NGAIHTUAH A NGAI E.. Mahni vei zawng zawng chhimthal bengkang puah pui ve leh phawng phawng mai teh ang. Thingsai tlangval pahnih tuiah an chesual a, an ruang zawn mek an nih thu in min deng leh ta! A pawi thin teh e. Kumin chhung hian tuitla thawm hriat tur a awm reng mai a, kum dang aia ruah tui a tam deuh vangin luite tui leh lui lian deuh pawh a khauh deuh an ni ang e. Chutih laia ka vei ve em em mai chu kan thalaite hian tuihleuh kan thiam lo hi a ni. A bik takin Aizawl leh khawpui dang a chengte hian tuihleuh han zirna tur hmun hi kan nei hauh lo a. Kan naupan zual deuh lai chuan tuna Tennis Court-ah sawn Bawrhsap tuikhuah a awm a, chutah chuan naupang tam tak chuan tuichen an thiam phah a. Aizawl hmar lamin Chite luiah tuichen an zir bawk a. Tunah erawh heng ka sawi tak hmun te hi chu khawlai an chang a ni ta si a. Engtin nge kan thalaite hian tuihleuh an zir tak ang le. Hmanni lawkah Reiek kaiah tlangval duhawm em em mai a chesual a, tun thlengin a ruang hmuh loh in a la awm a. Khami ni te khan vaukama awm thalai tam tak zingah khan tuihleuh thiam tak lo awm ta se, nunna chhan theih a ni ang em tiin ka ngaihtuah fo mai. Tlangval huaisen Bsa Sailo in pekna leh huaisenna avangin nunna pakhat chhanhim in a awm a, a lawmawm takzet a ni. Ka rilrua ka vei lian ber mai chu, engtinnge khawpui thalaite hian tuihleuh an thiam ang, tih hi a ni a. Sport ang zawng pawh a hmalakna chi niin a lang a. Indoor Stadium tha tak nei ta ila, tuichen zir duh thalai tam tak an awm ngei hian ka ring a, chuvangin heti lamah hian hmalak dan hria te khan hma han la teh u.... Pute Jk Pachuau Muansanga Nunsangpa Van Neih Tluanga Mina Zoliani Kawnga Chalthleng Hualngo Dina Tlau Pathara Sailo Vanneihthanga Vanchhawng Isaac Hnamte
Posted on: Sun, 06 Oct 2013 18:06:35 +0000
Trending Topics
Recently Viewed Topics
© 2015