FAPA HNENA PA THUCHAH...... Sawta mi ka rawn ru 1. Ka fapa, nula buaipuia sum i hmanralin i inkhawl nge khawl lo a zawt thin che em? A zawt ngailo che nih chuan i hmalam hun a ngaihtuah pui lo che a, i ngaihsakna dawn chiah kha a duh tihna ni. I nupui ni tlak a ni lo. 2. Hmeichhia hi i tan nupui tha tak a ni thei a, i fate tan nu tha tak a ni thei bawk. Mahse nupui i tan a tha tur ni satliah lovin, hmeichhia nu ang maia i ngaihtheih tur, i fate tanleh i chhungkaw tana nu nih tling tur i tawng a nih chuan chhuah reng reng suh ang che. 3. Nupui i lo nei a nih pawhin Hmeichhiate hian choka bak an pel tur a nilo tih ngaihdan hi nei ve ren reng suh. Kan hunlai meuh pawhin thlawhma kan la a, tuktin asur a sa hnuaiah an feh chhuak ve thin, kha hmun kha kan office a nia sin. 4. Chhungkaw hotu ilo nih hunah pawh i ipte a ruah leh ruah lo lam ringawt ngaihtuah lo la, i nupui leh fate hmela hlimna hmu tur a awm em tih ngaihtuah thin zawk ang che. 5. Pawisa chungchangah inlungrual i duh chuan i thawhchhuah chungah i nupui kha thuneitu nih tir ang che. Inchhungkhur mamawh dan engkim hre vektu chuan a hman zai dan pawh a hre ngei ang. Nangma kuta a awm a nih chuan in hmanral vek hnuah pawh a zawtchhen thin ang che. Chu chuan nupa inhauhna a thlen fo thin. 6. I nupui chu kutthlak ngai reng reng suh. A taksa na let eng emaw zat khan a thinlung i hliam dawn asin. Hmeichhe hliam tuar khawsak pui hreawm zia hi hriat kher lo tum suh ang che. 7. Tuna chuan nupui ilo nei ve ta. Tlangval nun dan kha paih bo vek tawh la, chuti lo chu mahni a i khawsak a ngai leh palh mai ang. 8. I nupui khan a nungchang a thlak ni a i hriat chuan eng emaw i tih thin tih tak lo hi nei ngei ang tih hi ring tlat rawh. 9. I nupui kha hmeichhe dang nen khaikhin ngai reng reng suh. Midang tana hmeichhe tha ni a i hriat kha i tan an tha ve kher lovang, a ni tluka i tana tha tur kha an awm lo tih hi ring tlat reng ang che. 10. A tawp berah chuan kei leh i nuhi min thlahthlam ngai reng reng suh ang che. Tar thlenga dam hianthuruk eng emaw tak chu a keng tel a, min enkawltu tur fanau malsawmna dawn nen hian nu leh pa thlahthlam tute hi han thlir la, mi awhawm an ni ngai lo tih bak hmuchhuah tur i nei lovang. I nupuinungchang leh mizia tur chu nangma kutah a in nghat tawh, keini min duat le duat lo a pawh nagma kuta a awm tawh e. Ka thu hrilh che hi vawng reng la, i fate tana i rochun tur pawh a ni.
Posted on: Thu, 14 Aug 2014 06:40:41 +0000