Manga makabahtal ha agama islam بسم الله الرحمن الرحيم بدأ المؤلف رحمه الله تعالى بالسملة بخمسة أمور : 1 . اقتداء بالكتاب العزيز 2 . اقتداء بالنبي و الأنبياء و الرسل عليهم الصلاة والسلام 3 . اقتداء بعلماء السلف رحمه الله تعالى 4 . تيمنا و تبركا بالبداءة بالبسملة 5 . استئناسا بالحديث و إن كان ضعيفا Tiyagnaan sin imam Mohammad ibn Abdulwahab kiya ulungan siya sin tuhan in kitab ini sin bismillah ha sabab sin lima parakalah : 1. Pag-upi ha qur’an mahamulliya karnah in qur’an mahamulliya in panagnaan ayat kakitaan mu amuna in bismillah Ar-rahman Ar-rahim . 2. Pag-upi ha nabiy Muhammad iban kanabiyhan sartah manga karasulan salawat iban salam kanila sin tuhan , biyahna sin sulat piyara sin nabiy salawat iban salam kaniya kan hiraqal nakurah sin rum tiyagnaan niya sin bismillah Ar-rahman Ar-rahim , damikyan niya sulat piyara sin nabiy sulayman salawat iban salam kaniya sin tuhan tiyagnaan niya raisab sin Ar-rahman Ar-rahim biyah na sin nabangkil halaum sin qur’an mahamulliya . 3. Pag-upi ha kaulamaan sin salaf kiya ulungan sila sin tuhan . 4. Hasupaya dumawhat sin barakat daying ha Allahu ta’ala . 5. Nasabbut ha hadith daif in katan ammal ibadat dih katagnaan sin bismillah kulang in barakat niya . اعْلَمْ أن نواقض الإسلام عشرة نواقض In kalimat IHLAM ( ingat kaw ) in maksud • Pag-pahati sin parakalah sabbutun kaymu parakalah landuh in halgah . • Pag-upi ha kallam sin Allahu ta’ala • Pag-upi ha nabiy salawat iban salam kaniya . • Pag-upi ha manga ulama sin manga salaf ( sahabat iban sin ta’biin dana in ulama miyagad kanila ) . Laung sin nagbaktul sin kitab ( Sabunnal tuud in makabahtal sin agama islam hangpuh in taud niya ) . Pangasubu duun hawni unu in makabahtal sin islam hangpuh da in taud niya atawa ? In jawab niya : bukun hangpuh sadya sagawah in salagguh-lagguh amuna in hangpuh yan . Karnah in addat sin Alim nagbaktul sin kitab magsabbut siya taud hasupaya mahapal sin murid , in yan pag-upi niya ha hadith sin nabiy salawat iban slaam kaniya biyah na sin ha sabda niya : [ anib kamu daing pitu dusa dakula pagshirik..) sambil pa hinapusan sin hadith.. الأول : الشرك في عبادة الله ، قال الله تعالى : ( إن الله لا يغفر أن يشرك به ويغفر ما دون ذلك لمن يشاء ) . Panagnaan makaba’tal 1. Pagsakutu ha pag ibadat pa Allahutaala in maksud dun hayni amuna in pagshirik dakula karna in shirik dakula apabila iyabutan sin kamatay in tag hinangan kaniya sarta’ y ruun siya nakapagtawbat di’ siya ampunun sin Allahutaala ha parman sin Allahutaala (sabunnal in Allahutaala di niya ampunun in dusa Shirik dakula sagawa mangampun siya ha dusa dakula iban asibi) ha hisiyu siyu na in ampunun niya. Adapun bang siya nag tawbat ha waktu ampunun in pag tawbat misan pa siya nagshirik dakula ampunun da siya sin Allahutaala karna awn waktu di’ na ampunun in pagtawbat sin manusiya hika isa apabila sumubang na in suga dain ha sadlupan in hikaruwa apabila in niyawalihan niya ha gunggungan na . Adapun in shirik asibi na tuw in lapal kabtangan sin mga Ulama . Hikaisa niya bang siya miyatay halawm shirik asibi siksaun naa siya diin diin na in taud sin Shirik niya asibi ubus ampa siya pasurun pa laum sulga Hikaruwa niya in hukuman niya biya’ sin dusa dakula hatiniya bang magkabayaan in Allahutaala siksaun siya atawa isab ampunun siya Hikatuw niya bang in pagshirik niya asibi mataud palabayun naa siya siksa ubus ampa siya pasurun pa lawm sin surga adapun bang in kiyaawunan sin Shirik niya asibi tiyu-tiyu da allahutaala in magbaya baya’ duun naka siksaun siya atawa isab ampunun siya karna in manusiya nkapagshirik asibi di siya tumaptap ha lawm sin narka. وقال تعالى : ( إن من يشرك بالله فقد حرم الله عليه الجنة ومأواه النار وما للظالمين من أنصار ) Parman pa sin Allahutaala hisiyu siyu in nagshirik pa allahutaala sabunnal tuud hiyaram na kaniya sin allahutaala in pasurun siya palawm surge sarta’ in paghulaan niya narka iban way ruun na makatabang ha mga magshishirik ha adlaw qiyamat ومنه الذبح لغير الله كمن يذبح للجن أو للقبر. Daing ha mga tibayhuan sin pagshirik dakula amuna magsumbayi’ kaw pa mga kakubulan atawa pa tampat atawa pa jin karna paglaggui kanila iban paglasa in kakahinang yan mabilang siya shirik dakula sarta’ in taghinangan kaniya bang in kaawunan niya muslim naba’tal niya in agama islam In sheikh mohammad adbulwahhab way ruun niya na siyabbut hambuuk hambuuk in ginisan tibayhuan sin kakahinang sagawa siyabbutan niya sadja kita hambuuk upamahan. الثاني: من جعل بينه وبين الله وسائط يدعوهم ويسألهم الشفاعة كفر إجماعا . Hikaruwa makaba’tal sin agama islam : hisiyu siyu in maghinang suluhan ha antara niya iban ha antara sin Allahutaala amuin pagpangayuan niya duwaa iban pagpangayuan Shapaat iban pagtawakkalan sin sila na in yan shirik dakula hikaguwa sin hambuuk muslim dain ha daira sin agama islam ha piyagtayakkupan sin kaulamaan . karna in mga kafir ha masa sin nabi (SAW) bihayan in hantang sin pag ibadat nila sabab in sila nanghinunggali sila pa tuhan duun ha tawhid arrububiyya sabab in sila piyaparatsaya nila sin sabunnal tuud tuput allahutaala in nagpapanjari sin pitung lapis langit iban pitung lapis lupa damikyan niya kiyaiingatan sin sila in mga barhala siyusumba nila iban pagpangayuan nila duwaa di makarihil ridjiki di’ makagaus mag amulahi labi awla na tuud di makamumpaat iban mudarat. Sagawa hangkan nila siyumba iban pagpangayuan hinang nila sadja suluhan hasupaya sila makasuuk pa tuhan dain ha sabab yan hisyu siyu in nang hinunggali ha tawhid rububiya sadja sarta way ruun siya nanghinunggali ha tawhid alhuluhiyya na’ in pag tawhid niya yan nag atap iban nag sibu iban panawhid sin mga kafir ha masa sin Nabi Moh. (SAW) karna’ hangkan nakapagkalu iban jimatu in pag kuntara ha antara sin Nabi sallahu alayhi wasallam iban mga kafir ha masa niya duun ha tawhid uluhiyya dain ha sabab yan laung sin mga kafir sumba kaw ha tuhan namu sarta magad kami isab sumumba ha tuhan mu قال الله تعالى : ( وَلَا أَنْتُمْ عَابِدُونَ مَا أَعْبُدُ (3) وَلَا أَنَا عَابِدٌ مَا عَبَدْتُمْ (4) ) Na nagfarman in Allahutaala (pamungan ya nabi Moh. Pa mga kafir di’ aku magtag ipun iban sumumba pa tuhan siyumba niyu sarta’ ayaw na kamu sumumba pa tuhan siyumba ku ) in maksud sin ayat sabunnal tuud in mga kafir ha masa sin nabi s.a.w. in pagshirik nila duun ha tawhid al uluhiyya bukun ha tawhid ar-rabubiyya Pangasubu unu manjari miki sapaat pa manusiya? In jawab : jarihun siya bang maagad in upat (4) sharat 1. Subay in kiyaawun sin pangayuan mu sapaat tao buhi bi ma’na in tao patay di manjari pangayuan 2. Subay siya hadir 3. Subay niya kagausan dihilun in pangayuun mu adapun bang in pangayuun mu di’ niya kagausan hirihil, biya’ na sin (laung mu pakiyamata naba in hula atawa kan paulana na in hula) na in ini di’ siya manjari pangayuun sabab sin di niya kagausan 4. Subay siya mag I’tiqad in yaun sabab sadja bukun yaun amin nagdihil . الشفاعة لغة : من الضم ، جعل الواحد اثنان In Shafaat ha bahasa arab in mahman niya daying ha pag-hambuuk in hambuuk hinangun duwa شرعا : التوسط لغير في جلب نفع أو دفع ضر Adapun bang siya ha sarah sin agama in mahna niya mag-hinang kaw suluhan ha karnah dumawhat sin mumpaat sartah hasupaya pahgangan in mudarat . الشفاعة تنقسم إلى قسمين : 1. الشفاعة المثبة 2. الشفاعة المنفية Shafaat nabahagi siya pa duwa : 1. SHAFAAT MUTHBITA amuin sapaat biyunnal sin Allahu ta’ala . 2. SHAFAAT MANFIYYA amuin sapaat piyayluhan sin sarah iban biyahtal sin Allahu ta’ala . Adapun in SHAFAAT MANFIYYA amuyan in maksud sin imam Muhammad ibn Abdilwahab kiya ulungan siya sin Allahu ta’ala karnah dain ha jinisan sin sirik dakulah . Sabab in SHAFAAT MANFIYYA amuna in sapaat pangayuun pa dugaing dain ha Allahu ta’ala ha wayruun makagaus kaniya malayingkan Allahu ta’ala . الشفاعة المثبة : الشفاعة التي أثبت اهAl لنفسه و تطلب من اهi ، و تطلب من اه بثلاثة شروط : 1. الإذن بالشفاعة 2. و الرضا عن الشافع 3. و الرضا عن االمشفوع له . SHAFAAT MUTHBITA amuna in sapaat biyunnal sin Allahu ta’ala sartah pangayuun siya pa Allahu ta’ala , mapangayuh siya pa Allah duun ha tu sarat 1. Ijin atawa panugut dain ha Allahu ta’ala . 2. Ridah sin tuhan ha manusiya sumapaat . 3. Ridah sin tuhan ha manusiya sapaatun . Hiyambuuk in manga sarat yan duun ha ayat parman sin Allahu ta’ala : [ in sabarang malaikat ha pitunglapis langit dih makamumpaat in sapaat nila malayingkan subay puwas daying ha panugut sin Allah hasiyu-siyu in pasapaatun niya sartah labay daying ha ridah niya ] Minsan pa in panghuh nabiy Muhammad salawat iban salam kaniya dih da makasapaat malaying subay mag-ijin in Allahu ta’ala . الشفاعة المثبة تنقسم إلى قسمين : 1. الشفاعة خاصة بالنبي عليه الصلاة والسلام لا يشاركه أحد . و هي ثلاثة : • الشفاعة العظمى في أهل الموقف أن الله يقضي بين الخلائق . • شفاعته لعمه أبي طالب أن يخفف عنه العذاب . • الشفاعة في فتح أبواب الجنة . In SHAFAAT MUTHBITA nabahagh siya pa duwa : 1. ASH-SHAFAAT KHASSA [ Tartantu ha nabiy Muhammad sadya wayruun makalamud kaniya , ] in sapaat yan tu • Sapaat ha manga manusiya ha parang mahshar , wa waktu hukuman sin tuhan in sabarang piyapanjari . • Sapaat niya ha amaun niya hi Abu talib papahilang in siksah kaniya , lagi in hinapusan siksah hirihil kaniya magbukal in umbun umbunan niya sin pasuh sin narkah . • Sapaat hasupaya papaukaban in kalawang-lawangan sin surgah . 2. الشفاعة عامة • الشفاعة في رفع الدرجات كالصلاة على الجنازة كما قال النبي صلى الله عليه وسلم : ( اللهم اغفر لأبي سلمة و ارفع درجته في المهديين ) • الشفاعة فيمن دخل النار من الموحدين أن يخرجوا منها • الشفاعة فيمن استحق دخول النار من الموحدين أن لت يدخلها 3. ASH-SHAFAAT AMMAH [ sapaat pa katan wayruun nagsirik ] nabiy Muhammad dana in katan kanabiyhan iban karasulan , damikyan niya sapaat sib manga malaikat , iban manga salihin , iban sapaat sin manga parrang sabil , damikyan niya sapaat sin manga batah-batah . Sartah in sapaat AMMAH ya tu siya • Sapaat hasupaya hipagpataas sin darajat biyah na sin sambahayang janaza ( mayat ) sabda sin nabiy Muhammad salawat iban salam kaniya sin tuhan { ya Allah ampuna hi abu salam sartah taasa in darajat niya halaum sin surgah } . • Sapaat ha manga ha wayruun nagsirik sagawah nakasud sila palaum narkah sabab sin dusa nila , nah! Sapaatun sila hasupaya makaguwah sila daying ha narkah . • Sapaat ha manga ha wayruun nagsirik amuin makasud narkah , sapaatun sila hasupaya sila dih makasud palaum niya .
Posted on: Fri, 05 Jul 2013 14:19:34 +0000
Trending Topics
Recently Viewed Topics
© 2015