Thlazing thla rei tak mai chu ral thuai se, thla thar ruala ka nun a hlimna thar lo thleng tur hriat ngai loh beisei tur ber pawh hriat si loh chu beiseiin, Mim kut thla ka nghahhlelh em em chu ka chuang kai ta. Eng chu nge ka beisei chu? chu pawh chu ka hriat si loh. Mahse hei erawh ka thlir ru reng thin. Nun khawhar leh mal taka ka hmang reng bik hi, favang lo inher chhuak chuan ka thinlung hmun ruak luah khat tur a rawn her chhuah pui ve tawh ngei ringin, tlumte thlirin ka lo thlir a, mahse beiseina thamral mai an chang zo lo leh dawn ta. Thenkhat ten thawhnaw Secondhand thin ang maiin duh duh an thing a, chaw ei bang ang maiin an puar hnuah nitin, kartin kawppui an thlak si. Chutih laiin kei chuan awt leh duh ve ngawih ngawih chungin thiante hun inthlakthleng lai chu lo thlirin, tih theih dang neilo ta chuan engtin nge ka neih ve theih ang? tiin ngaihtuahna sengin beisei nei ru ve reng chung siin mal takin chhun ni leh zan ka hmang ral leh thin. Nunkhawharna chuan nunhluiah min hruai kir leh si thin. Nunhlui chhui kir chu a tak ram lo a, suangtuahna tal ti hlim a hmangaihna par ka chen ve theihna awm chhun a ni si. Nunkhawharna min hnemtu atan: Engvang nge maw nang nen kan intawn. Nghilhni reng i awm silo. Laikhum zala tlaikhua kan var lai nghilh bik suh aw Duati. Bawihte engdang vang mah anilo, ka tling zo lo ani e. Suihlung chhirin lo kir biklo la, itan ka rem tawhlo e.
Posted on: Sat, 07 Sep 2013 07:28:51 +0000
Trending Topics
Recently Viewed Topics
© 2015