Inspiring the Graduates and Parents of Pawa Elementary School. Our District OIC Mr Perdo Revilla Jr. Mrs Jeralyn Sayson, the principal of Pawa Elementary School. Mga barangay officials, PTA Officials, Visitors, Teachers, mga kugihan nga mga ginikanan ug mga estudyante, maayong buntag kanatong tanan. Twenty Five Years na ang milabay niadtong nagsugod ako sa akong kindergarten dinhi sa Pawa Elementary school. Akong mahindoman niadtong mipaso ako dinhi niining stage gipa-estorya kami sa among maestra kung unsay ambition namu inig kadaku namu, ug sa walay duhaduha ako miingon “ When I grew up, I want to be a soldier”. Niadtong 1995, ako migraduar ako sa elementarya dinhi Pawa Elementary School. During our graduation, akong nahinomduman nga ang among speaker usa ka ma-estro nga nahimong Regional Director sa Boys Scout of the Philippines. Ang iyang pangalan mao si Mr. Salvador Saromines. Iyahang gisaysay kung gi-unsa niya pagpaningkamot ug pagsacripisyo para makab-ot niya ang iyang mga pangandoy ug mga damgo sa kinabuhi. Iyang gi-asoy kung gi-unsa niya pagkatkat nianang bungtod sa ka-Beryang para mangumpay sa iyang binuhi nga hayopan. Niadtong panahona, ako na-inspire sa iyahang gipangsulti ug naka-hunahuna ako nga maningkamot aron makab-ot ang akong ambition sa kinabuhi ug gustong mamahimong maestro pareho niya. Tungod sa iyang gipangsulti ako naka-amgo nga dili imposible nga makab-ot ang atong mga damgo bisan paman sa atong ka-pobre. Tuod man milabay ang pila ka tuig, niadtong 2003 ako migraduate pagka ma-estro sa Cebu Normal University ug niadtong 2004 ako migraduate sa akong training ug na-commission isip 2Lt sa Philippine Army Reserve Force. Akong nakab-ot ang akong damgo nga mamahimong ma-estro ug mamahimong sundalo. Mga estudyante ang akong tumong nganong ako ning gisaysay sa inyoha mao ang pag-inspire kaninyo nga dili imposible ang pagkab-ot sa atong mga damgo sa kinabuhi. You can achieve your dreams and become successful in your life. Ganahan ba mong magmalamposon? Sa akong kasinatian, aduna akoy na diskubrehan nga sekreto para kita magmalampuson. Gusto ba ninyong ninyong mahibaw-an kung unsay secreto para molampos? Mao kini ang mga secreto: 1.PANGANDOY KAMO/HAVE A DREAM Dapat naa kitay damgo o ambition sa kinabuhi. Kinsa man ninyo ang naay ambition? Ang tawong walay ambition sa kinabuhi susama sa usa ka tawo nga naglakaw nga wala mahibalo sa iyahang padulngan.Unsay mahitabo sa tawo nga naglakaw nga wala mahibalo sa iyang padolngan? Dili ba masaag? Matag usa kanato bata man o tiguwang, estudyante man o ma-estra dapat anaa kitay tagsatagsa ka damgo sa kinabuhi. We should have a dream. It’s free. Nindot raba ning magdamgo ta nga nagmata kay matinood. Nakasuway naba mo nga nagdamgo nga nagmata? Nakahinomdom ko sauna niatong bata pa ako kanunay akong magdamgo nga nagmata. Dunay mga higayon nga samtang nagsag-ob ko ug tubig o nangumpay ko mukalit lang ako ug katawa o mo-smile. Maayo nalang gani walay nakakita naku kay kung naa pa maka-ingon gyud to sila nga na-amaw na siguro ni si Rodel. Niadtong higayona ni-smile ko tungod kay akong gi-imagine nga ako nagmalamposon, nga nakab-ot naku ang pangandoy. Unya katdong mga damgo naku sauna natinood tanan. Ganihang buntag sayo kaayo mi ni byahe padulong dinhi, unya samtang nagdrive ko nakabantay ang akong asawa nga nagsmile ko. Unya iyaha akong gipangutana “Ngano ka daddy ni-smile man ka?. Unya ako siyang gi-ingnan “Nagdamgo ko”. Mingon dayon akong asawa, ha? pagtarong diha, natulog ka nga nagdrive kay nagdamgo man ka?Pagtarong intawon diha madisgrasya ta. Ako siyang gi-ingnan nga, nagdamgo ko nga nagmata. Ang akong damgo mao nga pila ka tuig gikan karon daghan kaninyo nga mga estudyante nga ania dinhi karon nga magmalamposon ug makab-ot ang ilang pangandoy sa kinabuhi. Matinood ba ni akong damgo? Matinood lang kini kung buhaton ninyo ang ikaduhang sekreto para kamu magmalamposon. Mao kini ang ikaduhang secreto . 2.PAGKUGI/HARDWORK Ang atong pangandoy ubanan natu ug pagkugi. Pagkugi aron makab-ot ang atong mga pangandoy.Ayaw anang hunahuna nga unsaon taman diri raman ko kutob mao man ni akong kapalaran, anak man gud ko sa pobreng ahhhhmmm, naa na gyud ni sa dugo namu nga pobre, ang akong papa pobre, ang akong mama pobre, akong lola pobre, akong lolo pobre, akong tiya pobre, akong tiyo pobre, akong silingan sa wala pobre, akong silingan sa tuo pobre, ang among iro pobre ang among iring pobre ang tungaw nga nagpuyo sa among balay pobre. Pastilan, tanan rason naa. Nagpakita lang gyud sa pagkatapulan. Dapat ang ka pobre maoy atong hinagiban para kita molampos. Daku kaayo kita ug bintaha kompara sa mga datu tungod kay kaya natong mo-antos bisan unsa pa kalisod sa bagyo sa kinabuhi nga atong mahi-aguman. Susama kita sa usa ka kawayan nga mopalingpaling lang bisan unsa ka kusog sa oros sa hangin nga moharos kanato. Ang sakripisyo ug pag-antos temporaryo lang kana, padayong ang pagkugi ug pagpaningkamot kay moabot ra ang panahon nga makab-ot ra nimo ang imong mga damgo ug ambition sa kinabuhi. Kita man gud ang atong gihunahuna nga kapoy kaayo ng lisod. Pero kanang lisod pwede ng makuhaan. Pwede nang mosayon. Ganahan mo nga makahibalo unsaon pagsayon sa lisod? Mao kana ang ikatulo nga secreto nga mao ang: 3.PAGTINABANGAY/PAGTAMBAYAYONG/TEAMWORK Ang kalamposan dili solo flight. Kinahanglan nga anaa kay katambayong. Susama sa duwa nga basketball nga kinanglan ug teamwork sa mga player para mamahimong champion. Matag usa anaay tagsatagsa ka role. Bisan si Manny Pacquiao aduna siyay team. Naa siyay coach, manager ug trainer. Nakahinomdom ko sauna sa akong inahan niadtong mga bata pa kami. Sayo kaayo sa buntag mamukaw akong mama ug mo-ingon “Rodel, bangon na diha ka hayag na, mo-eskkwela pamu. Toa pay baka nga kompayan, magsab-ob pa ug tubig, maligo pa, malate namu sa eskwela. Unya motubag dayon ko, O ma, unyha na katugon pa kaayo ko. Unya mosyaget dayon ug magyawyaw akong mama “Pastilan kadugay baya ninyong mobangon, sus kung mag-ulan gani ug kwarta dili jud mo kapunit kay dugay kaayo mo mobangon”. Unya motubag pud dayon ko “unya kung mag-ulan ug kayo” una pud mong mapaso ug masunog? Apan makabangon jud mi ug sayo tungod kay lapdusan man dayon mi ug bakos sa among papa kung dili mi mamangon. Inig kakita namu sa among papa nga magdala na gani ug bunal, ay lumpag lampinig dayong mi. Lumbaanay dayon ug pangita kung asa ang bukag ug sanggot para mangompay. Ang akong buot ipasabot mao nga pasalamat kaayo ko sa akong ginikanan nga gitarong ko ug disciplina niadtong bata pa ako. Kanang tanan ilang gibuhat anaa kanay puspose para kita mamahimong tul-id ug dili hiwi. Nakahinomdom ko sa akong papa sa-una niadtong nag-eskwela pa kami ug college nga luoy kaayo siya. Ulan ug init iyang gi-antos. Ang iyang trabaho usa conductor sa PUJ. Bisag gihalantan trabaho lang gihapon siya para lang makakwarta aron makahatag kanamo ug para allowance. Iyang gibuhat ang iyang role. That’s TEAMWORK. Ang ako usab nga mama ug mga igsoon dinhi sa probinsya kay walo man mi kabook ako ang eldest, unya duha mi nga nag-eskwela sa college mag-antos lang intawon sila ug sud-an ug ginamos ug bulad ipares ug bahaw. Nagsakripisyo sila kay lagi ang kwarta unta nga ipalit ug lami nga sud-an gihatag kanamu nga nag-eskwela para sa among allowance. That’s temporary sacrifice ug TEAMWORK lang gihapon. Gibuhat nila ang ilang role. Tungon sa among teamwork lima na sa akong mga igsoon ang nakahuman ug college. Nindoot kaayo kung naay teamwork ug pagtinabangay sa pamilya. Mosayon ang lisod. Pwede ba kong mohangyo? Mga estudyante atubanga ang inyong mga ginikanan unya repeat after me. MA/PA, SALAMAT SA INYONG PAGSAKRIPISYO, KUYONG TA PADULONG SA AKONG KALAMPOSAN. Unya mga gikikanan, repeat after me, ANAK, UBANAN TIKA PADULONG SA IMONG KALAMPOSAN. Atong pakpakan ang mga ginikanan ug mga graduates. Nindot diba? Maayo gyud nga matag myembro sa pamilya magkuyog padulong sa kalamposan. Apan, naa pay dapat natu nga i-kuyog nga mas-importante. Mao kini ang ika-upat ug katapusan nga sekreto. 4.Ampo ug pagsalig sa Ginoo. Bisan unsa-on natu ug pangandoy, bisag unsaon natu ug pagpaningkamot, bisag unsaon natu ug pagtinabangay, kung ang Ginoo wala nag-uban kanato masaag gayod kita ug dili natu maabot ang gusto natung padulngan. Atong i-kuyog ang Ginoo sa atong byahe kay siya maoy atong driver, siya maoy mogiya kanatu ug siya motabang ug pas-an sa bug-at natung karga padulong sa kalampusan. Mga ginikanan ug estudyante ako kamung gihagit nga pangandoy, paningkamot, pagtinabangay ug pag-ampo kamu para kamu magmalampuson. Daghang salamat.
Posted on: Wed, 02 Apr 2014 02:35:53 +0000
Trending Topics
Recently Viewed Topics
© 2015