< Jung tawn sai hpe n’htawn nu ga, > Asuya lakhtak English lakhtak, hten yang hten,deng mi pyek pyek,deng mi pyek pyek,asuya tara gaw ya lai lai,asuya masa gaw ya lai lai,ngu ai ningmu hpe lai di kau ra saga ai.kalang shagrin dawdan n’na jumtek tawn sai,annau ni a mung masa shawng bawng shangut n’na she simsa lam gaw teng lu wa na re ngu ai dawdan masing gaw annau ni matu grai jaw ai ninggam kaba hta tsap nga lu ai ahkyak madin re hte mungkan na grai myit shang ai hte myit mada ai lam re zawn,bawsang myu sha yawng a matu ahkyak pausi jumtek ai hte bung dik nga ai re.yawng gaw annau ni hpe kamhpa n’na madi shadaw dik nga ai .shinggyin ahkaw ahkang hpyi ai ni yawng a matu mung annau ni gaw kamhpa kaba re hte madi shadaw lam lu dik htum re. Ya gaw yawng myit makun dik ai hpung kun daw hten wa sai kun? nga grai tsang agam nga sai re.myu bawsang rawt malan hpung a shawng lam shingra maka gaw annau ni madung asak sumri jum tek ai zawn bung nga ai.mung masa hpyen masa yu maram nga ai ni yawng gaw grai ung ang ai bawsin nga ma ai re.baw ja ai,myit ja ai loi loi n’chye galai chye ai nga, kamhpa n’gun lu nga ai ni a matu hte tara hkungga ai kasi yu la gin ai nga myit makun myit n’gun jaw nga ai ni a matu madi shadaw pa yawm mat chye ai. Myen dat kasa ni alang lang asawng tsun nga ai masa hta dai ni annau ni kalang bai tsap sa wa nga ai zawn,gumhpraw hte bawngring lam hte ma hpe makdwi jaw ai zawn abawk la yang kara rawt malan hpung lu hkam na rai?,ten mi lani mi gaw simsa lam la chyalu re nga,Aung min wa grang ai gaw jaw wa sai kun?kadai wa simsa lam la tim WP myu sha ni yawng gaw awmdawm shanglawt n’lu dingsa gasat na re.langai sha ngam tim,annau ni a kaji kawa ni a arang kaba bang lai wa sai hpe galoi sadi n’hpyen mai ga ai. Masa kaba langai mi gayin maram chyai wa lu na gaw n’law htum shaning hku na mat chye ai.ya she mungkan mungdan n’kau mi gaw annau ni lam hpe kata lam sawk sagawn wa ai zawn,annau ni kata lam hpe tsim shang yu nga ma ai re.annau ni a tara hkungga hkan sa ai lam,ahkaw ahkang tawt lai n’lai,annau ni gaw kaning myu re ngu ai hpe kata lam sagawn wa nga ai ten re.annau jumjek tawn ai mung masa shawng bawngban shangut yang simsa lam shi hkrai lu wa na re ngu ai mahkyen hkrang gaw jaw dik ai,ja dik ai,tsaw dik ai bum pungding kaw WP mungdan dawnghkawn jung tawn n’na myen hpe sharim tawn ai hte bung nga ai jaw,myen gaw dai hpe hkrit dik nga ai re.dai ni na masa gaw annau ni madu bunghku madu nan run la ai hte wa n’bung wa nga a kun?ya she annau ni n’gun kaba ban la n’na,masa kaba gasat na ten re hte myu sha hpung shagu mung ya she grau grau n’gun hte htu gasat ai masa hku lamang hkum grup grup kaw n’na ,gasat ra ai.sum tang laika annau ni mabyin mahkrun hpe mungkan de lang hte lang grau grau n’na tang ra ai.Media ni mung htam 2 htu gasat ra ai.sumla hkrung tsin yam mabyin hpe law law tang ga.ahkaw ahkang hpyi ai ni ,masha yup tim shiga n’mai yup sai.mungkan na masam maram nga ai ten annau ni kraw hta madai tim loi loi lagaw lahkam n’mai dawm yang kaja na re ngu mu ai. UN/US/UK/EU/Asein/Miwa/Japan/mungkan gaw ya she annau ni madai marawn ai n’sen hpe madat maram wa nga ai ten re,grau naw dating ga.myen gaw n’gup masa sha kalai n’na,Tara masa,hpyen masa kachyi mi pyi n’galai shi nga ai hpe ja ja dum nga na re ngu kam ai.Myu sha ningbaw ningla ni e ba gaw ba na re,puba ai hpe annau ni a hpang na ningbaw ningla lahpa kalai la na,ma ni a shawng lam ningsam hpe myit yu n’na naw sharang ga ngu n’gun jaw ai.Dingdung korea gaw Asia hte annau ni hpe masa kaba langai de woi gayin wa na masa pru nga ai.
Posted on: Tue, 08 Oct 2013 05:31:55 +0000
Trending Topics
Recently Viewed Topics
© 2015