiakna ang bawk khan a zuai ral leh a ni.Heta tang hian China chuan WZ-10 ngawrh taka siam that viau chu a tum ta a.HAMC chuan siamchhuah hnaa a mawhphurhna te chu CAIC of AVIC-II ah a hlan ta deuh vek a.Official a a chhan sawi chu hna/workload a nasa mah mah tih a ni. HAMC chu a lo hlawk tak em avang te, buaipui a ngah tak em avangte chuan a siamtu atan chuan WZ-10 chu a pawimawh mah mah tih ani ta a. Chutiang tak chuan contractor ngialnghet zawk zawn a ni a, CAIC chu thlan a ni bawk. Sub systems leh components te siam ah chuan HAMC chuan mawhphurna ala nei tho a ni. May 2002 ah WZ – 10 tail rotor leh components dang thenkhatte chu 602nd Research Institute chuan ground ah a test a, April 2003 chuan WZ-10 prototype chu zawh ani ta a, Lumeng airfield ah vawi khat thlawhna anei a ni. 2004 alo nih chuan prototype 3 dang siam leh a ni a. Test na third stage – intensive flight test chuan a zawm a, live firing test pawh neih tel a ni. WZ-10ah hian composite material hman uar a ni na a, hemi lamah hian China hian harsatna, abikin tlak palh a damchhuah thuhlaah, atawk nual a. Western ho khing phak tumin mahniin composite material tha zawk siamchhuah hna an thawk nasa hle bawk. Heta an hma lakna hian Comission of Science, Technology and Industry for National Defense (COSTIND) progress reward ah pahnihna an la pha ani. AVIONICS WZ-10 avionics main contractor chu 613th Research a ni a. Anni hian sub contractors te avionics subsystems siamte lo integrate (lo vuahpum) chu an mawhphurhna a ni. Foreign technologies, French leh Israeli te hming pawh a lang hman na a, hardware chinah bak a ni lo tih a ni ta thova. WZ-10 software hman te chu anmahni duan vek a ni. FLIGHT INSTRUMENTS WZ-10 hian Flight configurations pahnih a nei a, pakhat chu anmahni duan a ni a. Pakhat leh chu foreign system (French siam tih a ni). Heng configurations pahnih te hian holographic head-up –diplay(HUD) thuhmun an hmang a. An in an lohna chu pakhatah chuan three color LCD Multi Function Displays (MFD). Pakhat zawkah ah chuan LCD MFDs lian zawk pahnih ten an thlak a ni. Mechanical dial indicators pawh pahnih chu MFD back up nan la dah a ni. WZ-10 hi an mahni helicopter ah chuan HOTAS hmang hmasa ber a ni a.mahse control system pangai chu dah thiangin back up atan an ti a ni. Russian K-35/37 ejection system dik tawk lo tih kha a tha tawk tih a rawn fiah bawk a. Helicoptera ejection seat hman hi crash palha helicopter pilotte damchhuah hril tu lian ber a ni awm e. Kangmei chhuah palh pawh mei khu hlauhawm laka invenna standard hman ani. Navigation Ahma ami te ang loin WZ-10 hian navigational systems hrang hrang a nei a, Heng systems te hi fully integrated (thawk ho) an ni a.Chung zingah chuan laser gyro,radar altimeter , laser altimeter nena thlak theih, Doppler navigational radar, ground mapping leh terrain-avoidance leh terrain following theinate an tel a ni. WZ-10 pai inertial navigation system (INS) hi GPS/GLONASS system nen fully integrated a ni a. Blue Sky navigation pod pawh modify in WZ-10 hian a keng tel thei a ni. Helmet mounted targeting and night vision Millimeter wave fire control radar leh optronics FCS bakah hian, pilot hian helmet mounted sight (HMS) ,613th Research Institute designed chu a hmang thei a ni. Mahse NVG /night vision goggle chu a nei lem lo anihbhmel. HMS, HMD vel hi chu ka post tawh ami nen khan a inang reng a , lo en mai ang u. Radar Millimeter Wave (MMV) fire control radar (FCR), WZ – 10 hman tur hi China Northern Electronic Co siam a ni a. He MMW FCR te hi solid state leh fully digitalized an ni , kg 69.5 a rit an ni. Russian ho Ka 50 leh Mi-24 a an hman te aiin achanve aia tamin an zang zawk a ni. He a radar system hi YH (tiin an designate) a, tichuan YH MMW FCR te - ( electronic warfare system (Radar warning receiver (RWR), laser warning receivers (LWR), electronic support receivers (ESM leh electronic countermeasures (ECM), te chu fully integrated an ni. Cockpit Tandem cockpit (cockpit phir) ah hian crew pahnih an leng a. A hnungah gunner a thu a, pilot chu a hma ah ( Hei hi gunship danga an tih loh dan zawng a ni) A tul chuan pilot a leader zawk chuan gunner’s command te chu a override thei a (A thiltih te a tihsak daih thei) Cockpit mawng leh sir te hi composite armor a thawm an ni. Chutiang bawk chuan a engine leh fuel tank a pumrua laia dah chu hum tel thei tura ngaih a ni. A cockpit in (canopy) hi ni thlar/chhun tih buai loh tur a sawngbawl a ni. Duh chuan camouflage nan a uk deuh chi a thlan theih. A Cockpit glass hi .50 cal silai mu dang thei tura siam a ni. Powerplant and auxiliary power unit WZ-10 engine turah hian an vir buaiin an echhin kual nasa hle a. Foreign engine pawh engemaw zat chu an enchhin a ni. Chinese siam VK-2,500, TV3-117 leh PT6 te chu third generation turboshaft engine an ni a. WZ-10 engine tana an test panga zingah Wozhou -9 hi a chak lo ber a (3rd gen tho a ni) mahse operate man a tlawm ber a, foreign component a hmang tel lo bawk.Tin 100% China a siam a ni a, part pawimawh leina ah leh political thilah buaina tur a awm bawk lo a ni. Wozhou (WZ)-9 hian 2009 ah full operation service lut tur kha a ni. A transmission chu Augusta Westland puihna a siam a ni. Wo Zhou-9 turbo engine specifications: • Power: 1000 kW • Fuel consumption: 0.311 kg/(kW•h) • Pressure ratio: > 8 • Inlet temperature: 1355 degrees Celsius • Power-to-weight ratio: 5.4 Rotors A main rotor hian blade panga a nei a. CAIC deputy chief engineer leh a team te hian WZ-10 rotor tur hi an siam a, an hna thawh vang hian patents pahnih an dawng nghe nghe. Rotor blade Type 95 KT composite rotor blade hi 8th 5-year plan a an dah pawimawh ber a ni. A class ah chuan Spheriflex Rotor Head hi high speed ah vibration level nei hniam ber a ni . Composite material bakah hian a blade tlang hriam laiah hian titanium pali thuah hman a ni. A tail rotor ah hian glass reinforced plastic thuah 11 leh composite material hman ani a. Hei hian direct bullet hits a tuar thei a ni. Weaponry Wz-10 hian ralthuam chi hrang hrang a pai thei a. Chinese ho tihdan- GJV289 A standard in a pai a ni. Hei hi Mil –STD-1553B nen a intluk a ni. Hei vang hian ralthuamah Soviet leh Western origin te a pai theih phah. A offensive weapon atan machine guns, cannons, rocket leh missile te apai thei a. A thla bul ah te hian hardpoints/ralthuam vuahna, pahnih, avaiin pali a nei a. hardpoints tin hian missiles 4 theuh, avaiin 16 a pai thei a ni. Cannon and machine guns A chin/khabe mounta chain gun, cannon hi 30mm nia hriat a ni a. A stub wings pahnihah te hian gun pods vuahna a awm a.a silai pai te hi ground leh aerial targets lakah a hman chi vek a ni. Pilot HMS hmang hian target a tinzawn theih mai bawk a ni. A lu - turret form laiah hian machine gun bakah grenade launcher a vuah theih bawk. Guided and unguided missiles WZ-10 hian air to surface missiles-HJ-8, HJ-9, leh HJ-10 anti tank te a pai thei a. Air to air missiles –TY-90 helicoptera hman tur bik a siam chu a pai a Chinese FN-6 leh QW series missiles te pawh a pai thei. PL-9 (sidewinder anpui) a pai dawn chuan pahnih chauh a pai thei. Hardpoints atangin unguided rockets 130mm a pai thei a, a te deuh chi 57mm to 90mm te chu pods paliah stub wings ah khan a pai thei bawk.
Posted on: Mon, 05 Jan 2015 15:15:29 +0000
Trending Topics
Recently Viewed Topics
© 2015