=> Lerh vang hian nupa an inthen phah fo a, inngaizawngte inkar pawh a chhe thîn. Hei hian lungngaihna leh tahna athlena, fahrah an tam phaha, hmeithai khawngaihthlak tak tak an awm thîn. Thenkhatin an nungchang an hloh phaha, inngaizawng leh inthlahlel em em te pawhin an tuar thîn. Lerh hian effect tam tak a neia, sawi zawh mai chi pawh a nilo... Chutiang taka pawikhawih nasa thei LERH chu, i han belchiang dawn teh ang... Q: Lerh hi enge a nih.?? => Lerh hi rinawmlohna bultantu a ni a, belhchiandawllo zia a ni. Duh tawk a neilo a, chin tawk a nei hek lo; hmeltha leh piannalh ringawt um vangin a punluna, kawppui laka uire hreh lohna thlentu hmasa ber a ni. Hmangaihna tidaltu a ni a, angai reng nin vang emaw, duh khawp loh vanga lo awm a ni. Mi puitling tawk lo te ah alang chhuak nasa hle thîn... Q: Lerh hi engvanga lo piang chhuak nge a nih.?? => Lerh hi thalaite ah a nasa bika, Mipa/Hmeichhia ah pawh a hmelthate zingah a nasa lehzual a ni. Hmeltha chuan heltu leh duhtu an tawng nasa lehzuala, hei hian nulat tlangvalna lamah nasa takin a kai harh hma bik a ni. Chuvangin, nulat tlangvalna lama harh hma chu an lerh nge nge zel thîn... Tin, lerh lo pian chhuah chhan lian tak pakhat chu, hmeltha leh pawn lam lan dan mawina ringawt duh vang a ni a; hetiang ang mi te hi chu belhchian dawl an awm ngailo. Nun uluk lo leh pawlawh vanga rinawmlohna in LERH hi ahrin chhuah a ni ti ila a sual lo ang... Q: Engvangin nge an Lerh.?? => Mi tupawh a lerh chuan a rinawm loh vanga ni. Amah ah innghahna tlak a awm lo a, a hmuh chawpin a rilru leh duhzawng a thlak zung zung thîn. Engkim a hne zung zunga, rilru nghet leh mumal a neilo a, a kawppui tan chuan mi hlauhawm tak a ni. Tin, hmangaih leh duh ber an ngah thîn khawp mai... Thil thar a duha, alawm em em bawka, chu chuan bung thar kai châkna a thlena, an lerh phah thîn. A theih chhûng zawng chu kawppuite leh midang bum an pawisalo a, mi rilruna taka siam an hreh ngailo bawk. An tisa châkna puitlin duh vang a ni a, nawmsak duh lutuk vang a ni... Q: Lerh hi a thatna a awm em.?? => Lerh hi athatna an sawi ve fo thin chu, thil mawi leh nalh an hriaa, an intuaifai peih tih hi a ni. Mahse, thil mawi leh nalh an hriat leh lutuk vang hian an kawppuite lakah an rinawm lo tlangpui zel. Chuvangin, kei chuan rah tha a chhuah hi sawi tur ka hre tlem khawp mai... Engpawh ni se, lerh hian thiltha aiin thalo a hring chhuak tam zawka. Chuvangin, lerh hi pumpelh la, nun uluk ang che... Belhchiandawl tak ni turin pawn lam lan dan ringawtah mawi tum lo la, langlo lamah nasa takin tan la zawk ang che. Tin, kawppui nghet leh tha tak nei tur chuan lerh hi bansan la, thangthar leh tuai thar apiangah buai suh... I ngaihzawng/nupui/pasalah khan lungawi la, i damchhungin kawppui nghet leh tha i nei ang...
Posted on: Mon, 29 Jul 2013 13:26:36 +0000
Trending Topics
Recently Viewed Topics
© 2015