THIAMCHANNA DIK (Phi.3) Thiam changa kan awmna bawk maw a rawn dah leh dawn ti kan lo awmte pawh a ni mai thei e, mahse Paula meuh pawna a sawinin theih loh chanchin tha a ni tlat a lawm. Isua min man chhan pawh a ni reng bawk a ni. Tiam chin lam pana kalzel tur kan nih kha. Awle, kan thu-ah lut mai ila, Philipi bung3:1-11 kan chhiar chuan thiamchanna dik tak mai Paulan a tarlang a. Paula pawh khan thiam channadik hi alo sawi ngun hle ni turin, thu pangai in hnena ziak nawn leh hi keia tan zawng ninawm a ni lo ve, a ti hial a ni. Kei pawn ninawm ka ti bik hauh lo. Paula hunlai pawh hian thiltih leh rinna thu-ah buaina na menlo a lo awm ve a, Krista rinna chhuangtute hi anlo hmu sakhi ve tawp mai bawka, an lo hremin an lo tiduhdah hial thin. Paula chuan chung thiltih chhuangtute laka fimkhur tur chuan a fuih ve sauh sauh mai a ni. Chang3 naah phei chuan Tisa chunga rinna nghat ho chu serhtanloh an nihzia leh serhtan diktak zawk chu Kristaa rinna nghat, Krista chhuangtute hi an ni a ti a ni. Chang4na lamah chuan Paulan, tisa thiltiha rinna nghat duh ni sela, chhuan tur leh nghat thei a nih ve zia a sawi a ni. A chhan chu tisa lamah chuan Juda danin Paula hi sawiselbo a ni ve tlat mai a ni. Mahse Paula chuan chungte chu atan thiamchanna a nih loh zia leh Krista rinna chauh kha a thiam channa a nih zawk zia a sawi a ni. Chang9 ah chuan ' Mahni felna (Dana felna chu) nei lovin, Krista rin avanga felna (Rin avanga Pathian laka felna chu ) nei zawkin", a lo ti a ni. Pauala hian engvanga mahni felna chu nei lovin a lo tih le? Tisa lamah a fel em em lo vem ni? Fel teh reng mai, mahse tisa lama a felna kha a thiam channa dik a nih tlat loh avangin mahni felna chu neilovin a lo tih chhan a ni. Mahse thiam channa dik chu tihian a sawi a ni, Krista rin avanga Pathianin fela a pawmna zawk chu! Zaninah hian kan tisa thiltihte avanga Pathian hmaa thiam chang kan nih lohzia hi hrechiang tawh ang u. Tisa thiltih chunga in nghat kan nih chuan serhtanloh, piangtharlo, Krista kan thiam channa ringduhlote kan ni tihna a ni. Pauala chuan thiam channa dik chu tisa thiltih rinna nilovin Krista rinna zawk hi a nih thu a sawi a ni. Chu chu hmuthiam ve tawh rawh. Anih chuan tinge tiam chin lam pan tura fuih kan nih zel tho le? Krista ringtute tan athlawna thiam channa Krista rin zara kan nei mai nilovin, kan tan lawmman dahin ala awm zel a ni. Chhandamna leh lawmman hi hriat pawlh tur a ni lo. Paula pawn chu lawmman chu dawng ve turin tiam chin lam panin a tlan ve zel thu min hrilh a, thlaraubo mante chuan thlaraubo man man Lallukhumte an la dawng zel dawn a, intlansiak mekte kan nihna hrefiah turin min hrilh a ni. Tin, Krista rin avanga thiam chang tawhte chu zirtirtu kan nih zel zawk hi min duhpui bawk a. Tamtak he chhandamna chanchintha dotu Krista Kraws hmelma an awm thu pawh a sawi a, chungho tawpna chu boralna a ni a ti. Tisa chunga in nghatte tawpna tur chu boralna a ni. Keini Krista chhuanga, ringtute chu van khua leh tui niin, Krista lo kal leh ni chu kan nghak mek a ni 3:20. Paula chuan Philipi kohhrante hi ka lallukhumte u, a ti hmak mai a ni. Amah atanga chhandamna chang, Krista ringtute an nih vang a ni. Lawmman chu ava hmu dawn chiang em! A sawi ngam chiang a ni. Paula angin kan sawi ngam ve a ngem lallukhum chang tur hian? Tlemin thiam channa leh lawmman hi sawifiah deuh hlek ila. Thiamchanna:: Thiam channa hi chu Paula sawi angin tisa thiltih fel avanga kan dawn, kan neih a ni lo. Krista rin avang zawka athlawna kan dawn a ni. Krista ringtute tan thiamloh chang nih hlauh tur a awm tawh lo. A chhan chu kan thiltih vanga kan hlawhchhuah a nih tlat loh vang leh Krista vang liau2a Pathian min pek a nih vang a ni. Lawmman:: Lawmman hi chu Paula sawi angin tisa thawh rah a ni a, thlaraubo man chuan lallukhum pangate zinga pakhat dawn tur a ni. I man chuan i dawng ang. He lawmman hi chu kan tisa thiltih avanga kan chanvo a nih avangin kan chan theiin kan chanlo thei 1Kor.3:11-15. Tamtakin chhandamna leh lawmman Paulan a sawi hi kan hriat pawlh avangin lawmman chan theih thu a sawi hian chhandamna or thiam channa hloh theih emaw kan ti thin. Heihi kan rama rawngbawltu speaker tamtakte tih sualfo leh mipuite diklotaka an zirtir pawlh nuaih thin pakhat a ni. A pawitak zeta, tisa chunga in nghahna a siama, atawpah chuan boralna thlentu a ni. Chuvangin Paula sawi angin kan tisa thiltih chunga in nghahna avanga thiam chhang nih tum lovin, thiam channa dik Krista chu ringin, tiam chinlam panin lawmmante chu dawn itum theuh zawk ang u. Lalpan malsawm che rawh se. Amen!
Posted on: Mon, 01 Jul 2013 16:42:34 +0000
Trending Topics
Recently Viewed Topics
© 2015