«Lewa zbulon bisedat me Perez, Ferguson dhe Mourinho» Sulmuesi i Borussia Dortmundit, Robert Lewandowski i cili ka konfirmuar se do të vazhdoj edhe për një sezon me klubin e tij aktual, ka zbuluar se ka pasur bisedime me trajnerët si Sir Alex Ferguson, Jose Mourinho dhe presidentin e Real Madridit, Florentino Perez. “Unë bisedova me Perez në zyrën e tij, afër dhomave të zhveshjes në Bernabeu, pas ndeshjes. Ne biseduam… Ishte thjeshtë një bisede. Unë nuk i thashë atij JO, vetëm isha duke e dëgjuar”. “Gjithashtu kisha një situatë të tillë edhe me Jose Mourinhon, por nuk dua të bisedoj shumë rreth kësaj çështje. Ishte një bisedë private”. “Një vit më herët unë bisedova gjithashtu edhe me Fergien dhe definitivisht ishte një ndjenjë e shkëlqyer. Pensionimi i tij, kishte efekt në vendimin tim për të mos u transferuar te Ferguson. Unë kam biseduar me të një vit më herët, biseda erdhi në një moment jo të duhur. Unë e kam ditur që kam ende diçka të madhe për të arritur me Dortmundin, para se të transferohem në një klub të madh”, tha Lewandowski për The Sun.
Posted on: Sun, 25 Aug 2013 14:23:32 +0000
Trending Topics
Recently Viewed Topics
© 2015