//..College ke pahle hi din shock laga: college Hindi Love Story..// Doston mera naam Mallika hai, maine college mein naya admission liye tha, aur nahi jaanti thi ki yahan mera dil tootega. Vo hamare college ka pehla din tha aur har new comer ke liye college ke 3 saal ka bahot important din hota hai ye, jahan humein apni marzi se kuch bhi penene ki azaadi milti hai aur school uniform se nizaat bhi,Yahan us pabandi se bhi azaadi milti hai jahan kai ladke har ladki ko dekhte hi anhein bharte hain aur tarah -2 ke comment bhi marte hain. Kabhi-2, to main apni friend se kehti thi, ye ladke bhi na koi na koi comment jaroor karte hain, to vo jawab deti ke to tujhe kya lagta hai , ke hum ye dress police officers ko khush karne ke liye pehente hain. Humare college mein police officers bhi hote the, Meri friend ka naam jaspreet tha, hum dono nursery class se best friends the aur ab college bhi saath-2 jaate the. Vo Height mein thodi chhoti thi, ya kahen thodi odd si thi, par phir bhi main use pasand karti thi. Pehle din hum college sath -2 jaa rahe the, main usse bar-2 keh rahi thi , yaar jaldi-2 chalo class shuru hone wali hai, jaise hi hum class mein pahunche to prof ne kahan ke jaao apni-2 seat par baith jao, jaise ke hum koi chhote bacche hon. Pehla din tha isliye log class mein baar -2 aa jaa rahe the, un logon mein se kayi log jaane – pehchaane bhi the, jinhe dekh kar dimmag mein khayal aata, he bhagwaan ye bhi humari class mein hai. Tabhi maine us ladke ko dekha . vo kareeb 5’11” ka tha, uske baal kuch brown se the, dikhne mein bahot smart tha. Main to use dekh kar sab kuch bhool gayi aur bas use hi dehkti rahi, Tabhi mera dhyan Jasmine ki awaaj se toota, “are use hi dekti rahegi kya, pasand aa gaya kya, kahe to bat chalaun, main use thoda bahut janti hun. Uske sath date pe jana hai to bol?” Usne muskura kar poocha. Maine use kaha – chup rah besharam ! kahin nahi jana. aur tum dhyan do prof hamara naam le rahe hai. Sanjog se vo mere bilkul aage vali seat par baith gaya, Main use ke khayalon mein khoi hui thi ke tabhi usne mujhse Pen manga. Main bahut hi khush thi, ke Oh My God, vo mujhse pen maang raha hai Uske dobara poochne par maine jhat se use pen de diya. Mujhe khoya hua dekh kar Vo muskura diya, maine bhi aise act kiya ke main bilkul nervous nahin hun, Class finish ho chuki thi, ab ye class do din baad thi , main yehi soch rahi thi ki ab do din baad use dekh paaungi. Tabhi Jaspreet ne mujhe uske khayalon se puri tarah ninkalte hue kaha,” Oye bewakoof, mujhe bhool gayi kya”? Maine jawaab diya,nahin yaar main us ladke ke baare mein soch rahi thi, jiske baal brown colour ke the, Kitna attractive hai na vo! Tabhi usne mujhse kha ke ,itna bhi accha nahin hai vo, kyunki vo aur ladkiyon ko bhi pure time baar-2 ghoor raha tha aur uske samne vali ladki ko lamar mein pinch kar raha tha. Tabhi hum dono chaunk gaye, kyunki vo humare peecche khada tha aur usne sab sun liya tha. Fir vir maine dekha ki uska chehra lal ho gaya jaspreet ki bat sunke. Use dekh kar hum ek dum chup ho gaye. Jaspreet ne jab uski is harkat ke baare mein bataya to mera to dil toot gaya.
Posted on: Sun, 23 Jun 2013 06:46:54 +0000
Trending Topics
Recently Viewed Topics
© 2015