Gerade gelesen in der neuen Haager ÖVP Zeitung: I håb gråd aus‘m Fenster g‘schaut und hätt‘ fast meine Aug‘n ned traut. Da draußen stehen ‚zig Plakate voll Bilder, Texte und Zitate. A Wahl steht bald scho am Programm - Parteisoldaten stehen stramm! Des Geld wird dafür ausseg‘jågt - des is a Witz, wann mi wer frågt. Parteien gibt‘s jå etli‘ scho dass i ma‘s nimma merken kånn. Då san de Schwarzen und de Rot‘n, für d‘ Blauen sollt ma a nu voten. Grüne gibt‘s, und a Orange sucht ma ned lang in dieser Branche. Ob KPÖ oder Pirat, de Neos machen‘s a ned fad. Da Stronach mischt iaz a nu mit; Mit 80e nu erstaunlich fit. Doch ob der scho ganz richtig is‘ für unsre Zukunft is ned g‘wiss. Der kauft se einfach Mandatare als wär‘n sie alle Ausschussware. Er glaubt, mit dem „orangen“ Team måcht er bei uns den „American Dream“! Und diese ganze bunte Flut tut uns Wählern nimma gut. Wås is des G‘scheida, wås is nix Für viele is‘ des nu ned fix. Ma kennt se wirkle nimma aus Für manchen is‘ des schier a Graus. I glaub, vü san am falschen Weg, kämpfen nur um‘s Privileg. I glaub, ma muss die Steuern senken, statt neue wieder auszudenken. Schulden g‘hören abbezahlt ohne jeden Vorbehalt. Es dürfen ned die Kinder büßen Dass wir die Griechen retten müssen. Wirtschaft g‘hört bei uns gestärkt Und zwar so, dass man es a merkt! Egal, wie d‘ Wahl dann enden måg, in Österreich, bei uns in Haag: Wichtig is‘, dass‘s in Wien wissen wås wir bei der Politik vermissen: Einsatz, Kraft und Ehrlichkeit, Ideen für die heut‘ge Zeit. Wirtschaft stärken, Steuern senken, Österreich zum Guten lenken. Es geht um unser schönes Land G‘arbeit g‘hört då, Hand in Hand! Des is‘s, warum i‘ dazu steh‘: Mein Kreuzerl kriegt die ÖVP. Euer Fenstergucker
Posted on: Fri, 13 Sep 2013 10:26:38 +0000
Trending Topics
Recently Viewed Topics
© 2015