MORNING REPORT : 17.02.2014 THAWHTANNI (Zonet Zing Daifim 7:30 a.m.) Police Report : Tukin hian kan biak thin pangngai Police Station 12 leh Out Post 1 te chu kan be kim thei a.Kan hriat theih chinah nizan lamah thil thleng duhawmlo sawi tham a awm lova, Lock Up ruak erawh 2 chiah a awm thung a. Lock Up ruak tlem zan tak a ni. Nizan chu Kulikawn Police Station ten tang mipa 5 leh hmeichhia 1 neiin an ngah ber a, mipate hi zuruih vanga man an nih laiin hmeichhe awmchhun hi rukruk chungchanga man a ni thung. Bawngkawn PS ah tang mipa 4 leh hmeichhia 1 kawlin, mipate hi khawm case a man an ni a. Hmeichhe awmchhun hi nimin lam khan in pakhatah a leng a, a purse tibo nia insawiin a lennate hi a ringhlel a, annin engmah an hriat loh thu an sawi thung a. A hnuah a lenna te gas hi a alh ta hluah mai a, pawi a khawih thui hman hmain an timit thei hram a. An ina leng a pawisa tibo nia insawi thiltih hi a ni thei ang em, tiin rinhlelh thua man a ni. Aizawl Police Station ah khawm case a man tang mipa 4 an nei a. Mamit PS ah dawr rawk chungchanga man tang mipa 2 neiin, tukin hian Aizawl lamah lak an ni. Kolasib PS ah khawm case a man mipa 2 kawlin Champhai PS ah rukrua rinhlelh man mipa 1, Saiha PS leh Lunglei PS ah zurui buaina siam mipa 1 ve ve, Zonuam Out Post ah family case a tantir mipa 1 te an kawl a ni. Traffic Report : Inrinni a Aizawl khawpui chhunga Traffic Rules bawhchhia man zat : Two Wheeler 7, LMV 3, Taxi 9, HMV 4, Bus 1, fine tlingkhawm Rs. 4,300/- Hospital Report : Nimin tlai dar 5 atanga tukin dar 7 thleng khan Aizawl Civil Hospital Casualty ah emergency case 50 vel an nei a; mitthi 1 a awm a. Nizana Civil Hospital Casualty pantu zingah hian naupang kawthalo luak leh puitling pumna an tam deuh ber a. Zurui medical 2 an awm a, khum ruak a awm lo. Tukin hian Emergency & Labour Room kan be thei lo. Synod Hospital Durtlang ah nizan khan emergency case 13 neiin heng zinga 7 chu admit an ni a; mitthi an nei lova. Nizana Synod Hospital pantu zingah hian naupangah Awmna leh puitlingah pumna an tam a. ICU ah na zual enkawl 3 awmin ward hrang hrangah khum ruak pahnih khat lek lek bak an nei lo. Lawmna Ward ah nau piang 3 awmin mipa 1 leh hmeichhia 2 an ni a, vawiina nei tur 8 an awm bawk. Greenwood Hospital ah mitthi 1 neiin khum an full a. Aizawl Hospital Mission Veng ah mitthi 1 neiin Cabin an full a. BN Hospital ah nau piang 1 neiin Cabin an full bawk. New Life Hospital ah te, .Alpha Hospital leh Care Hospital ah te khum an full a. Bethesda Hospital ah te, Nazareth Hospital Ramhlun North ah te, Grace Nursing Home ah te, Adventist Hospital ah te Cabin an full a. Lunglei Civil Hospital ah nizan khan emergency case 20 neiin nau piang 4 an awm a, khum an full a ni. Power : SLDC atanga thu kan dawn danin, nimin chhun dar 12 a phai lam atanga power kan hmuh tlem lai berin 51 MW kan hmu a, kan hmuh tam lai ber nimin tlai dar 6 khan 65.5 MW kan hmu a, Local a siam chhuah 7.5 MW nen kan kan hman zawng zawng 73 MW a ni. Nizan dar 9:17 khan PGCI line a trip a, dar 9:31 ah eng pek theihna chinah chuan eng an pe kim a, tukin hian load shedding siam a ni thung. Line chhia report erawh a awm lo.
Posted on: Mon, 17 Feb 2014 04:08:01 +0000
Trending Topics
Recently Viewed Topics
© 2015