RODE TYPE PALMIST AND ART OF PREDICTION: Friends ! main ek aise bande ke bare me bata raha hu jisko 3-4 saal se janta hu, ek palmist tha wo, jo gemstones se bhagya badalta tha logo ka.. akasar nai nai company joi karta, Train me ya Metro me.. uska kaam har jagah chal jata tha.. Palmistry ki thod bahot knowledge thi (Sadak-chhap book wali), jaise agar Index finger ke niche ka mountain anadar daba hua hai to Shani kamjor.. is type ki general jankari.. jaise shani kamjor hoga to log job me stability nahi milengi aur job change karte rahenge. No doubt uska khud ka Mercury aur Mars strong aur well placed hoga kyoki aise log future nahi padhte , balki logo ka mind read karke fir impress karke apna gemstone bech denge.. inka presence of mind bahot hi tej hota hai..aur kisi ko impress karne ki power bhi. Ek Example : Jaise wo Train se kahi jar raha hai aur bagal me baithe bande ne koi gem stone pehna hua hai, wo turant hi usase puchhega “ pukhraj paehna hai kya?” Other person : haan “ “Ek min dikhaiye “ fir wo 2 min tak uska hath dekhega aur fir face ka expression change karke udhar face karke baith jaega.. to samne wala banda usually sochega kya baat hai.. ab wo uske pichhe” sir kya hua? Kuchh gad-bad hai kya” ? Palmis t: “ nahi nahi thik hai” Other Person:“ sir koi baat ho to bata dijiye” Ab wo uska hath aaram se dekhega aur kuch aisi charactersticks bataega ki aapka chandrama aur budh kamjor hai, sochte hai par kar nahi paate aur ye pukhraaj aapko jyada support nahi karega.. aapko ek panna dalna chahiye. Mere pas ek achchi quality ka Panna pada hua hai par kisi aur client ke liye le ja raha hu ( fir wo Dariyaganj market se 200-300 rs me kahrida hua nakali panna use dikhaega aur kahega ye best quality ka hai).. ab tak wo samnewala banda puri tarah impressed ho chukka hoga aur wo panna 3-4 hajar me kharid lega… bus kam ho gaya….fir us palmist se dubara mulakat honi nahi hai.. To ye sab tricks use karke log astrology aur astrologers ko barbad kar rahe hain aur logo ka vishwas uthta jar aha hai.. kuchh time pehle wo mujhse mila tha to pata chala ab wo palmistry ke sath alovera bhi bech raha hai. Jaise road ke kinare baithe huye kuch Baid ji (Doctor) Sugar se lekar cancer aur aids thik karne ka dawa karte hain guarantee ke sath , wahi haal iska bhi hai.. Aise logo se alert rahe aur apna dimag use kare.. achche astrologer ke pas jaye uski fee pay kare aur proper consulatation le (Saman bechne walo se door rahe ), idhar udhar bhatakne wale bhatakte hi rahenge aur khud ke loote jane ka dukh aur hoga.
Posted on: Tue, 02 Jul 2013 06:45:19 +0000
Trending Topics
Recently Viewed Topics
© 2015