Child Walfare Committee, New Delhi leh Lawngtlai District te tangkawp chuan Chawngte a Naupang Pathum te Delhi atangin an chhanchhuak. Lawngtlai District chhunga Chawngte khuaa Mipa Naupang kum 17 mi chu Nikum 2013 khan a Pu te a, chuan Mobile Chhe siam leh Computer zirtir tura in sawiin Delhi ah a hruai thla a, Kumin 2014 April thla khan he mipa naupang nau,hmeichhia kum 15 mi leh an thiannu kum 14 te chu Lehkha zirtir a, school kaltir tura in sawiin a hruai thla leh a,Delhi ah hian an sawi anga awm lovin,heng naupangte hi hna rim tak thawh tirin, hna an thawh that loh chuan na taka vuak te an tuar thin a,hetia hna rim tak thawhtira, vuak te an tuar thin chu Delhi a Child Walfare Committee beng thlengin, an ni chuan rang taka la chhuakin hun engemawchen Sanskar Ashram/Shelter Home ah an dah a,Lawngtlai District CWC te nen in be pawpin, Delhi CWC te hmalakna in Delhi Police ten Sept 27 khan Train in Guwahati an rawn panpui ta a.Guwahati atang hian Lawngtlai Dist.CWC te hmalakna in Mizoram Police ten zuk la ve lehin, an ni hian October Ni 2,zan dar 8 khan Lawngtlai ah him takin an thlenpui ta ani.Heng Naupang Nu leh Pate hi Chawngte atangin Lawngtlai ah Vawin chhun khan an thleng a.Tap zawih zawihin CWC te chungah an lawmthu an hrilh ani.Lawngtlai District Child Walfare Committee te hian kumin 2014 Jan- Sept thleng hian Case 42 an ching fel tawh a, Naupang 80 an sponsored mek ani. An hmalak zelna turah Lawngtlai a Shelter Home awmlo chu an harsatna lian tak anih thu sawi.
Posted on: Fri, 03 Oct 2014 09:23:01 +0000
Trending Topics
Recently Viewed Topics
© 2015