This video was recorded yesterday in our elementary Arabic I class. After listing to an Egyptian song featuring Dina, the very famous Egyptian belly dancer, and Sa’d Es-Soughayyar, a pop singer, the students were asked to identify all the words they could recognize. Later, I challenged the students to belly dance better than what they saw in the video. They were hesitant till I offered extra credit. It is this this kind of fun activities, baklava and falafel that get me good set forms. (I will post a link to the original video clip in the comments) الجيل ده من مدرسي ودارسي اللغة العربية (وغيرها من اللغات) محظوظين أكتر من الأجيال اللي فاتت بسبب الإنترنت وما يتيحه من مواد أصلية تستخدم في العملية التدريسية .. من بين المواد دي الأغنية بأنواعها المسموعة والمرئية والمتاحة على مواقع زي اليوتوب .. وفي الأربع سنين إللي فاتوا العبد لله وظف كتير من الأغاني دي في تدريس العربية للمستويات المختلفة بجامعة كولجيت .. وأتصور إن ده كان ليه مردود إيجابي عند الطلاب .. من بين الأغاني أو الفيديو كليبات إللي باستخدمها كل سنة الأغنية الشهيرة لسي سعد الصغير والست دينا العنب ــ العنب .. الأغنية بتتقدم للمستوى المبتدئ بعد ما بيكونوا خلصوا كتاب ألف باء مدخل لحروف العربية وأصواتها وخلصوا الدرس الأول وبدأوا في التاني من كتاب الكتاب في تعلم العربية الجزء الأول) وبيكونوا كمان اتعلموا كتير من المفردات عن الفاكهة والألوان .. وبعد ما الطلاب يتفرجوا على الفيديو كليب بأطلب منهم المفردات إللي قدروا يميزها من من خلال عملية الاستماع والمشاهدة للفيديو كليب .. وعادة بيعرفوا الفاكهة ــ العنب ــ المانجة ــ البلح ــ الموز ــ أصفر ــ أحمر ــ أسمر) وبعد ما بنخلص بأكلمهم شوية عن الحاجة دينا وإزاي إنها من حملة الماجستير في الفلسفة وإنها كانت أذكى من ناس كتير من عينية اللي قرروا يبقوا أساتذة جامعة لما صححت بوصلة مستقبلها وقررت تحترف الرقص الشرقي .. لإن دراسة الفلسفة ليس لها مستقبل والمستقبل للرقص الشرقي (إللي بيـدّرس الكتاب في تعلم العربية هيعرف أنا قصدي ايه بالجملة إللي بين علامتي التنصيص) كل سنة بأحاول اكتشاف المواهب المحمدعليا في الصف لكن مع الأسف مفيش حد بيوافق .. لكن السنة دي وبعد ما عرضت أربع درجات إضافية كحافز تشجيعي .. الحمد لله ربنا وفقنا وعثرنا على موهبتين من الشباب .. فهل من متبن لهما ؟؟ Muhammad Eissa
Posted on: Wed, 22 Oct 2014 20:00:20 +0000
Trending Topics
Recently Viewed Topics
© 2015