MIRETHEI TAMBERNA INDIA. Economy-ah nasa taka ṭhangin, GDP len lamah pawh pathumna lai India hi ni mah se, khawvela mi rethei kawl hnem ber chu India hi a ni. India bakah China, Nigeria, Bangladesh leh Democratic Republic of Congo te hi mi rethei tamna a ni a, heng rama mi rethei awm zawng zawng hi khawvela mi rethei zawng zawng hmun thuma ṭhen hmun hnih lai an tling. Millennium Development Goals Report 2014-a a landanin India hi khawvela mi rethei nei hnem ber ram a ni. Khawvela mi rethei awm zawng zawng zaa 32.9 lai India-ah hian an awm. Kum 2010 khan khawvela mi rethei hmun thuma ṭhen hmun khat chu India-a cheng an ni. Misery Index-ah thung chuan India hi 21-na a ni. China hi ṭhang nasain, ralthuam lamah US el pha ni deuh thuak tawh mah se, mihring an tam hrim hrim a, mi rethei pawh an la tam. Khawvel mi rethei zawng zawng zaa 13 chu China-a chêng an ni. Africa-a mihring tamna ber Nigeria hi mi rethei tamna hmun a ni. Mi rethei kawl hnemah pathumna a ni a, khawvel mi rethei zaa 9 lai an kawl a, palina chu kan ṭhenawm Bangladesh niin, mi rethei zaa 5 an kawl. Africa-a mi tho Democratic Republic of Congo hi panganaah langin, khawvel mi rethei zaa 5 lai an kawl bawk.
Posted on: Mon, 28 Jul 2014 02:17:51 +0000
Trending Topics
Recently Viewed Topics
© 2015