Yarui sheba wuivang CHSRC hospital na machine kadhar shichinphok haira. Thotshang Shaiza Ukhrul, Oct. 26: Ukhrul District Hq. li Government hospital akha kala private hospital khani da leida khalei ngachaili Berean Medical Association wui azingli CHSRC Hospital leida khalei hina yaruiwui kazat khangahali mathameida sheba sapaikhavai akap aman kasak khuisang mamandalei. Comprehensive Health Service and Research Centre (CHSRC), Ukhrul wui Director Dr Nelson Vashum na 2007 Jan. wui eina private hospital akha, Ukhrul Districtli panda khalei mibingwui vang 15 bedded 24hrs service mikhavai staff 40 shakhana sheba sada, haokaphokna kala kakazã khayangmãng maningla counseling centre akhala ngasãya. 2013 Dec. first week wui eina Manipurli maleilãkrang kasã Colour Doppler machine akha shijinphokda nao vaida khalei bingwuivang wuklungli zangda khalei nao chi azak, machu kala asan-aret/phasã kapha-makapha theikashap machine/ colour ultra sound, shijinrãshum laga aja machine kadhar akha DRI-CHEM 4000i Fuji Film install salui haira. Bio-chemistry auto analyzer testing equipment/machine khuisang kahai hina thuikahai atamli blood test, stool test, urine test sãkasã li 100% mathei kharar kala akap singda khalei bingwui shoikapai (human error) leikapai chi machine kadhar DRI-CHEM 4000i Fuji Machine hina ara 100% accurate kasa kala human error malei kapai tazak eina khuishok kashap akap akhana. Machine hina Liver Function Test-LFT, Lipid Profile, Kidney Function Test-KFT hkt binghi mashunglak eina chitheimiyada hanga. Machinehi shijinphokta mathalak eina function saphokhaira da mediali chithei mida lei.
Posted on: Mon, 27 Oct 2014 04:29:13 +0000
Trending Topics
Recently Viewed Topics
© 2015