KEN A TRAHA MUNDU I E HENDENAN KU TA BIBA RIBA DJE?Versikulo di Memoria: Na prinsipio Dios a krea shelu i tera(Genesis 1:1).PROBABLEMENTE tur hende a yega di puntra nan mes hopi bes: Ken a traha mundu? Ken a traha hende? Pakiko mi ta aki? Na unda E ta? Pakiko hende ta hasi piká? Kon nos por sa kiko ta bon?E pregunta ei i hopi otro mas, nos ta bai studia den e kurso aki. Den e promé lés nos lo studia: Ken a traha e mundu aki i hende ku ta biba den die? Kisas bo ta biba den un kas kristian kaminda Beibel ta ser lesa regularmente: Si tá asina,lo bo gosa di mira kuantu di e preguntanan aki lo bo ta kapas na kontestá. O, kisas bo a tende masha poko di lesamentu di Beibel. Si ta asina, siguramente lo bo gosa di siña loke Beibel ta bisa tokante e asuntunan interesante i masha importante aki. Ta milagroso kuantu di e preguntanan di tur dia, ku ta den pensamentu di hende ta wórdu kontestá den Beibel.Segun bo ta studia, lo bo mira kon komprendibel e Beibel ta bira. Maske bo no tin ningun hende pa yuda bo ku e lèsnan aki, nan lo ta asina komprendibel i fásil, ku bo mes por tuma e kurso. Hopi hende awendia ta neglishá studiamentu diBeibel.Ora bo kaba ku e kurso aki, lo bo sa muchu mas tokante e Palabra di Dios i lo bo ta kapas pa spliké na otronan. Awor ku bo ta bai kuminsá ku e lès aki, lo bo desea na baha bo kabes i hasi orashon i pidi Dios pa E hasi e lès mas kla pa bo por komprondé mihó?E KREASHON1. Ken Beibel ta bisa a traha mundu?`Den prinsipio Dios a krea shelu i tera (Genesis 1:1Mara hende por a solamente kere den e Palabranan aki di Beibel, ku ta DIOS a traha tur kos.2. Ken a yuda den kreashon di e mundu aki?Promé aya Dios a papia hopi biaha i na hopi manera ku nos antepasadonan pa medio di profetanan, pero awor, den e delaster dianan, El a papia ku nos pa medio di Su Yu, Kende El a nombra komo Eredero di tur kos, pa medio di Kende tambe EI a traha mundu(Hebreonan 1:1 2).Hesus a yuda den e obra milagroso aki di traha mundu. El a biba den shelu ku Su Tata promé ku El a bini na e mundu aki manera un mucha chikitu. Referiendo na Su més komo e Pan di Bida, un bes El a bisa na esnan ku tabata skucha: Ami ta e Pan bibu ku a baha for di shelu (Juan 6:51).I atrobe den Juan 17:5 I awor, O Tata, glorifiká Mi serka Boku e gloria ku Mi tabatin serka Bo promé ku mundu a eksisti?Bo por mira pakiko Hesus tin tantu interés den e mundu aki; pasobra den prinsipio EI a yuda trahé.3. Ken tabata e di tres Personanan ku a yuda den e kreashon di e mundu aki?Ieteratabatasinformaibashi,iskuridattabatariba karadi abismo. I e SPIRITU DI DIOS a move riba e kara di awanan (Genesis 1:2).Akinan nos ta mira ku e personanan ku ta wórdu yamá e `TRINIDAT, a koperá den e kreashon di e munduaki.Algun hende lo bisa: Mi a kere ku nos ta kere den ún Dios so. Sí, bèrdat; ma e mes un Dios ei ta presentá Su mes den forma di tres persona: (1) Dios Tata, (2) Dios Yu Hesus; i (3) Dios Spiritu Santu. E tresnan aki ta unu denpropósito den trabou i den plan.Laga nos poné di e manera aki:* Aki tin un kabuya. Mi ta puntra bo: Kuantu kabuya bo ta mira? Lo bo respondé unu. I asina tá; ma awor si bo mira ku kuidou, lo bo mira ku e ta trahá ku tres strèng, pero e ta forma un kabuya.* Mira un pera di lus sendé. Kuantu lus e tin? Unu! Kita e koriente afó i lo bo mira (por ehèmpel) tres waya den dje. Tog bo ta mira solamente ún lus.Den shelu tur e tres personanan di `Trinidat tin interés den nos i nos salbashon._
Posted on: Sat, 02 Nov 2013 14:19:21 +0000
Trending Topics
Recently Viewed Topics
© 2015