LEÇON I: GUNDA TI EGLISE (Ac 1,6-10) 1) Q: Eglise ayeke nyè? R: Eglise ayeke bungbi ti azo so a yéda na Nzapa ti Jésus –Christ so lo fa lo na azo: Nzapa Baba,Molènge na Yingo-Gbia. Bungbi ti azo so a yé da na iringo ndo ti Nzapa ti Jésus-Christ. 2) Q: Gunda ti Eglise ayeke zo wa? R: Gunda ti Eglise ayeke Nzapa so lo yeke Nzapa:Baba,Molèngue na Yingo-Gbia. Leçon II: DUNGO EGLISE (Ac 2,1-11) 1) Q : Eglise a ba gigi la wa ? R : Eglise a ba gigi na la ti Pentecôte. (A expliquer) 2) Q : Pentecôte ayeke nyè ? (Ti Ajuifs ? Ti a Wa-Christ ?) R : Ti a juifs : Pentecôte ayeke yénga ti mbuki so Nzapa a sala ando na Israel na mungo ndia ti Lo na ala na maboko ti Moïse na ndo ti oto Sinaï.Na ngu oko oko,a juifs ayeke da bè ti ala na mbuki so,si ala sala yénga ni,lango balé okou na peko ti Pâques. Ti a Wa-Christ : Pentecôte ayeke lango so Yingo-Gbia a ga na ndo ti a wa logbia. Leçon III: FANGO TENE TI A WA LOGBIA Q: Gunda ti fango tene ti a wa logbia(Pierre) ayeke nyè(zo wa)? R: Gunda ti fango tene ti a walogbia ayeke Jésus-Christ so a kwi si a zingo na kwà. Leçon IV: DUTINGO TI A KOZO A WA-CHRIST (Ac 2,42-47 ; Ac 4,32-35;Ac 5,1-16) 1) Q: Dutingo ti a kozo a wa-Christ ayeke tongana nyè? R: Dutingo ti a kozo a Wa-Christ ayeke tongaso: Lakwe ala yeke bungbi : ti ma a Tene ti Nzapa so aWalogbia ayeke fa na ala; ti sala ndoyé na popo ti ala; ti kungbi mapa(Eucharistie) ; ti bungbi ayé ti ala kwè oko,si ala kangbi na popo ti ala, a lingbi na nzala ti zo oko oko. Leçon V : ZINGO TERE TI EGLISE NA POPO TI A-JUIFS TI GWE NA A MARA KWE.(Ac 11,19-26 ;Ac 6-7) 1) Q : Eglise a maï a gwé na a mara kwe na légé wa ? R : Eglise a maï a gwé na a mara kwe na légé ti a Wa-Christ so a gwé na Tene ti Nzapa na a mara ndé na ya ti pasi (persécutions). Na ya ti kpèngo ti ala, ala yeke fa Tene ti Jésus-Christ biani ti gwé nani. A yeke na Antioche si a mu iri ti Chrétiens na azo ti Jésus. 2) Q : Pasi so a kozo a wa-Christ a ba a sala nyè na Eglise ? R: Pasi so a kozo a wa-Christ a ba a mu légé na Eglise ti maï. LEÇON VI : EGLISE NA YA TI ANGANGU YE TI GIGI.(AC 11,27-30 ; AC 12,1-23) 1) Q: Na ya ti a ngangu yé so a wara azo ti Eglise ala sala tongana nyè ? R: Na ya ti a ngangu yé a Wa-Christ a duti bè oko na popo ti ala,na légé so,Eglise a gi na ya ti a pasi,na angangu yé,a nzororko ti Christ so a fa mabè ti azo ti lo na gigi. LEÇON VII: BATANGO LEGE TI CHRIST GBIA NA YA T EGLISE. 1) Q : Eglise a bata légé ti Christ Gbia ti lo na légé wa ? R :Eglise a bata légé ti Christ Gbia na légé ti a yé ota so : Traditionapostolique,wala a tene ti mabè so a walogbia a zia na lo ; Ecritures Saintes,wala Tene ti Nzapa so a su-ni na ya ti Bible ; Magistère,wala Wabatango Eglise ti Jésus-Christ na peko ti Pierre(To-Bwa), mango yanga ti ala so a yeke na li ti Eglise(Hiérarchie). Leçon VIII : EGLISE NA NGOÏ TI A BABA TI LO. 1) Q : A Baba ti Eglise ayeke azo wa ? R: A Baba ti Eglise ayeke a-Wa-Christ ti giriri so ayeke nduru na ngoï ti a Apôtres,wala so a inga ambeni ;(so mingi na popo ti ala ayeke a kota-Bwa), so nzara ti bè ti ala ayeke ti leke tambula ti Eglise nzoni,si ala gbu li ti ala na ndo ti tene ti Christ ngangu,ti fa ni mbilimbili na a-wamabe. Leçon IX: NDA TI KANGBI TI EGLISE CATHOLIQUE NA A PROTESTANT NA CONCILE TI TRENTE A SI NA VATICAN II. 1) Q : Nda ti kangbi ti Eglise catholique na a protestants a yeke nyè ? R : So tambula ti Eglise a gwé nzoni pepe, si ya ti Eglise a buba biani na légé ti kusala ti a kota zo ti lo,a sö bè ti a-mbeni Wa-Christ mingi,si ala yé ti leke ya ti Eglise so nzoni, na légé ti fango Tene ti Nzapa mbilimbili. A yeke tongaso si mbeni kota wa-ndara ti Tene ti Nzapa : Martin Luther (Moïne, zo ti Allemagne) a sigigi na ambeni tene ti gbungo li ti lo na ndo ti tambula ti Eglise ; so na popo ni a ba tene ti a sacrements: Luther a inga gi asacrements use baptême na Eucharistie so Christ mveni a zia na sésé. Eglise a ke ambeni tene ti Luther mingi na ya ti Concile ti TRENTE (1945-1963) Tene na ndo ti asacrements ; Tene na ndo ti indulgence ; Tene na ndo ti sôngô kwà(salut). Martin Luther na azo so a mu peko ti lo a sigigi na Eglise Luthérienne. Leçon X: EGLISE NA KODRO TI BE-AFRICA Eglise a si na Bè-africa na ngu 1894, na ngoï ti a pasi, a bira na popo ti a mara, mungo azo na ngbà ti a munzu pörö (colonisation, commerce triangulaire…). A kozo azo ti Nzapa(Missionnaires) so a ga, ayeke Kota-Bwà Philippe Prosper AUGOUARD na Bwà Rémy na ngu 1893. Na ngu 1894, a kozo missions a ba gigi : Saint Paul des Rapides na Bangui nga na Sainte famille na Ndjuku. Na ngu 1930 a si na 1960 : Na peko ti Kota-Bwà CALLOCH so a bata Eglise na a ngu 1914 a si na ngu 1926, Kota –Bwà GRANDIN a ba ndo na ndo ti Eglise na ngu 1928 a si na 1947 ; na gbè ti lo, a Ecoles catholiques a ba gigi. Ti londo na ngu 1960 a si na la so : Eglise ti bè Africa a kangbi tère ti lo na a Diocèses gumbaya (09). N° Diocèses Anciens Dirigeants Dirigeants actuels 1 BANGUI -Mgr Joachim NDAYEN (1970-2000) -Mgr Paulin POMODIMO (2000-2009) -Mgr Dieudonné NZAPALAÏNGA Archevêque 2 BAMBARI -Mgr Michel MAÎTRE -Mgr Jean-Claude REMBANGA - Mgr Edouard MATHOS Evêque titulaire 3 BANGASSOU -Mgr Edouard MAANICUS - Mgr Juan José AGUIRE, Evêque Evêque titulaire 4 BERBERATI -Mgr Agostino DELFINO -Mgr Dennis KOFI AGBENYADZI Evêque titulaire 5 BOSSANGOA -Mgr Sergio GOVI -Mgr François Xavier YOMBANDJE - Mgr Désiré NONGO AZIAGBIA Evêque titulaire 6 BOUAR - Mgr Armando GIANNI - Mgr Armando GIANNI, Evêque titulaire 7 M’BAÏKI Mgr GUERRINO PERRIN, Evêque titulaire -Mgr GUERRINO PERRIN Evêque titulaire 8 KAGA BANDORO Mgr Albert VANBUEL, Evêque titulaire Mgr Albert VANBUEL, Evêque titulaire 9 ALINDAO -Mgr Peter MARZINKOWSKY Evêque titulaire -Mgr Cyr Nestor YAPAUPA, Evêque Coadjuteur 1) Q : Diocèse ayeke nyè ? R : Diocèse ayeke mbagué ti sésé ti Eglise so a zia na gbè ti Kota-Bwà ti tènè lo ba ndo na ndo ti a wa-Christ so ayeke da. 2) Q : Paroisse ayeke nyè ? R : Paroisse ayeke mbagé ti sésé ti Diocèse so Kota Bwà a zia na gbè ti mbeni Bwà so a iri lo Curé ti tènè lo ba ndo na ndo ti a Wa-Christ so ayeke da. - Ayeke bungbi ti a wamabè na tèrè ti Bwà(Curé).
Posted on: Mon, 04 Nov 2013 11:33:25 +0000
Trending Topics
Recently Viewed Topics
© 2015