Pinamungahan giuwan og yelo Nakasinati sa pag- uwan og yelo (ice) ang tulo ka barangay sa Pinamungajan dihang miigo ang kilat didto sa dakbayan sa Toledo kagahapon sa hapon. Tulo usab ka balay nga ginama sa gaan nga mga dapat sa mga barangay Binabag, Poblacion ug Pandacan pulos nagusbat samtang ang mga kahoy ug mga tanom nga makaon nangalarot dihang nasabak sa kusog nga hangin uban ang mga dagko kaayong lusok sa yelo. Giingong milanat sa tulo ka minutos una moundang ang pag-uwan og yelo nga may gidak-ong sama sa tag-P5 nga pandesal, sumala ni Pinamungajan police chief, Chief Insp. Roseller Paller. Didto sa Sitio Pundol, Barangay Binabag, ang mga balay nga gipanag-iya sa managsoong Emily Obatay ang Analy Obatay pulos nangalaksi ang atop kay nanglupad sa kusog nga hangin. Samtang sa Lower Campo, Barangay Poblacion, ang balay ni Sergio Balungkas, naguba dihang natumbahan sa punoan sa mangga. Sa Barangay Pandacan, mga tanom nga makaon ug mga kahoy nangatumba gumikan sa hangin. Si Paller nagkanayon nga nakasinati sila sa makusog nga hangin ug kusog nga uwan uban sa mga kilat dayon misunod ang pag-uwan og yelo. Hinuon walay usa nga gikatahong naangol sa maong hitabo ug gibanabana ni Paller nga mikabat sa P4 mil ang kadaot sa mga kabtangan sa maong hitabo. Si Pinamungajan Mayor Glen Baricuatro nagkanayon nga mitubo ang tubig sa ubang mga lugar apan wala kini molamwas sa sapa. Mga tima ilhan. Hehe..
Posted on: Thu, 05 Sep 2013 00:12:18 +0000
Trending Topics
Recently Viewed Topics
© 2015