Talofa fanau Tuvalu salalau i feitu e fa ote llolagi kae maise kia koutou kola e mafai o taumate kite muna tenei mo fai a mea e taki iei te tou aso fou aulia manuia tatou mai i lima alofa ote Tamana ite lagi mai ia Rev. Telematua.Ikinofo.Manuia te aso alofalasi atu mo koutou katoa kae maise ko fanau Tuvalu ko fai olotou sukega mo latou kola e maua ne masaki.Manuia tatou ite alofa ote Atua. Talofa Koulua ite taeao fou ote aso tenei ko pa I tino a matagi laumalie ote alofa mote agalei o te Atua ko toe maua te ola mote malosi I tena alofa fakasoa lei mai mo tatou e pela me se Tamana e alofa tonu ki a tatou. Konei a uiga gali o te Atua e se sili sala kese iei te Aliki mai atua ote lalolagi nei. Maua te muna e aumai iei se fakamalosiga mo tatou ite aso tenei e fai penei Fataoto 12.24 A te galue malosi e fai ne ia koe ke malosi, ka ko te paie e fai ne ia koe ke liu pologa. ULU- POLOGA KITE GALUE MALOSI KAE SA POLOGA KITE PAIE E tasi o tupua tela ko fai mo atua e tapuaki ki ei a tagata ite olaga tenei kote tuku ne tatou ate saolotoga kote manu tenei kote paie ke vau o tolo fakaniuketi I mafaufau mo loto o tatou I ona aso nei. Se muna tela e soli ne ia ate taui mote tusaga o Atamu tela ne tuku ne te Atua ke kai a ia mote afuu mote tauta. Ite sautalaga a tatou mote poto ite taeao tenei e manino te vai e tului mai iei ne te poto me I so se tino e fai ne ia te muna tenei(paie) mo fai te aluga e aluga ki iei a ia, te taui e maua ne ia, a ia kafai e pela me se pagota e pei kite falepuipui ona me ko isi sena agasala ne fai(te uiga ote pologa tenei e faipati ki iei te poto ko solomona)ko koe ka se ola fiafia I tou olaga, kae ko tou olaga ka pule ne te mafi tenei kite se gata mai, e faopopo mai ne ia me ite tino e ola ite olaga paie e nofo mativa kae fakaalofa kae fiakai, fiainu eiloa I aso katoa o tena olaga. Te fakamalosiga mo te fale o tatou ite taeao tenei ko tatou ke loto lasi kae loto malosi o galue mo te olaga lei o tou kaiga mo tou fanau au a me I tou galue malosi e atili maua iei ne tatou a mea kola e manako tatou ki iei kae se gata iei ka fakamanuia kae ka taui mai ne te Atua tou galuega lei katoa e fai au a me matea ne ia me I tatou e se nofonofo io me pologa tatou kite paie ako tatou e galue fakamalosi o fakataunu te taui ote fakasalaga ne tuku ne ia ki a Atamu. TOU OLAGA TALO+TOU OLAGA GALUE MALOSI=MAUA TE OLAGA MANUIA KAE MAUMEA KAE FIAFIA MOTE FILEMU ITE ATUA Te talosaga mo te fale o tatou ite taeao tenei ko te Atua ke fakatumau ne ia te ola mote malosi I luga ia tatou katoa I loto I tou fale ke fai ne ia te fale tenei o tatou e igoa kite Fale o Fakamanuiaga mo fai tena fale e nofo tumau iei a ia I aso katoa e ola iei tatou(ate fale tenei ko tou loto mo toku loto mo tou olaga katoa.Ke alofa te Atua o fakamanuia mai ne ia te fale o tatou ite aso tenei I galuega mo tiute ka fakafeagai mo tatou, kae ke foki atu te tavaega mo te vikiga ki tena igoa malu I loto mo agaga o tatou takitokotasi nei ke oko atu ki te se gata mai.
Posted on: Mon, 11 Nov 2013 18:38:37 +0000
Trending Topics
Recently Viewed Topics
© 2015