P60 mil, nakuha sang mga kawatan sa isa ka salakyan KORONADAL CITY-NAGLAB-OT sa P60,000 pesos nga cash ang nadala sang mga kawatan matapos nga ginbuka sang mga ini ang salamin sang isa ka salakyan nga naka-park sa Roxas Street, Barangay Zone II, Koronadal City. Nahibaluan nga isa ka Isuzu DMAX nga naga-duag sang gray ang nasambit nga salakyan nga may plate number NR-630 kag naka-park lamang suno pa sa atubangan sang KSM merchandize. Sa imbestigasyon sang mga kapulisan, ginapanag-iyahan ini ni Rita Hapitan Lagnoada, 52-anyos, manager sang Caltex gasoline station sa banwa sang Norala, South Cotabato. Ila suno pa ginpark ang nasambit nga salakyan kag nagsulod sa nasambit nga tindahan apang sang ila pagbalik, buka na ang salamin kag wala na ang bag sini nga nga may unod nga P60,000 pesos, pila ka mga IDs, dokumento, cellphone kag apat ka mga wallet sang iya mga kabulig. Nag-park suno pa ang mga ini alas-5:10 sa hapon kag naguwa alas-5:30 sang natukiban ang nasambit nga krimen. (Girlie Narciso-Solis)
Posted on: Tue, 09 Jul 2013 02:24:29 +0000
Trending Topics
Recently Viewed Topics
© 2015