MEMEY! Hidup ni kalu demo ado pitih, memey demo boleh beli belako hok terlintas di hati, Memey demo boleh beli jam rolex hargo puluh ribu dok payoh guno bateri tapi guno nadi, tapi demo dokleh nok beli maso undur balik gapo hok sudoh terjadi, Memey demo boleh beli katil kayu jati ado kelambu tilam spring 10inci, tapi demo dokleh beli tidur lena tiap hari mimpi sang bidadari, Memey demo boleh beli buku so lori kalu boleh nok borong teruh kedai buku dengey cashier hok comey sekali, tapi demo dokleh nok beli ilmu buat bekal diri sediri, Memey demo boleh beli pangkat dan jawatan kalu ado kabel janji hulur duit kopi, tapi demo dokleh beli perasaan hormat ore lain walaupun demo pangkat tinggi, Memey demo boleh beli ubat hok paling mahal sekali sebutir hargo samo mahal kereto Myvi, tapi demo dokleh beli nyawo kekal abadi, sebab sifat tu hanya untuk Dia Yang Maha Kekal Al-Baqi Pah bakpo demo jadi lagu ni? Ambo ni pun bukey sempurna cuma peduli, kalu demo gini mungkin ambo berat lagi, tapi sapa maso kito semuo akan pergi, jangan sapa ketiko Izroil mari, kito jawab jangan lagi sebab dok ready!
Posted on: Sun, 26 Jan 2014 18:38:13 +0000
Trending Topics
Recently Viewed Topics
© 2015