SU KABPUASA___ الصيام Ganat sa kitab a :minhaaj al-muslim a linimbag ni sheikh :abu bak’r jaabir al-jazaairy Ma’na a kabpuwasa na : Sawm sa Arabic ,sa bahasah na yanin ma’na : kakumpen / kapedtigk’l Yanin ma’na sia sa agama na : الامساك بنية التعبد عن الاكل والشرب … وسائر المفطرات من طلوع الفجر الي غروب الشمس so kaped-tigkel sa yalon niyat-kahanda na kaped-simba kano allaho taala sa yabanto ped-tegk’lan na gumanat sa kakan ka-inom ka-ubay kay kaluma , engo so salakaw pan a mamakabatal kano puwasa,gumanat so namba a kaped-tigk’l sa endaw kas’bang o senang(kaludep sambayang a faj’r) dumunggo so namba a kaped-tigkel sa endaw e ka-sedep o senang(kaludep o sambayang a maghrib). Lagon a kinab-paliyugat sa kab-puwasa sia ko mga ummat o nabie : Inibpaliyugat-i nifar’dho o allaho taala so kab-puwasa sia kano mga ummat o nabie sa lagid bun o kinab-paliyugat lon ko nangawna a mga taw,pidtalo no allaah : قال الله :((يَا أَيُّهَا الَّذِينَ آَمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ)). Ma’na ( he seka no a namalitiyaya sa allah na inib-paliyugat salkano so kab-puwasa sa lagid bon a kinabpaliyugat lun kano nangawna salkano ka endo kano ma-aden sa mga magel’k sa allah) sourah al-baqarah ayat 183. Napantag so namba a kinab-paliyugat sia kano mga ummat o nabie sa gay na isnin, ulan-nulan a sha’ban ka-duwa lagun o kinam-bakuwit o nabie Muhammad saw . Sabad ko kalbihan engo guna-guna o puwasa: A. فضل الصيام kalbihan o puwasa : Matakapala e kalbihan a puwasa sa kinalala o mga hadtih o nabie Muhammad saw. Mana so kinadatalo nin: قال صلي الله عليه وسلم ((الصيام جنة من النار، كجنة احدكم من القتال)) رواه احمد Ma’na : ( So puwasa na isa a k’long abpun ko apoy sa narakah,lagid a k’long o isa salkano siako kapem-bunuwa ) rawaho ahmad. Isa pan a riwayah na pidtalo o nabie: قال صلي الله عليه وسلم: ((الصيام جنة يستجن بها العبد من النار))رواه احمد. Ma’na (So puwasa na isa a k’lung a ik’lung o isa a ulipen ebpun ko apoy sa narakah). Pidtalo pan o nabie : قال صلي الله عليه وسلم : ((ان للصا ئم عند فطره دعوة لا ترد))الارواء ص 921. Ma’na ( sabensabenal na aden sa kano isa a mibpuwasa e dili ma-reject a pangenin-ngeni( dua) sa kutika a kabuka nin). Isapan a hadith na : قال صلي الله عليه وسلم: ((من صام يوما في سبيل الله زحزح الله وجهه عن النار بذلك اليوم سبعين خريفا)) متفق عليه. Ma’na : ( entayn e ebpuwasa sagay bu sa lalan panunuwat sa allaho taala na itangkano allah so biyas(mukha) nin ko apoy sa narakah sa 70 khareef(kawatan a malalakaw kano dal’m a 70 lagun) Bukhary engo si muslim. ••Mga guna-guna o puwasa : B.mga guna-guna o puwasa: 1.malayam so ginawa no taw sa kad-sabar engo eg-kabagel salkanin,,engo mapamando seka nin o puawasa sa kategk’s ko ginawa engo tubay makadtabang lun,makapamula lun so gelek sa allah a nambay tidto a sabapan a kina sugo lon(ilayn sa surah al-baqarah(183 ayat). 2.ped pan a guna-guna nin siako kamagingedi ,sabensabenal a galayam nin so mga taw sa ka-unot sa atulan engo kapamagisaysa, engo galayam nin so mga taw sa kalilini sa katidto engo kadsasalep’ng(m amagidzan) ma-aden kano mga namalityaya e kagkakalimuway engo so palangay a kabpipiya sia ko ulawla,sakamayt ubun a katyakapan nin so maging’d ebpun ko mga mawag engo mamakabinasa lon. 3.ped pan guna-guna no puwasa sia ko kanggugulawas : Sabensabenal na kalimpyo nin so kataguwan o pegk’n siako tiyan,engo kalimpyo nin so lawas ebpun ko mga subla lon,salta na makagkapegkag ebpun ko kinagkasbud engo kinagkawgat , pidtalo o nabie : قال صلي الله عليه وسلم ((صوموا تصحوا )) راه ابن السني . Ma’na ( ebpuwasa kano egkapya so kanggulawas no) ibn sunnie . pinakapya I sayouty so niya a hadith( aden ko mga pahahadith e napagkalubay ko nya a hadtih). Kinab-paliyugat sa kabpuwasa ko ulan-ulan o ramadhan : (A).so kabpuwasa sia kano ulan-nulan o ramadhan na wajib e hukuman nin sa inipayag sa quran engo sia ko mga hadith o nabie engo siako mawpakatan o mga ummat, pidtalo no allah: قال الله: ((شَهْرُ رَمَضَانَ الَّذِي أُنْزِلَ فِيهِ الْقُرْآَنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ)). Ma’na (ulan-ulan a Ramadan atagin na e initulun so quran (sia kano laylatul-qadr ganat sa lawh mahfouz inibaba sia sa langit a lupa ) tutulo kano mga taw engo mga kapayagan a mga iniparadho no allah engo so mga halal engo mga haram engo papedsenggaya sa bantang engo k’na bantang,kaginak a mayto na entayn salkano e nawma na ramadhan na wajib lon e kabpuwasa). Sa hadtih na ikalima kano rukun o agama islam : (pimbalay so agama islam sa lima e timanan a palaws nin,kadsaksi sa dala pedsimban yatabya so allah engo so nabie na sugo nin,engo kadsambayang,ka dzakat,kapaniha jj,kapuwasa)buk hary engo si muslim. (B).sa kano ramadhan e mga masla a katinggiyan a dala ma-aden kano salakaw a mga ulanulan,so mga hadtih na pimbagelan nin so ento a mga katinggiyan ,pidtalo o nbaie: قال صلي الله عليه وسلم: ((من صام رمضان ايمانا واحتسابا غفر له ما تقدم من ذنبه )) بخاري ومسلم. Ma’na (entayn e ebpuwasa sia ko ulanulan o ramadhan sa ulawla a paginugot sa allah engo ulawla a paginagkay sa pahala na ampunen o allaho so nganin-nganin a nawna dusa nin) bukhary engo si muslim. Pidtalo pan o nabie : قال صلي الله عليه وسلم :((....ولله عتقاء من النار وذلك كل ليلة )) الترمذي. Ma’na (…….engo aden ibpameligtas o allah kano apoy (namba so mga taw a pamakarakah-uga yd na mibpuwasa na iligetas silan o allah ko apoy) so namba kapameligtas o allah na uman-uman magabi o ramadhan) tirmizie. Madakel gayd e mga hadtih a mimbityala sa kapyanan-mga guna-guna a puwasa ugayd na paydubo e linabit tano ko nya a dars. Kalbihan o kapangalimuwan kanggaleb’k sa mga simba sia ko ramadhan: So ulanulan o ramadhan na sabenasabenal a inilabi e kapya nin kumin ko salakaw lun, nia so mga opaman: 1.so kad-sadaqah pidtalo no nabie: قال صلي الله عليه وسلم ((افضل الصدقة صدقة في رمضان )) الترمذي . Ma’na ( pinaka-mapya a sadaqah (tabang) na sadaqah siako ulan-nulan a ramadhan) tirmizie. Pidtalo pan no nabie : قال صلي الله عليه وسلم ((من فطر صائما فله أجره من غير أن ينقص من أجر الصائم شيء)) أحمد والترمذي Ma’na ( entayn e mapabuka (mapakan sa mibpuwasa) sa isa a mibpuwasa na makuwa nin so pahala a lagid o pahala o pinabuka nin , sa dalabun apya paido ka-kulang ko pahala o mibpuasa a pinabuka nin) ahmad engo si tirmizie . So nabie na seka nin den e sanagat a malimo amayka ulan-nulan o ramadhan taman sa uman magabi na gaylay o jibriel so kadakel a kapayanan nin (uman magabi a ramadhan pembaba lun so jibreil alayhis-salam pembalinganan bamando so quran kano nabie-iblangag o nabie ). 2.so taraweeh /tahajjud: Pidtalo o nabie : قال صلي الله عليه وسلم ((من قام رمضان ايمانا واحتسابا غفر له ماتقدم من ذنبه )) متفق عليه. Ma’na ( entayn e edtarawaeeh /edtahajuud sia ko ulanulan o ramadhan sa ulawla a paginugot sa allaho taala engo paginagkay sa pahala no allah na ampunen lun o allaho so nganin-nganin a nawna dusa nin) bukhary engo si muslim. Mga ulawla o nabie : ( Ya ka-aden o nabie na mayka mga magbi na ramadhan na penggedam seka nin amayka sia den tampal sa sapulogay bu e kasama ko ramadhan na bamukaw nin so pamilya nin manawat masla a makagaga edsambayang) muslim. 3.kabatya sa quran amayka ulan-nulan o ramadhan: Isa a ulawla o nabie : (So nabie muhammad saw na madakel gayd e kabpaguntul nin sa quran sia ko ramadhan engo ya ka-aden o jibreel na ibpamando nin kano nabie ) bukhary. Engo ya ka-aden o nabie amayka sia ko ramadhan na labi a mangawget e kapamatya nin ko quran sia ko kapedsamabayang nin(taraweeh) kumin ko salakaw a ulanulan,sabens abenal na pedsamabayang so nabie tagapda nin khuzaifah na yanin binatya na surah baqarah uliyanin na surah ali-imran uliayan nin surah al-nisa’ . So quran engo so puwasa na maka-tingguma sa gay a mawli a suma-faat ko taw: Pidtalo o nabei: so puwasa engo so quran na duwa silan maka-shafaat sa gay a mawli,edtalo so puwasa nasapalan ko seka nin kuman engo so shawah nin ko malmag o Ramadhan ,edatalo so quran na-uneng’n ko sekanin dala makatulog siako magabi na kaginakamayto na ya allah e pa-shafaat kami nengka sa ento a pingula nin ) hadith saheh shart muslim. kapyanan o ulan-nulan o ramadhan : 4.kadtangen (e’tikaaf) siako masjid : Ma’na a I’tikaaf na kad-tangen siako masjid sa yalun kahanda na kapedsimba sa allah sabenal-benal ko nabie na pingula nin bun e ka-I’tikaaf engo pedtatapen nin amayaka sapulo bu e kasama kano ramadhan taman den sa nawma o kapatay,lagid o nalabit siako saheh targheeb a hadith. Ma’na ( so masjid na walay o langun o magel’k sa allah,engo tiyakapan o allah so entayn e na-aden lun e masjid sa walay nin(edtangen lon) sa limo,engo so kutika a kabedtas nin ko titayan sa luden maka-angay sa lilini lon o allah sa mangay den lusa sulga . Q.nginto mapakay mag-e’tikaaf e babay ? A.uway,kapakay kano babay e magi-e’tikaaf siyasa masjid,so kapagi’e’tikaaa f na para sa mama engo babay. ••kapiyanan o ulan-nulan o ramadhan: 5- so kapa-gom’ra : Yanin ma’na na embisita sa baitullah al-aharam sa tomawaf engo ed-sa’e . Sa sia katabuwan sa ramadhan , sabap sa pidtalo o nabie : قال صلي الله عليه وسلم: ((عمرة في رمضان تعدل حجة معي )) متفق عليه Ma’na ( so kapa-gum’ra sia ko ulanulan o ramadhan na tumimbang (pagidzan sa pahala) a kapani-hajj a tagap’da ako nin) na-upakat si bukhari engo si muslim sa nya a hadith. Isa pan a hadith : قال صلي الله عليه وسلم : ((العمرة الي العمرة كفارة لما بينهما ) ) Ma’na ( so kapa-gom’ra sa kano ka-duwa a om’ra(pageltan a duwa a omrah) na kaffarah paka-punas ko dusa) bukhary engo si muslim. So katalanged kano ka-ludep o ulanulan o ramadhan: Duwa e ukit nin : (1).paganay a ukit nin :makumplito so sha’ban sa 30 gay(30days) sa yalun den makatundeg na paganay den kano ramadhan . (2).kaduwa ukit nin- mailay so ka’sebang o paganay a ulanulan , yanin ma’na na nakaludep den so ramadhan , engo wajib den so kab-puwasa sabap sa pidtalo o allaho taala: قال الله : ((فمن شهد منكم الشهر فليصمه)). Ma’na ( entany salkano e nawma na ramadhan na wajib lon e ebpuwasan nin). Pidtalubun o nabe : قال صلي الله عليه وسلم: ((اذا رايتم الهلال فصوموا)) ma’na ( pabila ma-ilay no so ulanulan na eb’puwasa kano-engguniyat kano sa kab-puwasa ) muslim . Mapakay bon apiya sakataw bu a taw a matidto(kena tagakalen) atawa duwakataw e makad-saksi lon,sabap sa pinamakay o nabie e sakataw bu a mawngangen matidto e makailay lun siako kasebang o paganay a ulanulan o ramadhan,kena lagid sia sa ka-buka (kapupus o ramadhan ) na dili mapakay e sakataw bu e nakailay lon nasisita duwa kataw e makadsaksi lun,dili mapakay sakataw bo. Mga shurut o kab’puwasa: Ini-sharat so kina-wajib kano puwasa sia kano taw a muslim a aden lun e mapya a aqal(pagitung) nabalig, sabap sa pidtalo o nabi( ipulo so panulat kano t’lo e embalangan nin a taw,so buneg taman sa dili maka-imaman,so ped’tulog taman sa dili maka-gdam,so wata taman sa dili pan makad’taginep-t aman sa dilipan mabalig ) ahmad. Amayka babay na sharat lun e ma-aden sa limpyo ebpun kano lugo(lugo a kana-haydh atawa sabap sa kinambata) sabap ko kinadtalo o nabie sa inipayag nin e paydo e agama o babay (k’na ba amayka mawma sa haydh na dili ed’sambayang engo dili eb’puwasa!)bukh ary. ••Kab’puwasa o belalakaw : Pabila ka lumalakaw so muslim sa mawatan e pageltan nin (80 miles) na qumasar sa sambayang,inisu got lon bun o agama e muka(dili muna eb’puwasa) sa sambiyan nin bon o makambalingan den (so dala nin kabpuwasay) pidtalo no allah: قال الله: ((وَمَنْ كَانَ مَرِيضًا أَوْ عَلَى سَفَرٍ فَعِدَّةٌ مِنْ أَيَّام آخر)). Ma’na: (( Engo entayn e yanin ka-aden e pedsakit atawa sia sa lakawan na bilangen nin so dala nin kab’puwasay sambiyan sa kano salakaw a mga gay)) sambiyan amayka dala den sakit nin ,so lumalakaw na sumambi amayka makambalingan ko dalpa nin. Amayka dilibun kapasangan so lumalakaw sa kab’puwasa na eb’puwasa seka nin labi mapya lun,amayka kapasangan na labi mapya muka seka nin. Kab’puwasa o ped’sakit : Pabila ka edsakit dumalo so muslim sa sia katabuwan sa ramadhan na ilayn nin: amayka makagaga kena bun kapasangan na ebpuawasa seka nin. amayka dili makagaga na muka seka nin. amayka so sakit nin na lalayun ugayd na eg’kapya pamun na magangapa seka nin taman sa eg’kapya uliyan nin na sambiyan nin so mga dala kabpuwasay. amayka so sakit nin dala inam lun sa eg’kapya na muka den dili den eb’puawasa engo edsadaqah uman gay sa makabuka ebpun a pegk’n,pidtalo o allaho taala: قال الله : ((وعلي الذين يطيقونه فدية طعام مسكين)) . Ma’na ( Engo nanget kano silan a pamakagaga peb’puwasa(subl a kapasangan) e pidya , pegk’n –ipakan kano miskinan). Amayka matuwagayd so taw babay mama dili makagaga eb’puwasa na ed’sadaqah uman gay mapabuka sa mib’puwasa(meng gay sa pegk’n para kano mibpuwasa) . Ya ma’na a يطيقونه pakagaga ugayd na sangat a kapasangan. Kab-puwasa o lukes: Pabila ka makasawt den so umor o muslim mama atawa babay sa kalukes a dili den makagaga eb’puwasa na muka den seka nin(dili eb’puwasa) engo ed’sadaqah uman-gay sa saka (mudd) a pegk’n t’nga sa gantang a nabawi- aya timbang nin na 0.510 kg sabap kano kinadtalo ni ibn abbas nalinyan silan duwa no allah (inisugot kano matuwagayd e mapakan uman gay sa miskinan engo dala lon e kabayad (dili den sambiyan so dala anto kabpuwasay) dar al-qutni+hakim . panun e kab’puwasa a magingay atawa paped’suso sa wata: Amayka so muslim a babay na magingay kagilkan sa kano ginawa nin(edsakit opama) atawa kagilkan sa kano wata sia ko tiyan nin na muka seka nin(dili eb’puwasa,amayk a mapupus so paka-ungen lun na eb’puwasa den manambi kano dala nin kab’puwasay,ama yka aden eg’kagaga nin malwag so uyag-uyag na ed’sadaqah uman gay labi a mapya salaka nin. So babay a papedsuso na mayabunba e atulan nin atawa hukuman nin amyka mangandam sa mabinasa seka nin atawa so wata engo dala matun a makapasuso ko wata nin. ••Rukon o kab’puwasa: 1.kang-goniyat ,tuwanto na kategk’s ko pamusungan sa kab’puwasa sa ulawla a panunuwat kano allah ,pidtalo o nabie (sabensabenal na ya ped’taliman kano mga galeb’k na amayka makang-guniyat sa mapya). Kapengguniyat na unan a dala pan maka-ludep e waqto na faj’r. Amayka sunat e peb’puwasan na apiya mapitapan e kinang-guniyat atawa mapulo den so senang . 2.kaduwa rukon: ka-tigkel kakumpen gumanat sa kakan ka-inom atawa ka-ubay sa kaluma engo salakaw lun a mamakabatal. 3.katlo a rukon na : so timpo a kaped-tigkel na yalun tangga inan na malamag o ramadhan gumanat sa endaw kaludep o fajr taman sa kasedep o senang , opamaka aden eb’puwasa sa mga timpo a magabi dili ebpuwasa malamag na dili maka usto taman sa taman sabap sa pidtalo o allah : قال الله ((واتمواالصيام الي الليل)). Ma’na (Engo idunggo –sampurna no so puwasa sa magabi) endaw e kaludep a waqto na magrib. ••mga sunat a puwasa: 1.mapanay a kabuka (uliyan mismo o kina-sedep o senang). So nabie na dili seka nin muna ped’sambayang sa magrib yataybiya na maka-buka apiya ka-inom bo sa eg. 2.ma-aden so ipembuka sa rutab ataw tamr atawa eg(protas-tamr- eg) ya pinaka mapiya a epembuka na nambumba rutab yaden mawli na so nawlibun anan salangun so eg, ya mapiya gayd na gagatlo timan atawa gagalima timan atawa gaga pitotiman . 3.kan-dua sa kutika a kaboka (allaahumma laka sumnaa wa alaa rezqika aftrnaa fa taqabbal minnaa innaka antas-samie ul aleem) abu dawd,si ibn omar pedtalo nin:( allaahumma innie as-aloka birahmatikallat ie wasiat kulla shay-in an tagh-fira lie zunoubie) atawa salakaw pan a dua). 4.kad’sawl ,tuwanto so kakan magan mapita sa niyat a kapeb’puwasa, pidtalo o nabie ( sabensabenal na ya em’bidayan o sekitano kano mga ahlulkitab(yaho dy engo kristayn) sa kano kapeb’puwasa na kapegkan magan mapita) muslim. Pidtalo pan o nabie ( edsuwal kano ka sabensabenal na aden lun e barakat ) bukhary engo muslim. 5.kang-gagawli kano kadsuwal pidtalo o nabie ( dili kapinda so mapia kano ummat ko sa kano kapeb’panay nilan pembuka (uliyan mismo kasedep o senang) engo so kapeng-gagawli nilan pedsuwal) ahmad. Gumanat so kapedsuwal sa endaw kambad a magabi mapupus sa unan a fajr sa pilakaminutus bu pageltan nilan,pidtalo ni zayd bin thabit nalinyan sekanin o allah : ( midswal kami tagapda so nabie uliyan nin initindeg name so sambayang pidtalo ko pila e pageltan a bang sa kaped’suwal ? pidtalo o nabie ( yanin pageltan na tembu a 50 ka-ayat sa quran-kawget a kabatya sa limpulo ka-ayat o quran).bukhry engo muslim. Pa-ingat: Entayn e enduwa-duwa sa kaped’sebang o faj’r na mapakay pan a kuman taman sa dili nin masigulo e naka-sebang so faj’r(nakaludep so waqto na fajr) ilayn e ayat 187 surah al-baqarah). ••mga makruh o kap-puwasa: 1.subla kapamumog engo ka-sel’k sa eg,pidtalo nabie : ( pasampay ka gayd so eg sia kano kasel’k yatabya na mib’puwasa ka ) ashab sunan. Yalun kina makruh na gil’k sa maka-ludep so eg siako bakal’ngan atawa maka-inom sa eg na mabinasa so puwasa nin. 2.so ka-aks(yakap)sa bap sa makatawag sa shahwa a kadsabapan a kaliyo o mazi atawa kadsabapan a kam-barajoma a luba nawajib so kaffarah. 3.lalayun a kadtulik a katapikan a lilini(shahwa) . 4.kapamikir sa kam-barajuma . 5.ka-ipo sa lawas a babay . 6.kas’pa sa pegk’n gelk sa aden maka-sampay siako bakalngan. 7.kat’kaw sa pegk’n (tukawan so nanam no pegk’n). 8.mamumog apiya kena bagabdas atawa kena bon nasisita. 9. ka-gamot sa mata(kena pegk’n) siako mapita-pita, o tampal sa malulem na dala bon mawag lon. 10. kasusup sa logo abung sa kagkalubay o taw a kadsabapan a kabuka nin. ••Mamaka-batal kano puwasa: 1.kam-barajum sa k’na napeg’s . 2.makaliyo so many(مني ) sabap sa lalayun a kinad-tulik sa babay, kina-kak’p, atawa kina-ipo ,atawa kinag-kakalende m ,ugayd amayka taginep na dili bun maka-batal. 3.kakan ka-inom sa ped-tibaban,dil i bon makabatal amayka k’na pidtibaban. 4.makaliyo so lugo sa kina hijamah , amayka paydubo lagid bagilayn so tayp o lugo sia ko medikalan na kena makabatal engo so napaliyan kena bun makabatal basta k’na pidtibaban. 5.so pedtibaban a kapanguta. so mga inisugot kano mib’puwasa 1.kapanipilyo kabensian amayka mapulid e senang. 2.mapagka-tungg aw so taw amayka mayaw-gayd so timpo ,bubuwan nin so lawas nin sa eg atawa lumanguwi lon. 3.kalalakaw sia ko mga sabapan a inisugot lun o agama . 4.kang-gamot sa apyangin a gamut k’na bo pegk’n. 5.kakan ka-inom ka-ubay sa kaluma taman sa dilipan makaludep so fajr. 6.kas’pa sa pegk’n para kano wata a manawt salta na dala katon a makasepa lon salakaw ugayd nasisita dala makaludep ko tiyan. 7.kagkakamutan sabap sa dala nakasapal lon siako mga pangitaban. Mapasensya(ma-a mpon)kano mibpuwasa: 1.so yug(laway) apiya madakel pan , yalun tangga iniya na leka nin bun a yug kena kana salakaw lon. 2.nakawta sa kena pedtibaban amayka dala nakambalingan kano tiyan nin. 3.naka-sel’k sa langaw sa kena benal kiyug ginawa nin. 4.so mga pedtad o lalan atawa pedtad o mga paktory. 5.kapitan seka nin sa junub (ginalaw ang asawa). 6.makad-taginep . 7.makakan atawa maka-inom sa nalipat atawa nalimban ugayd so imam malik na amayka makakan atawa maka-inum na sambiyan abung sia kano mga faradho,amayka sunat na dala bityala lon kena ped’sambiyan amayka nakakan atawa naka-inum sa nalipat. Zakatul Fit’r : 1.saka-saa’ (4 ka-akop a duwa lima) ebpun kano ka-uyagan no dalpa (b’gas atawa salakaw a ka-uyagan o dalpa,ya ini-wajib na ka-uyagan o dalapa,dili gantiyan yatabiya na nasisita gayd . 2.ebpa-genggay o langun o muslim apiya wata engo masla babay mama ,lo ibpa-genggay sa manga miskinan. 3.ibpa-genggay so zakat fit’r sa sagay bo e nasama kano puwasa atawa duwagay bago ed-sambayang sa eed al-fit’r. ••• Reference:BICO DARs Tarjum by: Ustadz M.D
Posted on: Mon, 01 Jul 2013 15:38:45 +0000