MISSIONARY DAY VAWI 121-NA PUALIN Thupui: Chanchin țha chu ka zahpui si lo va. (Rom 1:16) Krista Pasalțhate u, Vawiin hi in tån ni țha leh duhawm, ni ropui tak chu a ni. Ni e, hmànah, kum 121 zet liam ta, vawiin ni angah khan mingo vål pahnih, Rev. JH. Lorrain (Pu Buanga) & Rev. FW. Savidge (Sapupa) te chuan he kan Zoram leilung hi an rawn rap a. Mizotena kan la hmélhriat ngai loh, sakhaw thar Kristian sakhua chi chu rawn tuhin A tirhatu Pathian vángin a lo țiak zêl a, tichuan, nang leh kei hian chhandamna mak tak kan lo nei ta anih hi. Aw le, khäng kan missionary-te 2, Krista rawngbáwlna kawnga an taimákna, thawhrimna, tawrhchhelna, tumruhna te hre rengin vawiina Krista hminga missionary hna thawk zawng zawngten kan thawhna hmuh țheuhvah thlahdah lova țhahnem ngai taka Lalpa rawngbawl hna hi thawk túrin ka chah che u a ni. Missionary-te ráwngbawlna avángin krista hmél la hre ngai loten an hre dåwn asin. Vawiinah hian thlarau bo pakhat tal i chhanchhuak thei dåwn em? MISSIONARY DAY CHIBAI U LE.
Posted on: Sun, 11 Jan 2015 02:22:04 +0000
Trending Topics
Recently Viewed Topics
© 2015