Vol.No.XXII Issue No. 28 LUNGDING KARTIN CHHUAK CHANCHINBU Ni 3.8.2013 INRINNI LAWRKHAWM Step siam mek Kawnveng atanga Field lam pan chhohna step chu NREGS hnuaiah tunlai hian siam mek a ni a. Step tha tak mai cement-a zut mam thlapa siam tur a ni a. Hetianga step tha kan neih theihna tura hma hruaitu Pu PB. Lalchama a fakawm hle. Step, kawng leh khawtlang thilte hi neitu rilru puin i enkawl thin ang u. Luidung a lun YMA in sangha man a phal hun a lo ni leh ta a. Tunlai hian Ngopa ram chhunga lui hrang hrangahte len deng an in dawt zut mai a. Luidung nungcha humhalh hi kan hlawkpui hle a. Sangha man hinte hian luidung nungcha humhalh hi a chhawr bertute kan ni tih hriain khawtlang ina kaihhruaina a siamte i zawm tlang hram hram ang u. Kraws dah Hawrunpui Monument, Watch Tower chu chei chhoh zel a ni a. Kawngkhar tha tak siam a ni a. A chung bera lawn chhohna turin thir leihlawn (spiral) tha tak dah a ni ta a. Hei bakah hian a chhipah hian Kraws dah a ni a, a in hmeh hle. Watch Tower hi a neitu vek kan ni tih hriain dimdawi takin i enkawl theuh ang u. Zirna chung chang Primary School thenkhat ten exam an zo tawh a. School thenkhatin kar leh tir lamah khian an zo dawn bawk a. Sorkar school thenkhat erawh chuan August thla laihawl lamah exam an nei dawn a ni. Graduate thar then khatten University lamah admission an zawng mek a. Then khat erawh chuan zir zawm zel an tum rih lo thung. Kan khua atanga MA zirlai kan neih tlemte te pawh chawlh hmangin an rawn haw chhuak bawk. Zirna lamah hian kan harh thar leh zual a ngai hle mai. Biakin sa mek Ngopa Presbyterian Kohhrana vengthlang lam a mite indanna tur biakin chu sak chhoh mek zel a ni a. Tunah hian a ban phun kim tawhin a thlang lamah retaining wall siam mek a ni bawk. Pavalai Pawl Intawhkhawm Synod Revival Committee huai hawtin ram pum huapa Pavalai Pawl Intawhkhawm hmasa ber chu zanin ah hian tan a ni dawn ta a. Ngopa khaw chhung atang pawhin member engemaw zat he intawhkhawm hun hmang tur hian an kal. Cement Mistiri training Ngopa North Kohhran Social Front Committee hmalaknain Cement Mistiri Training buatsaih tum a ni a. He training hi engineer-te kaihhruaina hnuaiah neih tur a ni. Training duhte chu Ngopa North Kohhran Social Front Committee hnenah in report tur a ni e. Hei bakah hian Central YMA chuan Cement Mistiri Training hi Labour & Employment Department nena tang kawpin a buatsaih dawn bawk a, DA pawh awm tura ruahman a ni a. Cement mistiri hi kan khawtlang mamawh tak mai a ni a. Thalai a zir awm chi te chuan mahni tana a that mai bakah ram leh hnam humhalhna kawng khat a ni tih hriain zir ngei i tum ang u. CYMA in Party hruaitute kawm Central YMA chuan kumin kum tawpa MLA inthlanlo awm turah hel pawl leh hnam bil politics a inlar lohna turin hma a la tan ta a. Hemi chungchangah hian ni 1.8.2013 khan CYMA office Bearer-te chuan Mizo Ham Runah MNF hruaitute an kawm a, ni 2.8.2013 hian ZNP party hruaitute an kawm bawk. Political party dang hruaitute pawh la kawm zel an tum bawk. CYMA President Pu T. Sangkunga chuan “Tun inthlanah hian chibingte nena election alliance neih leh hel pawlte nena inremsiamna neih loh ni se, tih hi kan len chhan a ni. Mizo-ah hian lungawi vek ila, tih hi kan duhthusam a ni,” a ti. Lawmawm Tunlaiin thlanmual thar tur, ‘Hmarveng Thlanmual’ buaipui mek a ni a. He thlanmual thar tur atan hian Pu F. Kapsanga chuan hume pipe bung, tui zema atan pe (donate) a. A lawmawm hle a ni.
Posted on: Sat, 03 Aug 2013 04:48:39 +0000
Trending Topics
Recently Viewed Topics
© 2015