KHAWIAH TUAN ANG MAW.. Van chhum dum dur mai chuan lunglen chawk tho turin a pai tel khuangruah chu a lo far tir dawn tih chu ka rinna mai nilo ka chhingmit ngei chuan a hria in a hmu a.. Leilung chu ariang ve ta emaw tih turin a reh riai a..a ni, a ngui ruai a,thawm reng a chhuah lo. Thli thaw heuh heuh te chuan khawharna chu an pai a,ruah tla chep chep te chuan lunglenna an chhawm a; ralkhat a tlang paw chum mai te chuan riang taka ka nun hman chu min tuarpui ni in an sar harh lova,an dum deuh nguih a... Hlimma chuan min hnuchhawn emaw tih tur in lunglenna chhum chuan min zam hnan a; Beiseina chu ka lakah bi bo in a hmel a thupa; khawharna tak ngial pawh chuan min nuihzat a; nguina chuan min chhuankhum si. Engkim mai chuan min hnawl a;khawngaihna em pawh chu ka tawnah a lainatna hmel a chhuah silo! Engkim mai chuan min chhuahsan a, ruak taka len tir ka ni a,nun hi hnawng takin a ro si. Thinlai lungruk ruak si in, Rianna chuan min awm; Khawharna chu ka tan; Rinawmin a leng ta e, Hlimna chu kimki in; Tahna chu ka tan, A uang lua ta si..!
Posted on: Mon, 14 Jul 2014 10:20:39 +0000
Trending Topics
Recently Viewed Topics
© 2015