Përfundon një nga telenovelat më të gjata verore në Paris. Laurent Blanc merr zyrtarisht drejtmin e Paris Saint Germain pas aventurës së Carlo Ancelottit, të cilit iu ndez drita jeshile për t’u ulur në stolin e Real Madrid. Kampioni i botës në vitin 1998 rikthehet në drejtimin e një skuadre pasi drejtoi Francën përpara dhe gjatë Euro 2012, ndërsa Real Madrid duhet të paguajë 4.5 milionë euro për të ndërprerë detyrimet kontraktuale të teknikut italian. Blanc ka drejtuar më parë edhe ekipin e Bordeaux gjatë viteve 2007-2010, e pranoi ofertën e presidentit Nasser al-Khelaifi dhe drejtorit sportiv Leonardo, të cilët gjetën një pikë të përbashkët me agjentin e tij, Jean-Pierre Bernes duke i hapur rrugën një bashkëunimi të ri. Kontrata parashikon bashëkopunimin 2 vjeçar me opsion për një vit shtesë në bazë të rezultateve dhe sipas mediave, ajo do të nënshkruhet ditën e hënë.
Posted on: Sat, 22 Jun 2013 10:06:51 +0000