LAL ISUA LOKAL LEHNA CHU KAN THLAMUANNA TUR: Lalpa ngei chu au thawm nen, vantirhkoh chungnung ber aw nen, Pathian tawtawrawt ri nen, van atangin a lo chhuk dawn si a; tin, Kristaa thi tawhte chu an tho hmasa ang a; chu mi hnuah chuan keini nunga lo la awm rengate hi boruakah Lalpa hmuak turin anmahni rualin chhum zingahte khian lak chhohvin kan awm ang; chutichuan kumkhuain Lalpa hnenah kan awm tawh ang. Chuvangin, heng thu hian inthlamuan tawn rawh u.(1Thes. 4:16-18)) Krista lokal lehna chungchang thu hi thu pawimawh nisi sermon hlawhlo pawl tak ni hian ka hre thin. Kan speaker te pawh hian an sawi tlem viau niin a lang, pulpit tlangah pawh sawi a hlawh lemlo viau, hralh a tla vak lo a ni ang. Engvangnge ni ang aw ka ti thin. Kan hmelma pa diabola hian min khapsak ni hian ka hre tlat. A sawi chhunte sawi chang pawhin in sawi thaih niah kan ngai tlat niin alang. Kan hlau deuh emaw ni chu aw a tih theih. Ngaihnawm a tling lova, mipui a huikhawm zolo a ni ber. Lal Isuan In tan hmun ka han siam chuan ka lo kir leh ang a, ka hnenah ka la ang che u, ka awmnaah nangni pawh in awm theih nan,(Johana 14:3) a ti. Lokal leh ngei ngei hi a tum chiang a ni. A lokal hi a hnai takzet tawh a, kan tunlai khawvel hun awmzia hi chik a ngai takzet tawh a ni. Hun tawp dawna thilthleng tur Isuan a sawite chu thlenglo a awm tawh mang lo. Bible hun tiam sualna tihpun chungchang khawvelin a tawng mek, indo a thleng dik, natna mak pui pui TB, Cancer, AIDS leh a dang natna ten khawvel a chimpil mek. Ruahtui tlak dan, sik leh sa inthlak dan pawh a pangngai tawh lo. Kristianna pawh a dal sawt ka ti hram teh ang. Tunlai thil awmzia hian kan Lalpa thutiam chu a thleng mek tih a lantir avangin nun nei si, nun neilo te ang a khawsak a pawh a hun tawh lo. Muhil thawhharh a hun takzet tawh a ni. Engatinge lokal lehna boruak hian ringtute hi min tih thlabar fo mai le. Lokal lehna hi ringtute kan inthlamuan tawnna tur a ni zawk asin. UID ah te kan buai a, Obama Care bill ah te kan buai, census kan hlau a nih hi. A zialo lutuk. Krista nun kawl tute chu kan buai tur a nilo. Krista chuan a nun kawltute a ni a lak dawn (Joh.10:17). Hetiang boruak te hi Pa hmel kan hmuhna tur ni, zion fate kan zalenna tur a hnai tih min hriattirtu lo nise, min hiat harhtu ni rawh se, inthlamuan tawn nan i hmang ang u. Hetianga kan thlabar zel a nih chuan Isua nun kan kawl lo a ni ngei ang. Mahni in en fiah ang u. Kan pianna ramah kir leh phawt a ngai a ni mai thei. Bul i tan hreh lovang u. Aw, malin min awmtir suh, ka hnenah awm zel la; Zion tlangmawi ka thlen hma chuan, ka Chhandamtu min hruai zel rawh. Lalpan malsawm rawh se.
Posted on: Sun, 27 Jul 2014 07:07:58 +0000
Trending Topics
Recently Viewed Topics
© 2015