Ko te fatuga o te aho nei ko he pehe na fatu e te matua kia Fekei Lokeni... Ko te pehe tenei he pehe e fiafia lahi au ki ei ona ko te manaia o te ata e fakamatala mai e na kupu o te pehe... E ko kitea ai he tahi ata o Tokelau ma tona kaulelei e iei ai aua I te lahiga o aho ona ko au e nofo atu I Tokelau e he fano toku mafaufau ki te kehe o te kaulelei o te fenua na fakatofi ai kitatou e to tatou Atua.. Kafai la ko te pehe tenei e uhuuhu e au e ko lagona ma ko kiteai ai te lahi o te Alofa o te Atua ki Tokelau kae maihe a na fakamanuiaga kehekehe kua kaumai mo Tokelau... Faitau pea na kupu o te pehe, ko au e talotalo ke ke kitea ma lagona te lagona e ko maua mai ai.... Manuia te Faitau!!! Pulotu: Fekei Lokeni Igoa O te Pehe: "Faka-vaelua-tai" Kua faka-vaelua-tai e te la o Mulihelu Lakei te moana I fakananu a ona kave Ata manaia o te la afiafi I ulufenua Kae a............ Ko he ata o te Alofa Tumau Fakamihi kia te koe Taku Lupe kua fano I te Hologa manu Manatu, pe fai valevale nei Na tala na papau e ki taua Galugalu malie o te Moana Fakaoko atu oku alofaga Manatua oi tagaki mai Leamai, "Tofa......ko au e toe hau." Manuia na Tiutiuga!!!
Posted on: Mon, 07 Oct 2013 20:30:34 +0000
Recently Viewed Topics
© 2015