CONSPIRACY THEORY https://facebook/groups/Mizothinkersscholarsresearchers/ Post chhiar phawt tur...rak mai mai loh tur. UID te heng ho hi Conspiracy Theory mai mai ani e. Tun atanga darkar khat hnu ah ka dinner zawh ah titi pui tlak in awm chuan ka rawn let ang. Nimin a ka post ka rawn chhuzawm leh lawk duh a, hei bak chu hetiang lam post ka rawn siam ka ring tawh lo, midang in post an rawn siam a ka lo hnial te nih loh chuan. Conspiracy Theory hi chu a ngaihnawm ang reng phian a, han chhui te hian thil ni awm tak hian a chhui ve theih tho a, mahse facts leh figures hi an tling mawh khawp vang in a tawp ah thudang ah an pakai leh nge nge thin ani. 1. ENGE CONSPIRACY THEORY CHU Awlsam deuh in han sawifiah tum ila. Theory ani ngei e,chuan thil thleng emaw phenomena kan tih hi pawl ema group pahnihn inkara awm inphiar rukna tihna ani. Amaherawh chu kum 1960 hnu lam atang khan chuan CT kan tih hi thil nuihzatthlak, zeldinthubawl, titi leng vel emaw irrational theory sawi nan hman ani tawh ani. A chhan chu heng theory te hian thil ni thei tak anga lang ve fu si mahse a tawp ah nawi taka chhuah an nih thin vang ani. 2. CONSPIRACY THEORY AN THEN DAN CT hi kei ngei pawh in kum 6 kal ta vel khan ka lo buaipui ve hrep tawh a, documents hrang hrang te khawn khawm in keima phak tawk khan ka lo analyse ve thin ani. CT hi heti hian an thliar hrang a. a) Event Conspiracy Thil thleng pakhat inphiarrukna tihna ani a,entirnan JK Kennedy assasination kha ani a, kha thil kha thil tleng pakhat emaw thil dang inkaihhnawih ang in a chhui theih a. b) Systemic conspiracy: Hei hi chu a chunga mi ai hian ala zau leh deuh a. Group in emaw sawrkar emaw pawl emaw mumal taka phiar ruk a tumna hi ani leh a. Entirnan chuan Freemasonry ang te kha an ni a. Anmahni chuan unau ang in in en a,spiritual leh intellectual enlightenment sawi ho thin ang in an sawi a mahse CT ho thung erawh chuan movement chikhat khawvel chawhbuai emaw control tum tute ah an ti leh hmiah ani. c) Super-conspiracy: Hei hi chu a chuna mite pahnih belhbawm ang deuh ani a., organisation turu lutuk emaw pawl thil ti thei tak in khawvel hi thunun atum anga chhutna ani. New World Order kan sawi fo te hi an ni e. 3. CONSPIRACY THEORY LO TEHNA TUR TE News ah emaw social media ah emaw blog thenkhat ah kan lut a, CT chu kan hmu nual thin ang. Thla ah khan US ho kha an lawn em tih emaw WTC kha US ho chanchawp emaw NWO in khawvel control an tum tih vel te hi kan rawn sawi lang duh lawk a, heng lo pawh hi a tam mai ani. Heng theory te hi engtin nge an dik nge dik lo nge zeldinthubawl mai mai an ni tih lo check tur chuan heng hmang hian kan lo teh ang. a) LOGISTICS Hei hi a awmzia tak chu CT theory kan hriat te hi a logical em tih ani a. CT rawn sawi chhuak tute kha tute nge emaw tute nge an va phiarruk emaw enge an sawichhuah tum tih kha deductive leh inductive method hmanga lo chhui mai tur ani. An thusawi leh khawvel thil kalhmang kha a in ang em, an sawi ang em em in tihl a kal em tih te kha ani. b) BENEFITS Tuten nge kha CT kha hlawkpui ta ber. Heng theorist ho hian mi innocent tak tak te thluak suk nan an vested interest kha an hmang em tih te ngaihtuah tur ani leh a. c) EXPOSURE Hei hi a awmzia chu sawrkar emaw ram tin te hian classified leh top secret an nei vek a. Thil tam tak mipui hriat tul kher lo a awm thin. Chung te chu zeldinthubawl chiam vak an ni thei em. d) DENIAL Thil mak tak chu Conspiracy Theorist reng reng hian official statement kan tih hi zu ring duh ngai miah lova, skeptic chu a tha e mahse an zeldinthu hian facts hi a support khat khawp mai. UID chungchang a lar em a kan sawi lawk tlem. UID tel lo chuan Direct Transfer Benefits a theih loh ang hial a an sawi hnu ah pawh mi thenkhat chuan Thupuan bu nena chhuizawm tum tlat an la awm hi khua a var lo. Chuan thil nuihzatthlak leh deuh mai chu heng Conspiracy Theorist ho hian thil chu disprove tum aiin cover up ani e ti lama thil an khel thin hi a fin loh thlak ka ti ani. UID ah bawk lo let leh ila, UID emaw NPR hi khua leh tuite a chhinchiahna ani lo tih prove tum aiin heng te hi kristian tan a tha lo an han ti rinawt a,thil in phiar ru a awm an han ti a. An tum zawk tur chu heng UID hi a tum kha a dik lo nih chuan phehthlak tum zawk tur ani. Cover up ang a sawi kha zeldinthubawl dik tak ani e. 4. ENGE CT HO HIAN AN TUM BER Heng CT ho hian an tum ber chu information hi thuruk leh mi thenkhat ho chauh in an hriat tur ani e ti a sawi kual a, midang tih phawk lek hi ani. Heng ang hi mizo zingah pawh kan awm tan mek e. Thil mak lutuk ani lem lo. Sawi tawh ang khan CT ho in an helh ber chu suppression of information hi ani a, information mipui vantlang in an hriat loh thenkhat classified an tih lo hriat tum talh vanga conspiracy lo ni ta reng anih vang ani. 5. CT HO HIAN THIL PAWI AN TI EM Accident emaw bomb puak emaw thil engemaw lo thleng hi sawrkar tih emaw sawi mawi tum tlat anga ngaihna mipui ah an theh darh ta thin ani. WTC khu example tha tak ani. CT ho chuan kha WTC bombing kha US mi leh sa te tih ani e an ti a,tu sawrkar mahin a mipuite khati zat thi tur khan a duh hi a rinawm loh ani. 6. ENGE KAN HRIAT TUR NI TA ANG Kan social system buaithlak/complicate zia hre tur chuan sociology emaw anthropology emaw zir emaw a ngai kher lo. Pianpui finna hman hian a hrit mai. Kan social norms emaw convention te emw hi buaithlak tak tak a awm a, thil thenkhat chu duh reng vang pawh ni lo leh society emaw tradition in emaw a ken tel tlat a awm thin chungte chu thu inthup ani e tih hi khawvel pumpui globalised world ah agenda thenkhat te hian phiarrukna awm tih nen in ang reng. Hemi hrehtiam tur erawh chuan tlem in Internation Relation lam ah in chhiar zau angai. Economics subject la chuan in hria ang a, international economy ah chuan free capitalist market a awm chuan oligarchy emaw monopoly a awm thin ani. Heng te hi khawtlang a norms leh convention kan neih ang tho kha an ni, phiarrukna lam ani lova bi-product ve ani mai. Lo hmuh dik lo ringawt hi chu a thliarkar rilru mai bakah khawvel kalphung hriat loh thlak lutuk. International Politics ah lut leh lawk ila. Cold War kan hre vek a,US leh USSR khan information an in share tawn thin mahse chung info te chu mipui vantlang hriat tur anih loh vang in mipui hnenah an puang lo mai ani , ram pahnih te kha inhaw ang hle mahse a ruk in remna leh muanna chu an dap ve tho tihna lam ani. Chutiang bawk in khawvel sumdawnna ah hian tu mimawl in nge mahni business trick an competitor te hrilh zuah zuah ang > Chuan ngaihtuah ngai leh chu heng CT ho hian an hmeh bel fo thin eng group emaw pawl emaw ram insuihkhawm te hian agenda an nei a, NATO in agenda hran an nei a SEATO in agenda hran. Heng te hi leak out ta se,khing pawl 2 te dinchhan hi a zero vek dawn. WTC kha sawi leh thin ila. Mi tam tak chuan kha bombing kha insider job an ti a, mahse kha bombing vanga US a mimal hausa ten an hlawkpui rual in US in military lama a sangawi zawnpui te pawh in an hlawkpui mai bakah khawvel pum in thil kan zir phah anih kha. Mahse he geopolitics hrethiam lo tan chuan phiarukna tih pawh a awlsam ang, mahse chung ho chu ngaihtuahna seng peih lo an ni thin. Chuvang in Conspiracy Theory hrethiam a man thiam tur chuan Bible atanga rawn zeldin vak ai chuan International relation leh International Economy lam ah te hian in chhiar zau ve thin tur ani e.
Posted on: Sat, 01 Nov 2014 17:27:18 +0000
Trending Topics
Recently Viewed Topics
© 2015