Sithi singalamba sidle utshani. Indaba yama lD--citizenship asePitoli luhubhu lukabhejane. Ngizolazisa njengeThimba elaliqokwe nguzulu ukumela isizwe sikaMthwakazi, ukuthi lihlolisise lolu udaba ukuba lusemthethweni na. Udaba obelusenziwa ngabantu basekhaya, kukanti iaddress yona ithi AMANDEBELE NATION AND KINGDOM NO 171 CHURCH STREET OFFICE NO 105 OLD POYTONS BULDING . Eduze nje kwechurch squre park. Okwakuqala ngemva kokuluzwa loludaba saba labantu abayakhona bafika bathola ikhehla lakoMabhena bakhulumisana lalo balinxusa ukuba lizohlanganela labantu beMatebeleland e Jorbert Park. Lakanye leza lathi sanxusa amabantu beza abezayo, balihlaba ngembuzo latsho ukuthi lento yenziwa yiNkosi yakwaNdebele uLitho V, watsho lemniningwana efunakalayo lapho waze wathi icala lawinwa eRandburg court. Ngemva komhlangano kwakhethwa iThimba okwakumele liyehlangana leNkosi liyizwe kuhle lendaba. Kodwa ke sabona ukuthi kungcono ukuba siqale siziphenyele thina. Ngophenyo lwakuqala savuka saqonda eRandburg court safika sabethulela udaba esihamba ngalo basidlulisela eHigh court yase Pitoli. Sangaphozisi amaseko savela saqonda khona, ekufikeni kwethu basibhekela i(case number) ukuba ikhona yini ku (computer) abazange bathola lutho, ngakho-ke bathi siyebheka lapho okugcinwa khona zonke incwadi zaseMthethwandaba (file piling room). Safika sathola enye indoda yasihlolela yakhupha inkalakatha yencwadi (file with 88 pages) lamaphepha eHome affairs alolodaba. Kubonakala engathi kwakumele bajike emthethwandaba kodwa abasaphendukanga kubonisa mhlophe ukuthi akula lalapho abalunqoba khona lolodaba emthethwandaba njalo kungela lasigxiviso sika (Magistrate signature). Njalo laleyondoda esebenza lapho inkukhu yayiwusola umumbu kazange atshaye inja efihla umphini wasitshela lezizatho ezitheze ukuthi lento ayikho emthethweni. Sathatha ama(copies) saqonda ezinduneni kubaba uGumende leNduna uSikhosana owayengu Captain wase Noorwoord Police Station salutshiya loludaba ezandleni zabo basithembisa ukuthi ngokuphazima kweso bazalunywa zinyosi. Asizange salinda njengeThimba saqhubeka ngophenyo kuyimi uDibi,MB NG,Mqoe Dube,Prudence Jz,Samu Dube,Zothile Mlilo, savukela eHome affairs eku Harrison bafika bathi sihambe ePitoli lolu uhlelo abakabi lalo lakanye saqhubeka sahamba saya ePitoli safika sahlangana londoda okuthiwa nguLanga bathi le kwakuyi (draft court) ayisinto eyavunywa ngumthethwandaba ngezizatho ezithize lezithize wathi sibhale ubufakazi i(statement) ngamunye ngamunye wabe sesithembisa ukuthi bona bazoya emthethweni bayebavulela icala abafakazi yithi lama (receipt) abantu abayathatha. Kwahlala amaviki amabili kusiya kwamathathu belokhe besithi basaphenya. Wasifonela uLanga wathi size ePitoli ngeviki leli eledlulileyo lakanye savuka ngovivi sathi sifika ngendaba ezibuhlungu wasitshengisa abantu bakithi abangu 18 ababotshwa ngamaPolisa kuleyondawo besiyazizamela amaphepha kulelohofisi bevalelwe bebotshelwe amaphepha ( illegal emigration). Sabuza ukuthi pho kwabotshwa abantu bakithi laba abenza imkhonyovu ke? ababotshwanga ngani? Basibalela amabala engwe kodwa kukhanya babotshwa kodwa bayekelwa mhlawumbe bakhitshiswa into yokuthenga ngoba eqinisweni laba abantu bayenza imali kudlalwa ngabantu bakithi. Okubuhlungu yikuthi yindaba kudlalwa ngesizwe sikaMzilikazi? Kwadlalwa ngabantu bakaMthwakazi. Ngiyabonga iThimba elalikhethiwe yilo leli..Joseph Mthethwa,MB NG,Mqoe Dube,Prudence Jz, Chris Gezalangempela,Dibi,Samu Dube,Lima Zi,Zothile lo Thandolwenkosi. Ngizacela begcwalisele lapho engisilele khona.
Posted on: Fri, 16 Aug 2013 15:01:17 +0000
Trending Topics
Recently Viewed Topics
© 2015