CURSU DE ALFABETIZATZIONE IN LIMBA SARDA . Si faghet a ischire a totus sos interessados ca su Servìtziu Linguìsticu est cuncordende unu CURSU DE ALFABETIZATZIONE IN LIMBA SARDA apertu a totus sos tzitadinos residentes in una de sas biddas de s’Unione de sos Comunes de Barigadu. Su cursu at a èssere de 16 oras e est de badas! Pro ocannu s’at a seberare de fàghere su cursu in sos duos Comunes in ue ddu at prus iscritos intre cussos de Busache, Fordongianus, Samugheo e Ula (I grupu) e Bidoniu, Ardaule, Sorradile, Neoneli e Nughedu Santa Vitòria (II grupu). Pro si nche iscrìere tocat a cumpilare unu mòdulu chi si nde podet arretirare e si nche depet torrare a su Comune de residèntzia intro de CHENÀBURA 11 DE SANTUAINE 2013. Su servìtziu linguìsticu s’at a incurare de fàghere a ischire su calendàriu cun sas dies de sas letziones chi s’ant a fàghere in sos meses de santuaine e de santandria. Pro totus sas àteras informatziones podides lòmpere a Comune a s’isportellu de sa limba sarda su mèrcuris mangianu dae sas oto a sas duas de sero (8.00/14.00). COMUNE DE BUSACHE Isportellu Linguìsticu Subra-Comunale Lege 482/1999
Posted on: Fri, 04 Oct 2013 07:37:42 +0000
Trending Topics
Recently Viewed Topics
© 2015