MPL 3 : Bethlehem Vengthlang FC leh Reitlang FC inhnehtawk Samsung 3:16 Plan Solution Mizoram Premier League Round 11-ah Bethlehem vengthlang FC leh Reitlang FC te chu 1-1 in an inhnehtawk. Table-ah danglam a awm lova, Bethlehem Vengthlang FC chu 6-na niin, Reitlang FC chu 7-na an nih chhunzawm zel a ni. Reitlang FC hian goal khung hmasain, first half 32nd mins-ah Zawmtea chuan mawi em emin 25 yards atangin goal ropui a khung a. Second half 64th mins-ah set piece atangin Zosangliana chuan Bethlehem Vengthlang si phurh a rul. Hun tawp dawn minute 5 la awmin Bethlehem Vengthlang FC player Zaithana chu yellow card pahnihna a chawi avangin hnawhchhuah a ni a, goal ropui khungtu Lalzawmliana (Reitlang FC) chu man of the match-a thlan a ni. Bethlehem Vengthlang FC 1-1 Reitlang FC (Zosangliana 64) (Lalzawmliana 32) Red Card : Zaithana 85 (BVT) Bethlehem Vengthlang FC : Lalmuansanga, Vanlalruata, Laldinsanga, Lalrammawia, Lalmuanawma, Zaithanmawia, Zosangliana Sailo, F Liandala Sena, H Lalchhanchhuaha, Malsawmdawnga, T Lalnunpuia. subs : Liansangpuia, Laldinliana, Abraham Lalrinngheta, Remruatpuia, Lalchhantluanga, Lalruatpuia, Chhanrinpianga, Lalmawizuala, Zothanmawia. Reitlang FC : Lalrintluanga, Rosangzuala, John Malsawmtluanga, David Lalthlamuana, Patrick, Jesse Laldinpuia, Lalzawmliana, Lalhriatpuia, H Lalnunzira, Cho, Abraham. subs : Ignatius Lalvenhima, HC Ricky, James Lalhmingsanga, R Malsawmdawngliana, S Muanthanga, Hirok Saha, Robert Lalhruaitluanga, Henry Lalthlanthlanga, Alona Malsawmtluanga. Chhiat tawh vangin Reitlang FC coach Lalrinsanga chuan team a ho thei lova, inkhelh tir lamah Reitlang FC an tal buai det. Minute 10 pawh an khelh tlin hmain defender te tihsual vangin Reitlang FC hian si an phur teuh hle. Bethlehem Vengthlang FC-in bul an tan tha hle a. Goal hlauhawm pawh an nei nual. Reitlang FC an insiam tha a, game awmze nei an khel chho. Darkar chanve an khelh tlin hmain Mazira ball pek tha zet chu Abraham chuan hnai set sawt atangin a pet over a, 32nd mins-ah Lalzawmliana chuan Reitlang FC tan goal ropui a khung. 40 yards vel atangin ball chak takin a tlanpui a, 25 yards vel atangin mawi takin a pet goal ta a ni. He goal luh hnu hian Reitlang FC chuan Abraham hmangin goal dang an khung leh teuh khawp a. Abraham hian free ball tlanpuiin, keeper chiah a hmachhawn tawh tihin a pet goal ta lo a ni. First half-ah hian Bethlehem Vengthlang FC chuan penalty hlawhchhuah ngei an inbeisei ang. Chhaia chuan first half tawp dawn minute 2 lek awm tihin box chhungah ball a tlan pui a, hei hi defender ten an lo titlu a, mahse referee chuan penalty a ham lo a ni. Second half-ah Bethlehem Vengthlang FC an rawn tang hle a, Bawihpuia chuan goal hlauhawm a rawn nei nghal vat a. Mahse Patrick-a a form laklawh tawh a, Bawihpuia shot tha zet hi a lo dang per hman hlauh mai. Hei hi tlang ngat selang chuan a goal ngei rin a ni. Hemi hnu chiah 64th mins-ah Bethlehem Vengthlang chuan an duh an hlawhchhuak ta nge nge. 35 yards vel atanga Chhanrinpianga free kick pet tha zet chu Reitlang FC keeper Lalrintluanga chuan man mai ta lo chuan a hmaah a beng thla a, hemi second ball a neih hi Zosangliana chuan nangchingin... read more : inkhel/index.php/football/mizoram-premier-league/item/8949-mpl-3-bethlehem-vengthlang-fc-leh-reitlang-fc-inhnehtawk
Posted on: Thu, 13 Nov 2014 17:33:01 +0000
Trending Topics
Recently Viewed Topics
© 2015