Indo-Myanmar border pillar pakua awmna chin hriatloh Indo-Myanmar border hmun thenkhatah ramri lungphun, pillar awmna chin hriat a ni lo niin Manipur Chief Minister O Ibobi Singh chuan State Assembly House a hrilh. Heng pillar te hi Moreh hmuna mite a ni a, avai hian pakua lai niin CM hian a bo a nih loh chuan hnim in a chhilh nia a rin thu a sawi a ni. Assembly zawhna leh chhana hun zirtawpnia neihah CM chuan hetiang thil hi ramhnuai tih fai loh vang a nih thu a sawi a, border pillar vengtu dah vek turin a harsat thu a sawi tel bawk. Heng border pillar awmna chin hriatloh te hi no. 66,76,78,89,90,91, 92,93 leh 94 te an ni. CM Singh chuan ramri km 10 vela thui, pillar lung awmna chin hriatloh hmuna fencing siamnan ruahmanna siam a ni tih a sawi a, mahse ramri harsatna awmte chinfel a nih hunah chauh puitlin a nih tur thu a sawi tel a ni. "Harsatna awm chinfel a nih chauhin tuna Moreh hmuna Integrated Check Post (ICP) siam mek pawhin a nih tur a ni thei ang," a ti bawk. Thusawitu dang senior Congress MLA R.K Anand chuan Myanmar lam atanga Integrated Check Post siam mek chawlhsan tura rawtna awm chu ngawihsan ngawt theih a nih loh thu a sawi ve bawk.
Posted on: Sun, 30 Jun 2013 18:03:44 +0000
Recently Viewed Topics
© 2015