ODISHA LARGEST MINING SCAM : Part-One ( See also at : Hriata Chhangte TiTi : https://facebooe bookk/hriatachhangtetiti?ref=hl ) Ka thu ziah hrang hrangah rem leh remlo pawh thlu lovin kum 2010-11 chhova Karnataka State a Bellary district a Obalapuram Mining Corporation neitute, the Reddy Brothers an tih mai chet khawlohna , Illegal Mining Scam a CBI team a Technical Member anga ka tel ve ka sawi fo tawh kha. Kha kha chu an unau 4 kha Karnataka State cabinet minister emaw an rank pui ni thiau ho khan Bellary district bik ah khan an DM, SP, DFO, DTO etc kha an duh zawng leh kid hote dahin khami District bawr vela Mine owners/ operators ho hnen atang khan tih luihna in an Iron ores laihchhuah 10-30% kha a tak that dan a zirin an chhuhsak lui a, a pe tha duhlo , an chit paper keng lo ho kha chu heng district level sawrkar hotute hian an dang bet ani ber mai a. Chung tih luiha ( muscle leh political power) an khawn khawm chu Andhra Pradesh huam chhung chiah chiah a, a hming mai a anIron Ore Mine ve ( mining lease ni ve luk lak) , iron ore deposit tak tak pawh awm chuang silo hming khan an hralh/ export ve ta hmiah hmiah thin kha ania. Tuna, helai Keonjhar district of Odisha a illegal mining , iron ores ruk dan erawh chu a dangdaiin , a trick hman a sang em em bawk a, a ti tu ber pawh hi mi panngai ve satliah a ngaih, mi pakhat chauh, tunhma lama tute emaw Mines a Supervisor hna thawk, chuta tanga small contractor ni chho ve mai, thluak vawrh vir turu buru lutuk DIPAK-a chet dan kan sawi dawn ani. Engvanga India leh khawvel hisap pawha SCANDAL / tih ruk / dan lova chetna lian tham hi MINING Industry kaihhnawih a tam em em ??? Kan hriat theuh angin MINE kan tih hi chu Minerals laihchhuahna hmun hi ani mai a. Oil, Gas , Coal leh Minerals chi hrang hrang te laihchhuahna hi MINE tih ani mai a. Mihring hmasawnna , Human Civilization reng reng hi Mining Industry tel lovin a khal thei map lo ani ber mai. Hmasang atang tawhin mihringin a hman thiam, Stone , emaw Bronze emaw Atomic Minerals emaw Silicon emaw pawh nise, chung lai hun hrang hrang , Era / Age te chu Stone Age, Bronze Age, Atomic Age , Silicon Age ( IT era) tiin kan ko zel chu anih hi. Keini Mining lama tui/ eizawng, Mizo Kristian ruh em em tho te phei chuan MIHRING pawh hi Pathianin lei/ vaivut atanga a siam kha kan nih ve tlat avangin, WALKING MINERAL kan ti mai maw le……Han hawi kual vel mah la, kan chheh vela hmanrua leh thilsiam tam ber, an vai deuh zawng zawng mah hian direct emaw indirect deuh tak tal pawha LEILUNG atanga laihchhuah nilo I van pharh mai ang…..Leilung atanga laihchhuah ho chu leilung ah bawk kan kir leh dawn chian zia pawh hre tel nghal rup bawk ila. Chutiang teh daih alo nih avang chuan MINING industry hi sumdawnna, business ah chuan a hlawk ber pawl a ngaih ani. Minerals reng reng hi Pathianin a lo siam fel thlap tawh emaw a lo siam tawh ( elements) hrang hrang atanga form/ shape/ size hrang hrang a, kum sang bi mai pawh nilo, nuaih , maktaduaih chhunga natural process a rawn insiam danglam leh te, a thlawn liau liau va kan leilung chhung a A lo phum thlip thlep, kan zawn chhuah a, hman tangkai tura a lo dah that anlo ni pek a. Mizoram pawh ram naupang tiin Geologist te chuan an sawi na nga, kum maktaduaih 20-40 bawr leka naupoang an tia lawm. Chuvangin , Minerals hote hi tu hnen atang maha han lei leh chhawn ngai tawh lo, han comission leh hran vak ngailo thil, leilung huasakna te annih avangin han laihchhuah mai a hralh hi a hlawk dangdai ta em em mai ani. Mining technology a san poh leh a laihchhuah man ( cost of production) a tlawm lehnghal. Fuh cher cher tak chu a lo ni. A hming te mai chauhvin , mine owner/ operator te pawhin chutiang leilung hausakna awmna State sawrkar hnenah chuan Chhiah ( surface right/ dead rent, cess leh royalty) tlem tham te te an pe ve lei lei chauhva, chupawh a tlangpui thu-in an la report tlem , under reporting deuh vek hlawm lehnghal. A hlawk em ani ber mai. Laihchhuah chu lo hlawk ta em pawh nise eng vanga ILLEGAL, dan ang lo taka laichhuaka, hralh thin kher nge an nih ??? Hei hi chu a tlangpui thu-in , kum 10/20 hmalamah angah te kha chuan Mines reng reng hi ram hnuaiah, mipui vantlang hmuh loh, lo tui pui phak lemlohna hmuna awm ani tlang puia. Sawrkar lam endiktute lahin endik chiang kuang lovin emaw a hmun pawh thleng mang lova, a bulhnai hotel nuam zawk atanga ralkhat endik te an lo ni leh zel zel bawk vei nen. Mipui leh chulam ngaihtuah ho, NGO kan tih te leh sawrkar lam thuneitute, khawpui lam atanga lo monitor / control tute mit, beng, ha leh mawng a thleng meuh lova, a mawi hnai thei ang ber record siam liam mai mai anih thin vang ani ber mai. Chuti taka hlawk si, enkawl that ni bawk silo, tu teh chiam mah han hlauh tur awm bawk silo, sawrkar official ho rawn endik turte lah hmuchiang theilo emaw hmu phak tha thum lova lo nawr liam mai mai lah chu..Mines Managers leh Mine Owners te hna thiam zawng ber a lo ni vei bawk si. Chuvangin , ILLEGAL MINING ACTIVITIES kan ti tuah ta hum zel mai anih hi maw. Engtin nge MINE chu an neih bik ??? Kan hriat tur hmasa chu mi tu pawh, mimal emaw company khan Minerals eng pawh a laichhuah dawn chuan, a laihchhuahna tur hmunah chuan MINERAL DEPOSITS, tam tawk leh commercially a viable a awm ngei ani tih chian turin Prospecting Licence chu State sawrkar hnenah Rule 24 of the Mineral Concession Rules 1960 hmangin a dil phawt anga . Chutah Mineral deposit a awm tha tawk e, ka lai chhuak duh e a tih chuan Prospecting area ang chiah emaw a aia tlem leh area te zawk kha a duh danin MINING Lease , laihchhuah phalna State sawrkar ah a dil leh bawk ang a. Prospecting Lease area pawnah Mining Lease a dil theih loh. Stae sawrkar chuan Letter of Intent (LOI) to grant a Mining Lease lo pe chhuakin State leh Central sawrkar department hrang hrang , Forest area anih chuan Fprest department ah te, State Pollution Controll Board ah te, MOEF ah te leh keimahni IBM hnenah te. Chutiang a fel hnu chuan Mining Lease chu nei ve ta in , Opening Notice an siam a , MINE chu a lo inhawmng ta rup mai ani. Hriata Chhangte thawh ve-na Indian Bureau of Mines inrawlh ve dan/ hun chu le… Khatia Prosepcting Lease neia , Mineral deposit laihchhuak tlak an tih hnu khan , an laihchhuah dan tur bu MINING PLAN chu kan department, Indian Bureau of Mines ah an rawn submit anga. Chumi Mining Plan chu keini hovin a hmun ah va endik puiin an mining methods hman tum dante chu a scientific tawk em, minerals ( siam leh mai mai theih tawh loh, Un-replenishable resources an tih bik kher) chu renchem dan leh hman tangkai dan tur tha berin proposal an siam em, an laihna vung paihdan tur , an laih paha an chheh vela environment an tih chhiat tur hisapa mipui leh bul hnai ram tana hma an lak let ve dan tur ( compensatory afforestation/ community development programme) leh mining related activities an tih tumte chu kan han pawmpui ve leh thlap a ngai a. Chu Approved Mining Plan hisap ang chuan thawk turin State sawrkar nen Mining Lease Deed / Agreement an sign ang a. Mining Lease hi Iron ores ah bik chuan kum 20-30 chhung pek ani tlang puia, chumi chhung chuan kum 5 dan zelah an thawh tawh dan review-na leh an kal pui leh zel dan tur thlak ngai awm apaingte siam that , Scheme of Mining chu kan IBM ah an rawn theh lut leh thin. Mining Plan kan approved ang bawkin kan lo process leh ang. Hemi karah hian Mines lian ho, Mechaniseed Mines phei chu IBM Regional office ten an bial chhung ami kha thla 6 dan zelah tal an va endik pui thin dawn ani., IBM inspecting officer te hian Section 24 of the Mines & Minerals Develepment and Regulation Act 1957 angin Magistrate power sang tak pek kan ni nghala , a hmunah pawh kan khar sak ( suapend ) thei nghal ani. ( Mizoram a Oil/ Gas laihchhuah kawngah pawh hetiang tho hian , tuna kan oil company ho hi chuan a zawn phalna Exploration/ Prospecting Liecence chauh an la nei a, an zawn hmuh result a zirin State sawrkar ah laihchhuah phalna Mining Lease kha an la rawn dil leh dawn ani, commercial taka an laihchhuah hma in) Anih eng chu nge ILLEGAL MINING chu ni ta..??? Kan sawi lan zuau tawh ang khian Mining Lease nei lo chuan MINE a neih theih lova, Mine nei lo tan Mineral a laihchhuah ngawt theih loh bawk a. Mine chu lo hawngin lo thawk chho ve tawh pawh nise, a Mining Lease area ( a zau zawng mai bakah, a awmna hmun dik , exact location leh ML area, shape State sawrkarin an pek ang thlap ) chhunga Approved Mining Plan hmanga an plan / proposal reng reng IBM in an lo pawmsak fel tawh ang lo chuan a lai thiang chuang lova, ML area pawna Mineral laihchuah emaw vung paih emaw eng ang Mining related activity a tih vaih chuan ILLEGAL MINING ACTIVITY tih ani. Mahse, IBM approved Mining Plan lo anga Mining Lease area chhungah tho si hna a lo thawh ve leh ngawt si chuan legal mining activity ti lovin Un-Authorised activityy an tia a, kan depratment hian kan sawp ve thin ani. Mining Leasae area pawn ( outside valid ML area emaw without valid ML) a hna / chetna ang chi kha chu State sawrkar lo ven tur ani ve thung. Tin , thil pakhat pawimawh em em chu Mining Plan a kum tin an laihchhuah tur ang an rawn ziah , kan lo pawmsak aia tam kha chumi kumah chuan engti kawng zawng pawhin an laichhuak thei lova, hei hi kan chek nasat lai ber ani bawk. Mahse laihchhuah zat kan phalsak ang chhunga an laihchhuah a, an thawn chhuah bawk si chuan State sawrkar khan chutiang hisap leh limit hre ran chuan Transposrt Permit an lo pe ve thin ani. ODISHA State chhunga , Keonjhar dsitrict a ULIBURU IRON ORE MINE a Illegal Mining Activity turu buru ve thung chu le…… ( Hetah hian kan ti tawp hrih anga , Part Two leh Three in ziah kan tum anga, Helaia Dipaka’n a chalai dan te, State leh Central sawrkar officials ho min bawl dan te, a lo chhuah dan te, he mine inspect tur a ka kal ka inspect leh loh tlat dante kan sawi zawm ang….. Beijing Olympic Games chu India rama Illegal Mining tam ber a KAIKUANG a lo nih dan te nen ….Ummmm…. Hun leh hmunin min daih hrih lo… a rang thei ang bera chhun zawm ka tum ang/…. A background hi kan chian phawt loh chuan…kan case sawi tum hi a ngaihnawm tur angin a ngaihnawm loh palh a hlauh awm bawk si.,… Uluk taka chhiar chhuaktute’n min lo hrethian dawn nia… A pictures nen awwww)
Posted on: Tue, 15 Jul 2014 16:59:49 +0000