DSE 就黎效榜，老實講，而家香港既學制跟本就好似困獸鬥咁，要D學生自傷殘殺。入大學既，好似好威水；入唔到既，俾同學睇唔起，就連自己都覺得自己廢。 而家搵工又要人起碼入大學，大佬……有幾多人做果行同自己讀果科有關！入到U但唔讀書既大有人在，唔代表HKU一定係精英，都唔明D僱主做乜咁鍾意名牌。 好喇到真係咁好彩入到大學，讀既野又未必真係自己想讀既。贏得一時既獎聲，換得一世既後悔。畢業後人地係睇你做咩工，唔係睇你讀咩。唔好貪一時既威名讀一D自己冇興趣既野。 香港就係咁，成日用數字將人定價，細個係分數，大個係薪水。呢個城市既人好似冇乜理想，成日掛住錢錢錢，冇錢冇面。不過係咁架啦…班高官Set落既制度係要市民遵守，自己就送D仔囡去外國考個GCE AL，再返黎香港讀醫讀Law。另外又開D副學士呀，High Dip 呀，等多D人有書讀，好似好為人民服務，實情謀銀紙。4皮幾一年大學都讀到啦，有好多科讀既野同大學差唔多，有D比大學更難。唔係想升大學洗鬼Asso, High Dip。個政府又懶高竇咁要將D人分為"學士"同"副學士"。我真係唔信副學士渣D囉！ 另外，個政府又唔知做乜搞到D老師咁鬼慘，又要俾家長鬧又轉合約制，又要搞行政野又要搞活動，工時又長，返屋企又要改簿，做死人咩，幾有教學熱誠做得耐都心淡啦。冇錯人工係比好多工黎講叫Stable，但係有幾多老師真係想做老師。而家有大多數教師學位都唔係收分高既科，好似俾人當水泡科咁。如果冇教學熱誠又教書，求求其其搵兩皮，受害既係下一代。 唔係個個都含住金鎖匙出世，有幾多人要妥協現實既殘酷，乖乖地打死一世工做一世樓奴，結埋婚生埋仔日日好似俾人吸血咁。日日重覆同一樣既工作，得出糧果日可以開心下。 現世太多枷鎖，太多社會規範。香港，有幾多人仲有夢想？ 發完牢騷，識我既都知我平時唔會咁打野，係咁先。 利申：2009 HKAL 失敗者 P.S. 讀咩都好，自己鍾意就得啦，駛鬼理人地。
Posted on: Sun, 14 Jul 2013 06:24:24 +0000
Trending Topics
Recently Viewed Topics
© 2015