Momo retourne lacaz ene après midi. A so gran surprise li trouve so Momo junior ek Nini junior en pyjama dan lacour p zouer dan la boue. Zouzou partout otour lacaz. Bane zenfant completement laisser a labandon. Banne crotte de zot toutou medor partout partout dan lacour ek feuilles in faner partout. Momo commence gagne tracas. So fam Nini comment dir pa lacaz ou sinon capav li malade voire pire…a toute hate li galouper li al ouver la porte. Li trouve Medor dan la cuisine p fouille dan poubelle, ek lichien la in fane so poil partout dan lacaz. Non seulment sa lor miraille banne zenfant in fer bane trace ek zot lamain. Medor in pipi partout partout eke ena mem ene zoli crotte lor tapis dans salon. Momo commence paniquer, li rode Nini partout en bas. Pas trouve li. Kan li p monter a l’etage dans so la chambre a coucher, li trouve zouzou in faner partout. Linz lor sak marche lescalier. So chemise preferer en miettes... Li manquer tomber tout. Arrive la haut, a so gran surprise, li trouve Nini dan lili encore en pyjama p lire ene livre. Momo fou de rage, ‘Nini ki sa couyonnade la sa ?… tone trouve tout sa desorde la en bas. Kine arriver la’ Nini ‘Non mo pane dessane.’ Momo : ‘Be kifer, bane zenfan p zoue dan la boue en bas’ Nini : ‘Tan moi bien mo cher couyon de mari Momo. Hier tone coz gras ar moi ek to ti dire moi ki mo foute ene zournee dan sa lacaz la pu ki to manzer pas prêt kan to retourne lacaz. Non ? B saki mo abitier foute la, mo pane fer li… alle debrouille to g…. aster. #kam
Posted on: Tue, 24 Sep 2013 05:40:56 +0000
Trending Topics
Recently Viewed Topics
© 2015