Lka Chawngthu > UID DODAL NGAM: UID/AADHAAR HI KRISTIAN NIH CHUAN KA HLAULO E LO TIH VE NGOT KHA ANILO. THIL HLAUHAWMTAK ANIH AVANGA PATHIANINA INRALRING TURA MIN TIHTE ZINGAH MIPUI INBUMNA MAKSAK TAK, ZORAM ALO THLEN TAK MEUH CHUAN PATHIAN THU I HAWISAN LUI ANG MAW? (CHIANG TAKA I CHHIAR ZAWH HNUAH CHAUH COMMENT ANG CHE). UID ZIR CHIAN LEH ZUALNA: uidai.gov.in/aapka-aadhaar.html He link ah hian i luh chuan he a hnuaia thu lo inziak hi I hmu ang a, hei hi thudik tak, Unique Identifcation Authority of India official website a mi ngei a ni e. 1. “Mi tu pawh, India rama cheng tawh phawt, mipa emaw, hmeichhia emaw, kum engzat mi pawh ni se, Unique Identification Authority Of India in ‘India mi ngei’ a ni tih a fiahna tura a duante a tling a nih phawt chuan Aadhar card nei turin a inziak lut thei a ni” tih te, 2. Mi tin tan vawi khat inziah luh a tawk a, pawisa chawi a ngai lovang, tih te leh, 3. India rama cheng mimal tinte chuan Aadhaar number in-ang lo an nei vek ang a, chu chu a dam chhung daih tur a ni. He Aaadhar number hi bank dawrna te, mobile phone connection te, sorkar leh sorkar pawnlam thilte pawh a hun dik takah tangkai takin I hmang thei vek dawn a ni”…tih te I hmu ang. Khing point hote khi zir chiang lawk ang aw: 1. UID HI INDIA MI ZAWNG ZAWNG TAN A NI: Biometric camp (hmel, mit naute leh kutze thlalakna hmun) emaw, Centre emaw an rawn siamin naupang kum 5 chin leh a chunglamte chauh lak tur an rawn ti thin a, mahse UID chunga thuneitu, UIDAI in dan an lo siamah chuan nausen te ber thleng pawha enrollment hi tih theih a ni tlat..a phenah hian inbumna emaw, ngaihthat lohna tur a awm chiang mai. Han zawt mah teh, tuna Mizo mipui tam berte hriat danah pawh, naupang kum 5 atanga chunglam’ tih a ni vek ang. “Tin, mi zawng zawng alian atein, ahausa aretheiin bawih leh bawih lo pawh, an kut ding lamah emaw an chalah emaw chhinchhiahna a neihtir hlawm a..” (Thup.13:16) UID dodal ngam lo tute tran chhan, sakawlh chhinchhiahna nen a inzawm theih loh dan zawngtute tan chhan, ‘tuna mi chu kum 5 chin chauh ani a, sakawlh chhinchhiahnate chu mi zawng zawng tan a lawm’ an tih thin chu khi thu khian a phet chiang khawp mai. Tunlai hian Haryana state a Gurgaon District ah pawh UID an kal pui mek naah, 9% te chu naupang kum 0-5 inkar mi an ni tlat. US damdawiin thenkhatah te khu chuan nau piang thar an awmin an DNA an laksak thin a, mi tam takin an sawisel nghe nghe. India ramah pawh hian naupang kum 5 hnuai lamte biometrics laksak dawn chuan an DNA fingerprint tluka remchang leh awlsam a awm lo. Syringe hmanga an thisen tlemte hip chhuahsak zeuh kha an DNA fingerprint siam nan a tawk der a ni. UID dodal tute tan chuan damdawiina nau neih loh ngam pawh a la tul dawn a ni. Tunah hian India sipai 50% aia tamte chu sorkarin an DNA a laksak tawh bawk a ni. 2. MITIN TAN VAWIKHAT INZIAH LUH A TAWK…DAM CHHUNG DAIH ANI: UIDAI hian UID number nei tawh te emaw, biometric enrollment a inziak lut tawhte’n cancel/ in delete an duhin chutiang tihtir theihna dan engmah a nei lova, vawikhat I lo tih zeuh tawh chuan I dam chhungin India khua leh tui dik tak I ni reng tawh dawn a ni. I dam chhunga Zoram thar a lo thleng hman a nih phei chuan India khua leh tui nihna nghet lutuk, cancel theih tawh loh, ‘dam chhung daih’ nihna nei chunga luh inbeisei ve lo mai ang che. Mizoram hi Pathianin India leh a khua leh tuite lak atangin min la chhuak dawn a, dam chhunga India khua leh tui nih tumte leh India sorkar hnuaia hamthatna hmuh inbeisei a, India tangka ngainatute tan luh beisei ve chi a ni lo. 3. THIHNA CHAUH LO CHUAN A THEN LOVANG CHE: I thi a nih chauh loh chuan I Aadhar number cancel theih a ni lova, biometric enrollment database ( biometric datas dah khawmna hmunpui) atanga paih bo theih I ni tawh hek lo. I biometric data, I hmel, kutzia leh mit thlalakte kha Sorkar atanga hamthatna hmuh let inbeiseiin I hralh miau tawh a lawm. I hralh tawh hnu chu I ta a ni thei tawh lova, I thil neih zawng zawng, I nihna zawng zawng, I sum leh pai leh ram zawng zawng, I hna zawng zawng, sum dawnna zawng zawngte nen I data kha a inzawm miau tawh dawn avangin I data kawltu chuan a thunun tawh che a, a thu I awih a ngai tawh a ni. Mi thenkhat chuan heng kan sawite hi atak taka a lo thlen hma hauh pawhin an thu an awih tawh hrim hrim. I datas te kha sorkar kuta a awm chuan sorkar thuin I awm ang a, Agencies leh Corporations te kuta a awmin an thuhnuaiah I awm ang a, Banks kuta a awmin Bank thuhnuaiah I awm ang a, Sakawlh or Antichrist kuta a awmin a thuhnuaiah I awm dawn tihna a ni e. Chu chu tuna I nihna sa kha a ni a, a takin a la rawn lang chhuak lo mai mai a ni. I lo thi a nih chuan, I thih thu kha State khat chhunga Birth & Death Registration enkawltu State Registrar in I thih thu chu UIDAI thuneitute hnenah I Aadhar number nen a report ang a, database atangin an paih thei chauh dawn che a ni. Hemi a nih loh chuan, I thih thu kha I kalsan tak I chhungte/thiante khan an report ang a, data operator in I Aadhar number/card ah khan I thi tih nemnghehnan hming a lo sign ang a, sorkarin I thi tih a pawm chauh dawn a ni. UID I tih vaih chuan mahni thu pawhin I thi thei tawh dawn lo a nih chu! Mitthi chhungten hetia an report dawn hian mitthi death certificate phawrh tur an nei ngei ngei tur a ni. Emaw, mitthi report tu chu mitthi ta nen chhungkaw pakhat an nih thu tifiah turin ration card emaw, sorkarin chhungkaw member a record-na document ah an hming a chuang dun ngei ngei tur a ni. Mitthi report dawnin death certificate hi phawrh ngei ngei tur (mandatory) a ni a. Death certificate copy thehluh tur hi original copy nen enmila a dik ngei tih fiah a nih hnuah UIDAI chuan Death certificate pe chhuaktu Organisation leh Death certifiacate number te chu a lo enfiah leh vek dawn a ni. 4. BIOMETRIC/MOBILE BANKING: Aadhar number leh bank inzawm chhoh dan tur hi kan sawi fo tawh ang khan, Aadahar link bank account emaw, Aadhaar-Enabled Payment System (AEPS) an tih emaw hmang hian, I bank account number kha I Aadhar number nen an suihzawm tawh ang a, lei leh hralh engkim mai kha bank atanga an pek chhuah tur Rupay Cards, Dhan Aadhaar card an tih bawk hmangin I ti zar zar tawh mai dawn a ni. Hetianga lei leh hralh chi angah hian pawisa fai chelek a ni tawh dawn lova, mawl thei ang bera sawi chuan I pawisa hlutna kha I card ah khan a awm vek tawh dawn tihna a nih chu. Hei hi mak tivak duh suh, pawisa note, tuna kan hman lai ang hi pawisa tak tak a ni lova, pawisa hlutna hi rangkachaka teh vek a ni a, rangkachak hmanga thil lei leh thil hralh a buaithlak avangin a aiawh teh chhuah nan pawisa note hi an siam chhuak ta a ni mai. Cheng sangkhat note I neih khan rangkachak cheng sangkhat hu/tlukpui I nei tihna a ni zawk e. Petrol litre 10 lak theihna tur coupon (lehkha) I nei a, chumi hmang chuan petrol litre sawm I va la thei ang chiah kha a ni mai e. Petrol hlutna kha lehkha (coupon) ah an behtir a, hetiang chiah hian rangkachak hlutna pawisa note-a an behtir chiah hian thil I lo lei thei ta thin a ni. Rangkachak hlutna kha I Aadhaar card/Rupay card/ Dhan Aadhar card-a Bank lamin an behtir hun hunah pawisa note hian tangkaina a nei tawh lovang a, I card hmang hlir khan I leiin I hralh tawh mai dawn a ni. He thu ziah lai hian India ramah Aadhaar number leh bank account vaibelchhe 10 zet te chu an suih zawm tawh a, hemi atan hian bank 333 ten hma an la mek bawk. Heng Aadhar link bank accounts te hi sorkar atanga hamthatna hrang hrang- LPG consumers, MNREGA workers, PDS, scholarship, Pension lakna etc nen suihzawm chhoh zel a ni a, hemi hlawkna chang ve tur chuan Aadhaar link bank account neih vek a ngai dawn a ni. Tuna school naupang scholarship lakna atana bank account an hawntir te, PMJDY (Pradhan Mantri Jan Dhaan Yojana) scheme a a thlawna sorkarin bank account a hawnsakte hi Aadhaar linked bank accounts a leh chhoh vek tura tih ani bawk. Nikum Dec.9 thlenga hetiang bank account kal tlanga hamthatna dawnna, Direct benefit transfer an tih mai kal tlanga sum che vel chu cheng vaibelchhe 5151.41 zet a ni. Hei bakah hian, mobile banking an tih mai, mobile sim card number leh Bank an thlunzawmna ang chi hmang hian pawisa fai (note) tel lovin lei leh hralh hi a tih zung zung theih tawh a, hei hi ‘Mobile banking’ an ti mai thin. Tunlai khawvelah mobile banking hian hma a sawn chak em em a, Europe rama biometrics hmasawnna duhtu inzawm khawm pawl, European Association for Biometrics ho hian Europe a bank lian deuh deuh te nen mobile banking in hma a sawn theih nan inkhawmpui an ko tlut tlut mai a ni. Heta hriat ngei ngei tur chu, mobile phone nei tur chuan sim card a ngai a, sim card nei tur chuan Aadhaar number bawk hi a lo ngai leh dawn a, chuvang chuan mobile banking hi a hming dangah ‘bometric banking’ tite pawhin an sawi thin a ni. India ramah hian 2018 hma ngeiin Aadhaar no. leh sim card thlun zawm fel vek a tum bawk a nih kha. Kawngsira chawhmeh lei I tum te, in thenawm dawr te taktea nepnawi I lei dawnte hian, ‘pawisa fai tel lovin a va khirh duh awm ve, pawisa fai an tibo tak tak dawn em ni? tih zawhna I nei a ni mai thei. Mahse biometric banking/mobile banking a kal chhoh tak tak hunah chuan nangmah leh I va dawr tur ten Mobile phone an neih chuan a tawk der. Han ngaihtuah teh, dawr nghaktu emaw, chawhmeh zuar emaw, mobile phone nei lo hi tunlaiah chuan an vang pharh tawh zawk a sin! Hun rei tak nghah ngai turah ruat miah suh, kum 5 chhung leka mobile phone than chhoh dan leh internet banking kal chak chhoh dan hi ngaihtuah la, I harh hawk mai ang. Le, hetia kan sawi teh duah nachhan hi, UID number I neih ve loh chuan lei leh hralh emaw, sumdawn emaw, sorkar hnathawh emaw, khawvel changkanna lam umna chi reng reng chu I kalsan vek angai dawn a, he chhinchhiahna number nei lo tute tan ‘LEI LEH HRALH’ ve theih a ni dawn lo tih hi sawi chian kan duh vang a ni. “..chhinchhiahna – Sakawlh hming emaw a hming nambar emaw – neite chauh lo chuan tuman engmah an lei leh an hralh theih loh nan..” (Thup.13:17) Heng zawng zawng intanna tur hi UID number neih duh leh neih duh loh inkar te mai a ni a, a tawp dan erawh a kar a zau em em dawn a, chatuan nunna emaw, chatuan thihna emaw nghawng chhuak thei hial a nit hung si a ni. A tawp nan chauh hei hi sawi leh lawk ila: “Hetah hian fin a tulzia a lang. Chhut thiam chuan Sakawlh nambar chu chhut rawh se; mihring nambar a ni si a; a zat chu 666 a ni..” (Thup.13:18) He thu chhiartu mi thenkhatte chuan, “Sakawlh number te chu 666 tur a lawm, Bible in a sawi chiang tawk a lawm” an ti awlsam et mai thin a, hetiang hian kutah emaw, chalah emaw rawn chhu kai dawn se chhut thiam nih angai dawn lo reng reng a, Bible ngeiin ‘chhut thiam chuan chhut rawh se’ a tih miau avangin chhut uluk ngai em em tur a ni tih hriatthiam zawk tur a ni. Chhut thiam lo inih chuan chhut ve duh lo mai la, he sakawlh numberin a nghawng chhuah lian ber tur, ‘lei leh hralh ve theih loh’ atang hian sakawlh chhinchhiahna chu hriat fiah tum zawk ang che. “A.. khawnge, ka’n chhut ve hrim hrim ang e, ka thiam ka ring tlat..’ I ti a ni chuan tuman an khap lo che a, mahse chhut dik a har turzia I hriat hmasak phawt nan he link a sakawlh number chhutna chungchang hi I lo chhiar ve hrim hrim ang a, chumi zawhah uluk tawkin I chhut mai dawn nia.
Posted on: Sat, 24 Jan 2015 00:49:48 +0000
Trending Topics
Recently Viewed Topics
© 2015