Kambio ta bini ora nos skohe pa esei. Reforma ta bini segun nos entrega nos mes na Spriritu Santu su poder, ku ta konvense nos bolontat na esun di Dios. Dios NUNKA lo forsa nos bolontat. NO. Dios ta respeta nos libertat. Ta Dios Mes a traha nos ku e bolontat liber ei. Dios su Spiritu ta impreshona nos mente, konvense nos kurason i motiva nos pa hasi loke ta korekto, pero e desishon pa responde na jamada di Spiritu Santu ta, semper di nos mes. Dus, Dios lo NO traha sin koperashon di hende. Hende mester eherse su podernan lo maksimo; hende mester pone su mes komo un studiante bolontario, kontentu pa sinja den e skol di Kristu. Dios lo no sker algun pensamentu egoista saka for di nos mente. Dios lo NO ranka kita misteriosamente algun habitonan insaludabel ku nos tin of algun gustu sekreto. NO. Dios ta konvense nos di pika, Dios ta konvense nos di loke ta korekto, pero ta nos mes tin ku skohe. Pesei, pidi Dios forsa pa kada momentu di desishon den bo bida awe, bo skohe pa e parti bon, paso Dios lo duna bo e forsa pa hasie, un Dia felis pa bo.
Posted on: Tue, 03 Sep 2013 07:13:38 +0000
Trending Topics
Recently Viewed Topics
© 2015