Electricity-starved Myanmar takes a shine to solar power Khawvel ram changkangah chuan Electric power hian ro a rel nasa tih chu kan hriain ka ring, chutihrualin Myanmar hian Electric power lam thuah nasa takin harsatna a tawk reng mai, a lungchhiat thlak thin khawp mai, kum 2015 atang khi chuan kawl eng a rawn hmuh tak tak a beisei awm ta. Mynmar tan chanchin lawmawm tak i han thlir teh ang aw! Thailand Company lian tak mai Green Earth Power leh US atang ACO Investment Group-te chuan Mynmarah Electric power atan Investment-na neih an duh thu sawiin, Nikkei Asian Review chuan a sawi a ni. Investment chungchang thuah inremna thuthlung chu siam nghalin kum 2015 atanga hmalak theih ngei an tum thu an sawi bawk a ni. He an project hi a hlawhtling a nih chuan Magway, Central Myanmar Region tan hian Megawatts 220 laia chak chu pekchhuah a ni nghal dawn thu Green Earth Power chuan a sawi nghala, chutihlai chuan US ACO ve thung chuan Megawatts 300 laia chakin Mandalay Region leh Central Myanmar chu a pek dawn thu a sawi ve bawka. Green Earth Power hian a project atan sum senso tur chu sawiin million $ 350 chuang chu sen a in huam thu a sawia, tin US ACO chuan Million $ 480 sengin a invest ve thung dawn a ni. Heng an Project han hriat ringawt pawh hian Myanmara hawn duh leh ta mai kan awm phah hialin ka ring. A that atanga kum 30 chhung chu Green Earth Power enkawl-na hnuaiah a dah leilawk rih phawt dawn a ni. Tun din hmuna Myanmar-in a hman zat chu sawiin Megawatts 100 power hu chiah hi a ram puma a hman zat niin an sawia. Household atana hman tur chungchang thuah ACO chuan 30% chu a nih theih tur thu a sawi bawka,tin 60-70 hi Capital City ( Yangon, Mandalay, Naypyitaw) ah te hman tur a nih thu sawiin, South East Asian Nations a US sorkar Investment siamna Lian ber a nih thu a sawi lang nghe nghe bawk a ni. Source: < Nikkei Asian Review> Thanks, Man U Sawma
Posted on: Fri, 21 Nov 2014 09:24:21 +0000
Trending Topics
Recently Viewed Topics
© 2015