Eksplorando e historia di israelitanan atraves di siglonan, manera skibí den Tèstamènt Bieu di beibel, bo ta nota ku kada biaha atrobe nan a ta bolbe pasa den e mesun defisiensianan spiritual, prinsipalmente violando e promé mandamentu di Dios, no adorá diosnan falsu. Kada biaha di nobo e israelitanan tabata permití adorashon di diosnan aheno, blòkiando asina realisashon ku e Dios di nan eksistensha. I resultado di esaki, kada biaha di nobo, tabata konflikto, derota, sumishon i eksilio. Por parse ku e aspekto bíbliko partikular aki no tin ningun relevansha pa nos desafionan spiritual di awendia. Idolatria, esta adorashon di diosnan falsu, kisas, no ta un ‘issue’ mas pa hopi di nos. Nos no ta adorá Diosnan falsu. Òf tòg si? Sin ku nos ta realisá, hopi di nos ta laga kosnan manera éksito den bida, plaka, relashon i opinion di otro hende kombertí nan mes den nos diosnan falsu, opstakulisando asina e kanal di kua e Presensia i Poder di Dios ta ekspresá su mes atraves di nos. Hopi di nos a logra ku éksito pa eliminá hopi di e diosnan falsu aki for di nan bida. Pero realidat ta ku tin di e diosnan falsu aki ku ta hopi difísil pa rekonosé komo tal. Ehèmpel ta e dependensia di hopi riba buki, guia i sistemanan spiritual pa haña sosten i éksito spiritual. Sierto personanan, buki òf sistemanan spiritual por ta hopi importante den spièrta nos i hasi nos konsiente di nos abilidatnan spiritual. Pero e personanan, bukinan i sistemanan aki ta simplemente guia i no diosnan ku nos mester adorá. Nan úniko mishon ta di guia nos riba e kaminda pa nos rekonosé Poder i Presensia di Dio Thielmans pa nos, den nos i ku nos. Ni mas, ni ménos. Nos no mester kombertí nan den ídolonan falsu. hasiendo esaki tòg, nos ta simplemente entregando nos poder i abilidatnan spiritual den man di hendenan meskos ku nos. I un bèrdat mas kla ku solo ta ku entrega bo poder i bo abilidatnan den man di hende meskos hamas ta un stap den e direkshon korekto. ta p’esei, afirmá esaki tur dia: “Mi ta apresiá tur guia spiritual i rekursonan ku ta un yudansa pa mi desaroyo personal. Mi bista ta fiho! Mi fe i konfiansa ta den E Dios di mi eksistensha, e presensia di Dios den mi, ku ta ekspresá Su mes den tur loke mi pensa, papia i hasi. Danki mi Dios! (Loke ami a siña di bida)
Posted on: Wed, 02 Oct 2013 22:58:11 +0000
Trending Topics
Recently Viewed Topics
© 2015