Gidudahang karnaper og motorsiklo, natiklo USA ka gidudahang tigkarnap og motorsiklo gisikop sa kapolisan human kini nasakpan sa akto nga niaksiyon og kawat sa usa ka motorsiklo sud sa usa ka repair shop sa dan Belderol, barangay Cogon, siyudad sa Tagbilaran sa sayong buntag kagahapon. Suspetsado mao si Edcel Lanzaderas Fabroa, 49, ulitawo, taga-Sondol, Ubujan, Sandingan Island, lungsod sa Loon. Sa taho nga naghipos gikan sa Tagbilaran nga nahitabo ang insidente mga alas 4 sa buntag. Samtang ang suspetsado giingong nipagawas sa usa ka Jazz 70 nga motorsiklo kolor pula ug may plaka 3575 YA gikan sa usa ka repair nga gipanag-iyahan ni Eugen Jumamil sa dan Belderol. Matud sa taho nga usa ka Roberto Canabe, 33, minyo, nagpuyo sa Graham Avenue ning siyudad maoy nakasakop sa naasoy nga suspek nga nag-abay na sa maong motorsiklo sanglit iya mang kaila ang tag-iya sa motorsiklo nga mao si Jackie Carvajal, 46, minyo, nagpuyo gihapon sa dan Belderol. Gipangutana ni Canabe ang suspek kun nganong gikuha niini ang maong motorsiklo apan igo lamang kining nitubag nga iya lamang gitestingan kini kun moandar ba. Gikontak gilayon ni Canbae ang kapolisan didto sa Cogon Police Precinct nga maoy nisikop sa natumbok nga suspek. #BBDN/NEWS
Posted on: Tue, 17 Sep 2013 17:22:09 +0000
Trending Topics
Recently Viewed Topics
© 2015