Dear Hakha Marasaw & All Marasaw, **************************** Hakha Marasawzydua sai u, Emergency moh hmapata " Mara Culture Committee" nama vawpadua pa he, namo private ta nama padua pa a chakhia, vaw parao pakhua/vaw taopathi haw bei ula tapa ahawna mail eicha kaw paphao ei. Achhapa: 1. Mara Cha achuna kyh he, ENDP nata Maranopaw zy Lelaipi liata reih pahmaopa chata " MEC, Education Department" tawta maophaona la maw sy, tapa bi pathlupa a cha. MEC Education Department ta atheina rakhata ahriapazi lyma. 2. Areileipa liata Yangon liata " Mara Literature & Culture Committee" tapa avaw dua hei. A y zie tacha, Lelaipi liata Bipathlupa nata MEC Education Department ta Rai ahriapazi na he, ama kholei pavata a cha, ta thei awpa a cha. Chavata " Church liata Education Department ta he rai he ahriathai awpa cha vei" tapa moh hmapata ta amavaw pdua pa a cha, ta awpa a cha. 3. He py mia-2 pena he, ama pahly veikhia, eima lalao aw, tapa pachana eihnei pavata, tlo awpa raita eichhualeipa MEC Assembly, Meisakotla he ei kaw hlao hra pata a cha. 4. MEC, Assembly, Mesakotla liata he thati reina daiti avaw tlo hmeiseih. Eipalorupa liata Halleluiah! tana chota noza kachhienarai hneileipata, ei-3 la taita adua nata ei rei nasa hra. Eima zydua ta acheibu chama pita, achhanaliata pahlypa cha maw sy, tapa biepathlupa a cha. Tahma apahly hawba pavata eima ly ngaita kaw. Eipahno chheileipa a chakhia, Hakha MEC Hyutup nata State MP Puhpa Vachei chhao ta Assembly Hall chho liata ama y thla haw hra awpa a cha. Ei reikhopa cha, he hmo yzie he ama pahno thla hawhra mata, eivaw takhona a cha. 5. Ano deikua, tahma he "Emergency " moh hmapata Hakha liata Mara Culture Committee nama vaw padua lilaw hei. Mara Literature & Culture Committee lata he Emergency thati he pahnosa tualeipata Direct tlaita he py he nama paduapa a cha khia tacha, Mara Literature & Culture Committee he kholeipa ei chita, support hra va ei chi, tana apalasa hra pa cha. Pacha awpa: Akheihawpa Emergency Case chasala, Literature & Culture Issues zydua cha, Mara Literature & Culture Committee lata nama pahnosa tua awpa a cha. Achhapacha, he py he Mara Literature & Culture maophaona zydua ala tuh awpata paduapa cha hawta, maophaona la awpa chhao anoh rai ta a cha haw hra. Tahma ta Hakha Marasawzy hmotaopa he mosualua nata Mara Literature & Culture Committee nata azaona ahneileipa alyu kaw. Achhapacha, Mara literature & Culture Committee tawta khapa bi nata hla hmata avaw pua tla leipa vata. Hakha Mara nophaw zydua sai u, Mara Literature & Culture Committee nata azaona nama hneiveikhia, vaw pacha pakhua bei tei u, namo khona da hawta hmo tao thai awpa cha aw vei. Chin State Government liata Mara Culture Dress he Mara Culture Committee, Hakha tapa Moh ta pangia thai awpa cha hra aw vei. Chin State liata Mara Literature & Culture Committee moh ta pangiapa cha awta, Nepyidaw lata La hmeiseih awpa achakhiata cha, Mara Literature & Culture Committee moh ngiathiata si ta, la awpa a cha hra aw. Namo moh ta si ta la thai awpa cha hra aw vei. Chavata, Emergency ta acha haw, nama tapa vata, Dress pato patia awpa abyupazy cha, vaw patopatia tlai u la, Mara Literature & Culture Committee ta mopsiana hnei theisala, tapa ei chakho khei kaw ei. Namo Py thati chhao vaw reikho hra u la, chata leipa tacha, myla hano liata namo he Unofficial cha ei chita, keimo he Official py ta eima cha tapa zy bi avaw pua hei aw kho. Hehe Papuh Ne Win chha liata chysazy palorupa a cha. Branch ta nma duatheipa chhao pha kaw ta, Main Body liata Leaders zy nama hlaohrapa a cha khia, apha kaw hra kho ei. Anodeikua, namo pyh-eihrapa ta nama duapa a cha khia, pha khao aw vei. Chatawta, Mara Literature & Culture Committee chhao, ngiachhie kawpata he hmo he, namo rai ta acha pahawta, Hakha Marasaw zy nata nama vawhria kho awpata ei cha haw hmeiseih hra y. Hawbei khu vei. Nama hawkhia, hmiala eima bualyma aw, tapa a sia thla haw.. Mara Culture Committee, Hakha nata Mara Literature & Culture Committee, Yangon zyhe azaona nama hneihawpa chasala, reipahmaona a y khai hawpa a chakhia tacha, bie eivaw reipazy dua he, eivaw dao pakhua khai ha aw. Hakha Marasawzy sai u, eicha hawna ao he pi nama vawpatlo theipa achakhiatacha, ei chaly kaw aw ei. Mara Literature & Culture Committee , Yangon y, eicha hawna ao he pi navaw patlo theipa a chakhiatacha, ei chaly kaw ei. Marasaw ahy rai, he hmo he aphakaw pata pacha khai beisila, tapa chhao ahawna eicha vaw hneipa hra ei. Khokheina chota, Mr. Moses C. Tehlo Chennai ( Madras) India
Posted on: Tue, 30 Jul 2013 10:33:16 +0000
Trending Topics
Recently Viewed Topics
© 2015