November 21, 2014 Pathian in Disabled tele talent chuamchiat pia ahi ziakin kingaisiatlo ding ahi: Lunminthang Haokip Lamka, Nov. 19: People Advance in Social Service guanggalna’n tusun dak 12:00 in DDRC Centre, New Lamka ah distribution camp a um a, zia hun achun Deputy Commissioner, Churachandpur Lunminthang Haokip, IAS khuallian ah pang in Hearing Aid piakdawna a nei hi. Zia hun ah khuallian in a thugenna achun disabled person tele Pathian in amau bawlthei ding thiamna (talent) chuam chiat pia ahi dan a gen a, zia ziak achun kingaise mailo ding in tilkhona thu a gen hi. Chun, December 3, 2014 leh NGO chuamchuam te leh district administration pangkhawm ah ah district level World Disability Day mat hiding in a gen hi. Chun, khawpi sung leh I gam dinmun a genna achun mithak chuamchuam kibelap zing ahi ziakin veng chuamchuam ah hausa vaihawm (authority) te’n amau huapsung chiat ah road direction kituptak a bawldaw uh a dawi thule agen hi. Distribution camp achun mun chuamchuam apat bengngong (deaf) mi 144 te kiang in Hearing Aid piakdaw in a um a, zia chu DDRC, ALIMCO leh ONGC pangkhawm ah a piak uh ahi. DC mapuina Quami Ekta week mang Lamka, Nov. 19: Deputy Commissioner, Churachandpur mapuina’n tusun dak 12:00 in Staff zosia toh BRGF hall ah Quami Ekta week matna a nei ua, zia hun achun DC in thugenna saulou nei nung in secularism, anti communalism leh non – violence toh kisai ah National integration pledge(kichiamna) a nei ui. Zia chun “I solemnly pledge to work with dedication to preserved and strengthen the freedom and integrity of the nation” leh I further affirmed that I shall never resort to endeavour towards settlement of differences and disputes relating to region, language, region or other political or economic grievances by peaceful and constitutional means” ti a genkhawm nungun suai a kai chiat ua, zia chu Home department ah a piaklut ding uh hi’n a kigen hi. Churachandpur district apat Cultural Troupe 7 pang ah November 25 leh Sangai Festival ah hun mang ding Lamka, Nov. 19: Manipur Government guangalna nuai ah Sangai Festival chu tuni’n Hapta Kangjeibung ah a kipan a, zia chu ni 10 sung hiding ahi. Zia festival sung ah November 25 chu Churachandpur district te a ding ah guat ahi dungzui in tunitak dak 2:00 in Deputy Commissioner, Churachandpur Lunminthang Haokip, IAS mapuina SDO te banah Sangai Festival ah kuan ding community chuamchuam te’n meeting anei ua, zia hun achun Churachandpur Day ah kimat dingdan leh ki singsak ding dan a genkhawm ui. Sangai Festival ah Churachandpur te hun matni phat leh Deputy Commissioner in vaidawn thugenna nei ding ahia, Health Minister Phungzathang Tonsing in district thasang ah thugenna nei ding ahia, HAC Chairman Chaltonlien Amo in kipakthu genna nei ding ahi. Zia festival ah Churachandpur district apat activities nei dingte chu Kom Cultural Dance & Research centre, Khoirengtak, Hmar Youth Association CCPur, Young Mizo Association- Lamka branch, Thadou Kuki Cultural Troupe, Musical Band/Artist, Zomi Cultural Society leh Zou Sangnaupang Pawl te hiding ahiu a, amau chun cultural dance leh traditional show nei ding ahiu. Chun, Jeneth L. Varte, Muan Hangzo leh Benny Khongsai leh ICI Central choir te chu guest artist ah pang ding ahiu a, zia tawh kitawn achun November 22, 2014 sun dak 12:00 leh YPA Ghq Hall, Hiangtam Lamka ah rehearsal um ding ahia, November 25, 2014 zingkal dak 11:00 leh Public Ground ah kipandawk ding ahiu. Lamka public ground ah tha khat sung Mela um ding Lamka, Nov. 19: Zomi Youth Association, Lamka Block leh Meni Ananda Mela pangkhawm ah November 25 December 25, 2014 kikal Lamka Public Ground ah Winter Peace Mela um ding ahia, zia tawh kitawn achun tuzingkal dak 11:00 in Mini truck khat leh truck 6 in mela hun ah vam chuamchuam mat ding pawkham in nasep a pan ngal ui. Bike accident ah mi 2 liam Lamka, Nov. 19: Tedim Road, Hmar Veng ah Oil pump kiang ah tuzingkal dak 11:45 vel in gari accident a um a, zia chun mi 2 in liamna a tuak ui. Liamna tuakte chu N. Biakmuan (36) s/o N. Tualzalang of Chimtungveng leh L. Mangkhanlal (34) s/o Chinsuanthang of Bungmual ahiu a, amau chu Tuibuong ah Gas Cylinder thak ah chia a kilekit lam ua gair neu khat lampi kan ding gua chu a phutkhak uh ahia, N Biakmuan chu a changlam keng bom a tan a, doctor te’n emergency operation a bawl ngal ui. Chun, Mangkhanlal chu a veilam malgu bong hi’nle a kigen hi. Awareness program on Women Empowerment nei ding Autonomous District Council Churachandpur nuai ah devolution of power toh kisai November 22 zingkal dak 10:30 leh District Council hall, Tuibuang ah Awareness program on Women Empowerment training um ding ahia, zia chu Langkhanpau Guite, Chairman, ADCC in honna nei ding ahi. Zia hun ah resource persons dingte chu Umarani Devi, DSWO/CCPur in Role of Women in the society ti zilsak ding ahia, Lalnunnem Faiheng, Programmed Co-ordinator, RWUS in Role of women in NGO ti zilsak ding ahia, Hoi Betty, Headmistress, VK Tawna High in Education and Women toh kisai zilsak ding ahia, Grace Zamnu, MDC, ADCC in Crime against women ti zilsak ding ahi banah Lilian Joyce, President, ZMA/GHQ in Role of women in Social movement zilsak ding ahi. Zia program achun discussion hun le um ding ahia, tribe tin apat pawsal 5 leh numei 5 chiat pang ding ahia, hun matzaw phat leh CEO/ADCC in vote of thanks gen ding ahi. Security leh JAC toh kisai ah meeting ding Churachandpur district sung ah law & order dinmun toh kisai November 26, 2014 sun dak 12:00 leh BRGF hall ah Security Co-ordination meeting um ding ahia, zia chun district sung ah Security force chuamchuam Police, Assam Rifles, IRB, BSF leh CRPF apat Commanding Officer te pang ding un a kigen hi. Chun, November 27, 2014 sundak 12:00 leh JAC on Khuga dam toh kisai meeting um ding ahia, zia chun EE/KHD, KSID, KCD I & II te banah President/Secretary JAC on Khugadam te pang ding un a kigen hi.
Posted on: Sat, 22 Nov 2014 10:35:29 +0000
Trending Topics
Recently Viewed Topics
© 2015