Lalduhoma’n ZNP zawmthar thahnem tak a lawmlut ZNP President Lalduhawma chuan, “Kan ram hruaitu hmasa te kha an hunlai zela ram tana hriak thihah kan pawm a, Pathian min pekte an ni. Tunah hi chuan kan hun a lo ni ve dawn ta a, hun inher hrethiama, fatu hna rawn thawk turin ka ngen a ni” a ti. Vawiin (dt. 28.10.2013) Thawhtanni hian ZNP zawmthar lawmluhna Party Office-ah thusawiin Lalduhoma chuan, “Tunlai hian politics khel thang ni lovin, khel ve ngai lo lamah natakin ZNP thli a tleh a, chung mite chu kan ramin a mamawhte an ni. Politics ruihhlo ngawl la vei lo te hi kan mamawh a, chung mite chu an lo lut zel a, hei hi kan thawhrah a ni lova, thawktu a awm a, mi zing tho hian ZNP hi an thawhpui nawlh nawlh mai a ni” tiin, Aizawl West-II a ZNP ticket a ding tur C.Ropianga IAS (Rtd) Upper Khatla, R.Lalthatluanga Tawi (Saitual) biala ding tur Bethlehem Vengthlang, Ginzalala (Lalte-a) Bawngkawn Lengteng biala ding tur te a lawmluhna he thu hi a sawi a. Aizawl South-II a ding tur Rinzawna Mission Veng in hunserh a hmang. Lalduhoma chuan “Pu Laldenga’n Inremna Thuthlung a pawmna kha tlawmna ah kan ngai lova, huaisenna ah kan ngai a ni. Tute’n emaw ‘tlawm’ an ti hi ZNP chuan a pawm ve lo , kan ram tana ‘zalenna’ sual dik takah kan ngai a ni. Rambuai avanga kuttuar nunna chante leh MNF hnam sipai boralta zawng zawngte pawh Martar-ah kan pawm a. Remna avanga lo kirte hi ‘insurrender’ kan ti ve lo. Martar chhungte chhawmdawl chu sorkar tharin a ngaihpawimawh hmasak tur a ni” a ti bawk. Lawmluhte zing ami C.Ropianga IAS (Rtd) pawhin thusawiin, “Kan rama sorkar kaltawhte hian thil tha tam tak an lo tih rualin, tun dinhmunah chuan thangtharte hian sorkar kal tawhin an tih loh hi an hre teuh niin a lang a. Kan hruaitu hmasa te hi an theih chinah hian tawp chin a awm deuh niin ka hria.Lalduhoma hi rorelna thutthlengah hian a thut a ngaiin ka hria a. Pathian miruat a lo nih si chuan leihlawn a mamawh a, lungrem kailawn ‘cubic lung’ mite rah atan ka lo zuang lut ve ta a ni” a ti a. “Khua a var dawn ta a, khawfing a chat dawn ta niin ka hria” a ti bawk. ZNP zawmthar zingah hian Saithuama leh L.Z.Tochhawng North East Students’ Organisation (NESO)-a MZP Gen. Hqrs. awiawh ten thu an sawi a. ZNP a an luhpui thalai lehkhathiam rual mi 15 te chu ZNP President hian a lawmlut bawk a ni. (ROTHUAMA SAILO) Secretary, Information & Publicity Department, ZNP Gen.Hqrs, Aizawl.
Posted on: Mon, 28 Oct 2013 17:10:56 +0000
Trending Topics
Recently Viewed Topics
© 2015