CUNGJO, GIULIANA Nus à lassâts la scritore Giuliana Pellegrini, nassude a Osôf, ma di Glemone, li che doman Martars ai 12 di Novembar, si fasarà il funerâl intal Domo, aes 15.00. Giuliana e jere une di chei che a clamin scritôrs minôrs, ma grande di cûr e che i volevin ben ducj, chei che cirin di tignî vîf, tal lôr piçul, lamôr viers la marilenghe. Tal 2005 e veve publicât La none e conte, un libri di flabis par furlan cun 34 contis curtis; tal 2007 Contis dal prât incjantât, flamis furlanis voltadis ancje par talian. E à vût partecipât a putrops concors di contis e poesiis: tal 2006 e à vint un concors a Bregano (Varese); tal 2007 une conte in furlan è je stade premiade al concors Piccole storie di terra, tal 2008 e je rivade seconde al premi di poesie le voci dellAnima di Villa Vicentina, tierce al concors di poesie Gjiso Fior di Verzegnis e ancjemò tierce al concors di poesie Filari in versi di Cormons. Sul nestri mensîl a son jessudis dos sôs contis, in gracie de colaborazion cul blog Contecurte: «Tite, classe 1924» lapatriedalfriul.org/?p=8867 «Tren» lapatriedalfriul.org/?p=4032 Chei di Contecurte le saludin cussì contecurtegnove.blogspot.it/2013/11/napoleon-il-gjat.html
Posted on: Mon, 11 Nov 2013 15:44:34 +0000
Trending Topics
Recently Viewed Topics
© 2015