TBA(Myanmar) akon Mr Thangcha lekhasut donbutna Mr. Thangcha lekhasut donbutna ( Kuki Forum, . 11. 2013) Date. Nov.17, 2013 Mr. Thangcha in Rev. Dr. Khup Thang (General Secretary TBA) chungchang thuso ahin bolchu asimdoh jousen kidang asah dingjeh in hilchetna kahin bol un ahi. 1. Lekhasun pan amin tah le address aphondoh lou jehin thuloupi tah a san dingin ahi thei pon ahi. 2. TBA hi tahsa lam phung le chang thudol a kiphutdoh ahipon, Jesu Christa tahsan na chung a kitungdoh Houlam kiloikhom na khat ahi. 3. TBA hi solkar het peh Association ahitoh kilhon in, tahsan kibahpi Chin Baptist Convention (CBC) leh Myanmar Baptist Convention (MBC) ho boutoh kijop matna kinei ahin, leilam organization dangtoh kikhutjop na ding thu pass akinei khapoi. 4. Myanmar Government in Nam bahkai akiphin ho toh CHAMSAT NA ( peace building, National Reconciliation) abol na ah ama Houna cheh a ( eg. Buddhist, Christian, Islam) houlamkai ho aman chah uhi, Pathen khatseh in bou Chamna dihtah asemdoh thei je ti atahsanjeh uahi. Pakai Jesun, misuchamho anunnom ahiuve…(Matt. 5:9) anati toh kilhon a, cham sat ( peace maker) din mun a ding joh ahiuve. 5. Pathen in, thao kanusa tong kha hihun,kathem gao ho jong bolse hihun ati(Psalms 05:15). Mudan, Pomdan, policy kibah lou jeh pouva, Pathen lhacha ho le houlam kiloikhom na melse tah a imolphousah uhi, Pathen lung hanna ichunguva achuh ding kichat tijat aum lheh jeng in ahi. Chuti ahijeh chun hiche thuso jeh a inalungdon louna dinguva, hilchet kahin bol u ahi. Sd/- Rev. Thang Kho Pao Associate Gen. Secy., TBA Sd/- Rev. Let Kho Chin Thang President , TBA Sd/- Pu Ngam Kho Pau Vice President, TBA
Posted on: Mon, 18 Nov 2013 22:07:06 +0000
Trending Topics
Recently Viewed Topics
© 2015