MIZO TAWNG HI YMA Information centre aţang chuan,Vawiinah .... gas agency hnen aţanga gas la ţhin zawng zawngte zing dar 10 ah kalkhawm tur a ni a, consumer no. hriat vek tur a ni etc, tiin an puang a. Pitar kum 75 vel mi chuan,Enge consumer no pawh ka hre lo, a lo ti niah niah a. Consumer awmziate kan inhrilhfiah hnu chuan ngaihngam takin a awm thei ta a. A ni tak a, kum upa lam an hun laia ABC zir ve lo tan chuan ţhangtharte khawvel hi a changkang tawh lutuk a, hriatthiam a har ta a ni. Mizo ţawng ang maia kan sengluh tawh zozaite hi anni tan chuan ţawng hriat loh a ni a, mawl tia dem ngawt chi an ni lo. An khawvel leh kan khawvel chu chhim leh hmar ang maiin a inhlat tial tial a, kan nundan rawn ţawmpuia. kan khawvela rawn zuanluh tum chu thla nei loa vana lawn tum ang maia harsa a ni ang. Thihna hi kan tawh ţheuh tura ruat lo ni lo phei sela chuan Ţhasiama ang maia ţhangthar nun ning tur hlir mai kan lo ni. Mizo hnam tlemte, ar chil zat lek, chim ral mai hlauhthawnawm tawh hian kan pianpui ţawng, khawvel hnam ţawng zinga a ral mai hlauhthawnawm zing ami hi kan zahpui tur a ni lul lo e. Sap ţawng kan zir a, a van ţha tehlul em! Khawvel pawh kan fangchhuak thei ta. Amaherawhchu Mizo ţawng thiam loh hi changkanna emaw ti tlat kan pung tual2 mai anih hi, hei erawh hi chuan hnam ral tur zia a kai tlat. Mizo ţawng humhalh a ţulzia leh mahni hnam ţawng chawisan a ţulzia kan hriat tak2 hma chuan khawvel hriatah kan dingchhuak tak2 thei hian ka ring lo e..Hetiang zela kan kal chuan kan tu leh fate khawvelah hian hnam zia a lang tlem telh2 ang a, khawvel hian Mizo hnam an lo awm ve a ni tih pawh an hriat loh hun a lo thleng palh hlauh dah ange.
Posted on: Tue, 30 Dec 2014 14:19:08 +0000
Trending Topics
Recently Viewed Topics
© 2015